Wikipedija

Lista ta' Siti ta' Wirt Dinji fil-Ġermanja

lista tas-Siti ta' Wirt Dinji tal-UNESCO fil-Ġermanja

Is-Siti ta' Wirt Dinji tal-Organizzazzjoni tan-Nazzjonijiet Uniti għall-Edukazzjoni, ix-Xjenza u l-Kultura (UNESCO) huma postijiet b'importanza kulturali jew naturali, kif deskritt fil-Konvenzjoni tal-Wirt Dinji tal-UNESCO, li ġiet stabbilita fl-1972.[1] Il-wirt kulturali jikkonsisti minn monumenti (bħal xogħlijiet arkitettoniċi, skulturi monumentali, jew inċiżjonijiet), gruppi ta' binjiet, u siti (fosthom siti arkeoloġiċi). Il-wirt naturali jinkludi karatteristiċi naturali (li jikkonsistu minn formazzjonijiet fiżiċi u bijoloġiċi), ġeoloġiċi u fiżjografiċi (inkluż il-ħabitats ta' speċijiet mhedda ta' annimali u pjanti), u siti naturali li huma importanti mill-puntdivista tax-xjenza, tal-konservazzjoni jew tas-sbuħija naturali.[2] Il-Ġermanja tal-Punent irratifikat il-Konvenzjoni fit-23 ta' Awwissu 1976 u l-Ġermanja tal-Lvant irratifikatha fit-12 ta' Diċembru 1988, u b'hekk is-siti storiċi tagħhom saru eliġibbli biex jitniżżlu fil-lista tas-Siti ta' Wirt Dinji tal-UNESCO.

Mappa tas-Siti ta' Wirt Dinji tal-UNESCO fil-Ġermanja.

Mill-2021, il-Ġermanja għandha 52 Sit ta' Wirt Dinji tal-UNESCO, fosthom 49 sit kulturali u 3 siti naturali.[3] L-ewwel sit fil-Ġermanja li tniżżel fil-lista kien il-Katidral ta' Aachen fl-1978, li kien ukoll wieħed mill-ewwel siti fid-dinja li żdiedu fil-lista.[4] Il-Ġermanja għandha t-tieliet l-ikbar ammont ta' Siti ta' Wirt Dinji tal-UNESCO fid-dinja, flimkien ma' Franza, u wara l-Italja u ċ-Ċina.

Il-Wied tax-Xmara Elbe fi Dresden, li kien iddeżinjat bħala Sit ta' Wirt Dinji tal-UNESCO fil-periklu f'Lulju 2006, finalment tneħħa mil-lista f'Ġunju 2009, u b'hekk huwa wieħed minn tliet siti biss li qatt tneħħew mil-lista tas-Siti ta' Wirt Dinji tal-UNESCO.

Siti ta' Wirt Dinji immodifika

L-UNESCO tiddeżinja s-siti abbażi ta' għaxar kriterji tal-għażla; kull sit irid jissodisfa mill-inqas wieħed mill-għaxar kriterji. Il-kriterji (i) sa (vi) huma kulturali, filwaqt li l-kriterji (vii) sa (x) huma naturali.[5]

NB: * Siti transnazzjonali (bl-ikħal)

Sit Nru Isem Ritratt Post Kriterji Sena Deskrizzjoni
1 Katidral ta' Aachen   GermanyAachen

50°46′28″N 6°5′4″E / 50.77444°N 6.08444°E / 50.77444; 6.08444 (Aachen Cathedral)

kulturali:GerAac

(i), (ii), (iv), (vi)

1978 Il-Katidral ta' Aachen huwa kapulavur ikoniku tal-arkitettura li ispira bosta kopji tiegħu fil-Ġermanja kollha fis-sekli ta' wara li nbena. Il-katidral sar l-ewwel struttura li qatt inbniet bil-volti minn żmien il-qedem. Il-belt innifisha kienet marbuta mill-qrib ma' Karlu Manju waqt it-tnissel tal-katidral, u għalhekk sar il-post fejn indifen meta miet fit-814 W.K.[6]
2 Abbazija u Altenmünster ta' Lorsch   GermanyLorsch

49°39′13.284″N 8°34′6.888″E / 49.65369°N 8.56858°E / 49.65369; 8.56858 (Abbey and Altenmünster of Lorsch)

kulturali:GerLor

(iii), (iv)

1991 L-abbazija u d-daħla jew it-"Torhall" huma ta' żmien Karlu Manju. L-iskulturi u l-pitturi notevoli ta' żmien Karlu Manju għadhom f'kundizzjoni tajba.[7]
3 Bauhaus u s-Siti tal-Moviment f'Weimar, f'Dessau u f'Bernau   GermanyDessau, Weimar and Bernau bei Berlin

50°58′29.172″N 11°19′46.164″E / 50.97477°N 11.32949°E / 50.97477; 11.32949 (Bauhaus and its sites in Weimar and Dessau)

kulturali:GerBer1

(ii), (iv), (vi)

1996 Stabbilit fl-1919 f'Weimar, il-Moviment tal-Bauhaus kien l-iżjed skola tal-arti influwenti tas-seklu 20. Il-binjiet iddisinjati mill-arkitetti tal-Bauhaus huma rappreżentanti fundamentali tal-Moderniżmu Klassiku. Is-Sit ta' Wirt Dinji jinkludi l-binjiet tal-Moviment tal-Bauhaus f'Weimar u l-Haus am Horn, Weimar; il-binja tal-Bauhaus f'Dessau, il-Meisterhäuser (fejn kien jgħix il-persunal superjuri)[8] u l-Laubenganghäuser (id-"Djar b'Aċċess mill-Gallarija");[9] u l-Iskola tat-Trade Union tal-ADGB f'Bernau bei Berlin.[10]
4 Bergpark Wilhelmshöhe   GermanyKassel

51°18′57″N 9°23′35″E / 51.31583°N 9.39306°E / 51.31583; 9.39306 (Bergpark Wilhelmshöhe in Kassel)

kulturali:GerKas

(iii), (iv)

2013 Il-Bergpark Wilhelmshöhe huwa l-ikbar park Ewropew fl-għoljiet, u t-tieni l-ikbar park fuq xaqliba muntanjuża fid-dinja. L-impjant tal-ilma flimkien mal-istatwa enormi ta' Erkole fil-quċċata jikkostitwixxu espressjoni tal-ideali tal-Monarkija assolutista, filwaqt li l-kumpless huwa xhieda notevoli tal-estetika tal-perjodu Barokk u dak Romantiku.[11]
5 Residenzi tal-Moderniżmu f'Berlin   GermanyBerlin

52°26′54″N 13°26′59.9″E / 52.44833°N 13.449972°E / 52.44833; 13.449972 (Berlin Modernism Housing Estates)

kulturali:GerBer2

(ii), (iv)

2008 Is-sit jikkonsisti minn sitt residenzi mill-1910 sal-1933. Huwa eżempju tal-moviment tar-riformi li kkontribwixxa għat-titjib tal-abitazzjonijiet u tal-kundizzjonijiet tal-għajxien għan-nies b'introjtu baxx. Ir-residenzi jesponu għadd ta' disinni, tiżjin u konfigurazzjonijiet ġodda. It-tagħlimiet meħuda hawnhekk ġew applikati fuq proġetti oħra madwar id-dinja. Uħud mill-arkitetti notevoli ta' dawn l-abitazzjonijiet kienu Bruno Taut, Martin Wagner u Walter Gropius.[12]
6 Kumpless Karolinġju tal-Abbazija ta' Corvey   GermanyHöxter

51°46′41.1″N 9°24′34.1″E / 51.778083°N 9.409472°E / 51.778083; 9.409472 (Carolingian Westwork and Civitas Corvey)

kulturali:GerEss

(ii), (iii), (iv)

2014 Il-Kumpless Karolinġju tal-Abbazija ta' Corvey inbena bejn it-822 u t-885 W.K. f'ambjent rurali ppreservat. Il-Westwerk hija l-unika struttura eżistenti li tmur lura għal żmien Karlu Manju, filwaqt li l-kumpless imperjali tal-abbazija huwa ppreservat bħala l-fdalijiet arkeoloġiċi li ġew parzjalment skavati għalissa. Il-Westwerk ta' Corvey jirrappreżenta waħda mill-iżjed espressjonijiet uniċi importanti ta' żmien Karlu Manju.[13]
7 Kastelli ta' Augustusburg u Falkenlust fi Brühl   GermanyBrühl

50°49′30.1″N 6°54′35.2″E / 50.825028°N 6.909778°E / 50.825028; 6.909778 (Castles of Augustusburg and Falkenlust at Brühl)

kulturali:GerBru

(ii), (iv)

1984 Il-Kastell ta' Augustusburg, ir-residenza tal-prinċpijiet-arċisqfijiet ta' Köln, u l-loġġa tal-kaċċa ta' Falkenlust huma żewġ eżempji tal-arkitettura tar-Rokokò Bikri Ġermaniż.[14]
8 Għerien u l-Arti tal-Era Glaċjali fil-Jura tas-Swabja   GermanyBaden-Württemberg

48°23'16.0"N 9°45'56.0"E 48°32'56.0"N 10°10'32.0"E

kulturali:GerBru

(iii)

2017 Il-bnedmin moderni waslu għall-ewwel darba fl-Ewropa 43,000 sena ilu matul l-aħħar era glaċjali. Waħda miż-żoni li insedjaw kienet iż-żona tal-Jura tas-Swabja fin-Nofsinhar tal-Ġermanja. Skavati mis-snin 60 tas-seklu 19, sitt għerien żvelaw oġġetti li jmorru lura bejn 43,000 sa 33,000 sena ilu.[15]
9 Il-Muniċipju u l-Istatwa ta' Roland fil-Pjazza tas-Suq ta' Bremen   GermanyBremen

53°4′33.5″N 8°48′26.9″E / 53.075972°N 8.807472°E / 53.075972; 8.807472 (Town Hall and Roland on the Marketplace of Bremen)

kulturali:GerBre

(iii), (iv), (vi)

2004 Is-sit jikkonsisti mill-muniċipju u mill-istatwa ta' Roland maġenbu. Il-muniċipju nbena fis-seklu 15 meta Bremen issieħbet fil-Lega Anseatika. Ġie rinnovat fis-seklu 17, u muniċipju ġdid inbena fil-qrib fil-bidu tas-seklu 20. Taħt l-Imperu Ruman Sagru, Bremen kellha awtonomija estensiva u b'hekk il-belt kibret u l-muniċipju kien iċ-ċentru tal-poter tagħha. Il-muniċipju l-antik u l-muniċipju l-ġdid ħelsuha ħafif waqt il-bumbardamenti tat-Tieni Gwerra Dinjija. L-istatwa ta' Roland inbniet fl-1404 u hija għolja 5.5 metri (18-il pied).[16]
10 Weimar Klassika   GermanyThüringen

50°58′39″N 11°19′42.996″E / 50.9775°N 11.32861°E / 50.9775; 11.32861 (Classical Weimar)

kulturali:GerWei

(iii), (vi)

1998 Weimar saret ċentru kulturali fl-aħħar tas-seklu 18 u fil-bidu tas-seklu 19. Fost il-bosta artisti u kittieba, il-belt ospitat lil Goethe u lil Schiller. Matul dan il-perjodu nbnew bosta binjiet u parks eleganti f'Weimar.[17]
11 Knisja Kolleġjali, Kastell u Ċentru Storiku ta' Quedlinburg   GermanyHarz

51°46′59.988″N 11°9′0″E / 51.78333°N 11.15°E / 51.78333; 11.15 (Collegiate Church, Castle and Old Town of Quedlinburg)

kulturali:GerHar

(iv)

1994 Il-preservazzjoni taċ-ċentru storiku ta' Quedlinberg tippermetti lit-turisti jaraw id-djar bl-oqfsa tal-injam tas-sekli 16 u 17 u jimxu tul it-toroq Medjevali, filwaqt li jgawdu l-kastell u l-katidral Rumanesk, fejn indifnu Enriku I u martu.[18]
12 Katidral ta' Köln   GermanyKöln

50°56′28″N 6°57′26″E / 50.94111°N 6.95722°E / 50.94111; 6.95722 (Cologne Cathedral)

kulturali:GerCol

(i), (ii), (iv)

1996 Għalkemm ix-xogħol tal-kostruzzjoni tal-Katidral ta' Köln beda fl-1248, il-katidral baqa' ma tlestiex sa żmien il-Prussjani, li temmew il-kostruzzjoni fl-1880. Ġie bbumbardjat sew fit-Tieni Gwerra Dinjija, iżda permezz tar-restawr irnexxielu jsir l-iżjed attrazzjoni li jżuruha nies fil-Ġermanja, b'saħansitra 6.5 miljun viżitatur fis-sena mill-2011.[19]
13 Reġjun tal-Estrazzjoni tal-Minerali ta' Erzgebirge/Krušnohoří*   GermanySachsen, il-Ġermanja u

r-Repubblika Ċeka

50°24′23″N 12°50′14″E / 50.40639°N 12.83722°E / 50.40639; 12.83722 (Erzgebirge/Krušnohoří Mining Region)

kulturali:GeOre

(ii), (iv)

2019 Il-muntanji fix-Xlokk tal-Ġermanja u fil-Majjistral taċ-Ċekja kienu sors tal-metalli, fosthom il-fidda, il-landa u l-uranju mill-bidu tas-seklu 12. Il-pajsaġġ kulturali tar-reġjun issawwar bl-innovazzjonijiet tal-estrazzjoni u tat-tidwib.[20]
14 Fabbrika ta' Fagus f'Alfeld   GermanyAlfeld

51°59′1″N 9°48′40″E / 51.98361°N 9.81111°E / 51.98361; 9.81111 (Fagus Factory in Alfeld)

kulturali:GerAlf

(ii), (iv)

2011 Mibnija minn Walter Gropius fl-1910, il-fabbrika ddisinjata għall-manifattura tal-forom tal-injam għall-produzzjoni taż-żraben kienet rinomata għar-ridefinizzjoni tal-valuri dekorattivi ta' dak iż-żmien, b'mod partikolari fl-użu mifrux tal-ħġieġ biex il-binja tkun iktar omoġenja, bħala prekursur għax-xogħlijiet li ġew wara mill-Moviment tal-Bauhaus.[21]
15 Fruntieri tal-Imperu Ruman*   GermanyCentral Lowlands,

it-Tramuntana tal-Ingilterra u n-Nofsinhar tal-Ġermanja

54°59′33.4″N 2°36′3.6″W / 54.992611°N 2.601°W / 54.992611; -2.601 (Frontiers of the Roman Empire)

kulturali:GerCen

(ii), (iii), (iv)

1987 Il-Ħajt ta' Adrijanu nbena fil-122 W.K. u l-Ħajt ta' Anton inbena fil-142 W.K. biex l-Imperu Ruman jiġi difiż mill-"barbari". Dan is-Sit ta' Wirt Dinji qabel kien jinkludi l-Ħajt ta' Adrijanu biss, iżda iktar 'il quddiem ġie estiż biex jinkludi l-Fruntieri tal-Imperu Ruman fis-seklu 2 W.K., inkluż il-Ħajt ta' Anton fit-Tramuntana u l-Ħajt ta' Trajanu fil-Lvant tal-Ewropa.[22]
16 Renju tal-Ġonna ta' Dessau-Wörlitz   GermanySachsen-Anhalt

51°50′33″N 12°25′14.988″E / 51.8425°N 12.42083°E / 51.8425; 12.42083 (Garden Kingdom of Dessau-Wörlitz)

kulturali:GerSax1

(ii), (iv)

2000 Ir-Renju tal-Ġonna ta' Dessau-Wörlitz huwa eżempju straordinarju tal-applikazzjoni tal-prinċipji filosofiċi tal-Illuminiżmu fid-disinn ta' pajsaġġ li jintegra l-arti, l-edukazzjoni u l-ekonomija b'mod kumplessiv armonjuż.[23]
17 Belt Anseatika ta' Lübeck   GermanySchleswig-Holstein

53°52′0.012″N 10°41′30.012″E / 53.86667°N 10.69167°E / 53.86667; 10.69167 (Hanseatic City of Lübeck)

kulturali:GerSch

(iv)

1987 Lübeck kienet il-belt kapitali kummerċjali tal-Lega Anseatika influwenti, li kellha monopolju tal-kummerċ fil-biċċa l-kbira tat-Tramuntana tal-Ewropa. Għalkemm għoxrin fil-mija tal-belt inqerdet fit-Tieni Gwerra Dinjija, il-biċċa l-kbira tal-arkitettura tas-seklu 12 għadha intatta.[24]
18 Ċentri Storiċi ta' Stralsund u Wismar   GermanyMecklenburg-Vorpommern

54°18′9″N 13°5′7″E / 54.3025°N 13.08528°E / 54.3025; 13.08528 (Historic Centres of Stralsund and Wismar)

kulturali:GerMec

(ii), (iv)

2002 Iż-żewġ bliet kienu ċentri kummerċjali ewlenin tal-Lega Anseatika fis-sekli 14 u 15. Imbagħad servew bħala ċentri difensivi u amministrattivi għall-Iżvezja mitejn sena wara, l-iktar matul il-Gwerra tat-Tletin Sena. L-istili arkitettoniċi ta' dawn iż-żewġ perjodi huma preżenti u huma ppreservati sew.[25]
19 Imfakar Luterani f'Eisleben u f'Wittenberg   GermanySachsen-Anhalt

51°51′52.992″N 12°39′10.008″E / 51.86472°N 12.65278°E / 51.86472; 12.65278 (Luther Memorials in Eisleben and Wittenberg)

kulturali:GerSax2

(iv), (vi)

1996 Dawn iż-żewġ irħula f'Sachsen-Anhalt huma assoċjati mal-ħajja ta' Martin Luteru u r-riformista sieħbu Melanchthon. Fost l-imfakar Luterani inklużi nsibu d-dar ta' Melanchthon f'Wittenberg, id-djar f'Eisleben fejn Luteru twieled fl-1483 u fejn miet fl-1546, il-kamra tiegħu f'Wittenberg, il-knisja lokali u l-knisja-kastell fejn fil-31 ta' Ottubru 1517, Luteru waħħal il-"95 Teżi" famużi tiegħu, li nedew ir-Riformazzjoni u era ġdida ta' storja politika u reliġjuża fid-dinja tal-Punent.[26]
20 Teatru tal-Opri Margravjali ta' Bayreuth   GermanyBayreuth, il-Bavarja

49°56′40″N 11°34′43″E / 49.94444°N 11.57861°E / 49.94444; 11.57861 (Margravial Opera House Bayreuth)

kulturali:GerMar

(i), (iv)

2012 It-teatru tal-opri Barokk fir-raħal ta' Bayreuth inbena bejn l-1745 u l-1750. Huwa wieħed mill-ftit teatri eżistenti ta' dak il-perjodu fl-Ewropa u ġie rrestawrat b'mod estensiv.[27]
21 Kumpless tal-Monasteru ta' Maulbronn   GermanyMaulbronn

49°0′2.988″N 8°48′47.016″E / 49.00083°N 8.81306°E / 49.00083; 8.81306 (Maulbronn Monastery Complex)

kulturali:GerMau

(ii), (iv)

1993 Il-Monasteru ta' Maulbronn jitqies bħala kumpless monastiku taċ-Ċisterċensi li huwa l-iżjed komplut u li huwa ppreservat l-aħjar fost il-kumplessi monastiċi Medjevali fit-Tramuntana tal-Alpi. Il-binjiet prinċipali nbnew bejn is-sekli 12 u 16, flimkien mal-ħitan tal-monasteru. Il-knisja tal-monasteru, l-iktar bi stil Gotiku Tranżizzjonali, għenet biex jinfirex l-istil Gotiku madwar it-Tramuntana tal-Ewropa u l-Ewropa Ċentrali. Il-monasteru kellu wkoll sistema elaborata tal-ġestjoni tal-ilma.[28]
22 Sit tal-Fossili tal-Foss ta' Messel   GermanyMessel

49°55′0.012″N 8°45′14.004″E / 49.91667°N 8.75389°E / 49.91667; 8.75389 (Messel Pit Fossil Site)

naturali:GerMes

(viii)

1995 Il-Foss ta' Messel huwa l-iżjed sit rikk fid-dinja għall-fehim tal-ambjent fl-Eoċen, bejn 57 miljun u 36 miljun sena ilu. B'mod partikolari, juri l-istadji bikrin tal-evoluzzjoni tal-mammiferi u jinkludi fossili ppreservati tajjeb ħafna ta' mammiferi. Uħud mill-iżjed skoperti notevoli jinkludu skeletri artikolati għalkollox u l-kontenut aħħari fl-istonku tal-annimali.[29]
23 Minjieri ta' Rammelsberg, Ċentru Storiku ta' Goslar u s-Sistema tal-Ġestjoni tal-Ilma tal-Muntanji Superjuri tal-Harz   GermanyGoslar u l-Muntanji Superjuri tal-Harz

51°49′12″N 10°20′24″E / 51.82°N 10.34°E / 51.82; 10.34 (Mines of Rammelsberg, Historic Town of Goslar and Upper Harz Water Management System)

kulturali:GerGos

(i), (ii), (iii), (iv)

1992 Is-sistema tal-ġestjoni tal-ilma tal-Muntanji Superjuri tal-Harz ġiet żviluppata tul perjodu ta' xi 800 sena sabiex tkun ta' għajnuna fit-tħaffir u fl-estrazzjoni tal-minerali. Il-minjieri u l-għadajjar tagħhom bdew taħt il-patrijiet Ċisterċensi fil-Medju Evu. Madankollu, il-biċċa l-kbira tax-xogħlijiet inbnew mill-aħħar tas-seklu 16 sas-seklu 19. Hija magħmula minn sistema kumplessa ħafna ta' għadajjar artifiċjali, kanali żgħar, mini u passaġġi taħt l-art għad-drenaġġ. Il-minjieri kienu sit ewlieni għall-innovazzjoni tax-xogħol tat-tħaffir u tal-estrazzjoni fid-dinja tal-Punent.[30]
24 Gżira Monastika ta' Reichenau   GermanyBaden-Württemberg

47°41′55.4″N 9°3′40.7″E / 47.698722°N 9.061306°E / 47.698722; 9.061306 (Monastic Island of Reichenau)

kulturali:GerBad

(iii), (iv), (vi)

2000 Is-sit jinkludi traċċi tal-monasteru Benedittin, stabbilit fis-724, li kellu influwenza spiritwali, intellettwali u artistika notevoli fir-reġjun kollu tal-madwar. Il-knejjes ta' Santa Marija u ta' San Mark, ta' San Pietru u ta' San Pawl, u ta' San Ġorġ, inbnew l-iktar bejn is-sekli 9 u 11. Il-pitturi u t-tiżjin tagħhom mal-ħitan juru attività artistika impressjonanti.[31]
25 Museumsinsel (il-Gżira tal-Mużewijiet), Berlin   GermanyBerlin

52°31′11″N 13°23′55″E / 52.51972°N 13.39861°E / 52.51972; 13.39861 (Museumsinsel (Museum Island), Berlin)

kulturali:GerBer3

(ii), (iv)

1999 Il-ħames mużewijiet tal-Gżira tal-Mużewijiet f'Berlin, li nbnew bejn l-1824 u l-1930, huma kollezzjoni magħquda iżda diversifikata ta' kollezzjonijiet u binjiet ta' mużewijiet. Kull mużew inbena biex ikun integrat mal-kollezzjoni u jirrappreżenta l-estetika taż-żminijiet differenti. Il-kollezzjonijiet jittraċċaw l-iżvilupp taċ-ċivilizzazzjonijiet tul iż-żminijiet.[32]
26 Park ta' Muskau/Mużakowski*   Bad Muskau / Mużakowski

51°34′45.5″N 14°43′35.2″E / 51.579306°N 14.726444°E / 51.579306; 14.726444 (Muskauer Park / Park Mużakowski)

kulturali:GerUpp

(i), (iv)

2004 Dan il-park jinsab max-xmara Neisse u fil-fruntiera bejn il-Polonja u l-Ġermanja. Inħoloq mill-Prinċep Hermann von Puckler-Muskau mill-1815 sal-1844. Iddisinjat bħala "pittura bil-pjanti", uża l-pjanti lokali biex jittejjeb il-pajsaġġ eżistenti. Il-park huwa mifrux fir-raħal ta' Bad Muskau flimkien ma' parks u spazji ħodor oħra. Is-sit fih ukoll kastell rikostruwit, pontijiet u arboretum.[33]
27 Katidral ta' Naumburg   GermanyNaumburg,

51°9′17″N 11°48′14″E / 51.15472°N 11.80389°E / 51.15472; 11.80389 (Naumburg Cathedral)

kulturali:GerNau

(i), (ii)

2018 Il-katidral huwa eks katidral tal-Veskovat ta' Naumburg-Zeitz. Il-binja tal-knisja, li l-biċċa l-kbira tagħha tmur lura għas-seklu 13, hija għeliem rinomat tar-Rumanesk Aħħari Ġermaniż.[34]
28 Ċentru Storiku ta' Regensburg bl-iStadtamhof   GermanyRegensburg

49°1′14″N 12°5′57″E / 49.02056°N 12.09917°E / 49.02056; 12.09917 (Old Town of Regensburg with Stadtamhof)

kulturali:GerBavReg

(ii), (iii), (iv)

2006 Din il-belt Medjevali fiha bosta binjiet notevoli li nbnew matul kważi żewġ millenji u jinkludu binjiet Rumani antiki, Rumaneski u Gotiċi. L-arkitettura tas-sekli 11 sa 13 ta' Regensburg ħolqot belt b'toroq dojoq u b'diversi binjiet għoljin. Tinkludi d-djar patrizjani u t-torrijiet Medjevali, għadd kbir ta' knejjes u monasteri, kif ukoll il-Pont tal-Ġebel tas-seklu 12. Regensburg kienet ċentru kummerċjali Ewropew fil-Medju Evu u ċentru politiku tal-Imperu Ruman Sagru li kkonverta għall-Protestantiżmu.[35]
29 Palazzi u Parks ta' Potsdam u Berlin   GermanyBerlin, Potsdam

52°23′59″N 13°1′59″E / 52.39972°N 13.03306°E / 52.39972; 13.03306 (Palaces and Parks of Potsdam and Berlin)

kulturali:GerBer4

(i), (ii), (iv)

1990 Dan is-sit fih 500 ettaru ta' parks u 150 binja li nbnew bejn l-1730 u l-1916. Huwa estiż fid-distrett ta' Berlin-Zehlendorf, bil-palazzi u l-parks tul ix-xtut tax-xmara Havel u l-Lag ta' Glienicke. Voltaire qagħad fil-Palazz ta' Sans-Souci, li nbena taħt Federiku II bejn l-1745 u l-1747.[36]
30 Knisja tal-Pellegrinaġġi ta' Wies   GermanySteingaden

47°40′52.6″N 10°54′0.5″E / 47.681278°N 10.900139°E / 47.681278; 10.900139 (Pilgrimage Church of Wies)

kulturali:GerSte

(i), (iii)

1983 Il-Knisja ta' Wies (1745-1754) hija frott ix-xogħol tal-arkitett Dominikus Zimmermann u hija kapulavur tar-Rokokò Bavarjan.[37]
31 Siti Preistoriċi bil-Puntali madwar l-Alpi*   111-il sit differenti f'sitt pajjiżi

47°16′42″N 8°12′27″E / 47.27833°N 8.2075°E / 47.27833; 8.2075 (Prehistoric pile dwellings around the Alps)

kulturali:Swi

(iv), (v)

2011 Dan is-sit transnazzjonali (kondiviż mal-Awstrija, ma' Franza, mal-Italja, mas-Slovenja u mal-Iżvizzera) fih 111-il sit individwali bil-fdalijiet ta' abitazzjonijiet preistoriċi bil-puntali ta' insedjamenti preistoriċi madwar l-Alpi, li nbnew mill-5000 sal-500 Q.K. f'xifer il-lagi, ix-xmajjar jew l-artijiet mistagħdra. Fihom minjiera ta' informazzjoni dwar il-ħajja u l-kummerċ fil-kulturi agrarji Neolitiċi u ta' Żmien il-Bronż fl-Ewropa Alpina.[38]
32 Foresti Antiki u Primordjali tal-Fagu tal-Karpazji u ta' Reġjuni Oħra tal-Ewropa*   Foresti differenti fi 12-il pajjiż

49°5′10″N 22°32′10″E / 49.08611°N 22.53611°E / 49.08611; 22.53611 (Ancient and Primeval Beech Forests of the Carpathians and Other Regions of Europe)

naturali:Ger1

(ix)

2007 Il-Foresti Primordjali tal-Fagu tal-Karpazji jintużaw biex jiġi studjat it-tifrix tas-siġar tal-fagu (Fagus sylvatica) fl-Emisferu tat-Tramuntana f'varjetà ta' ambjenti u l-ambjent fil-foresti. Is-sit tniżżel għall-ewwel darba fl-2007 b'komponenti mis-Slovakkja u mill-Ukrajna. Ġie estiż fl-2011, fl-2017, u fl-2021 biex jiġu inklużi l-foresti f'total ta' 18-il pajjiż.[39]
33 Monumenti Rumani, il-Katidral ta' San Pietru u l-Knisja tal-Madonna fi Trier   GermanyTrier

49°45′0″N 6°37′59″E / 49.75°N 6.63306°E / 49.75; 6.63306 (Roman Monuments, Cathedral of St. Peter and Church of Our Lady in Trier)

kulturali:GerTri

(i), (iii),(iv), (vi)

1986 Il-kolonja Rumana fi Trier ġiet stabbilita fis-seklu 1 W.K. Kibret f'belt ewlenija u saret waħda mill-bliet kapitali tat-Tetrarkija fl-aħħar tas-seklu 3. Ħafna mill-istrutturi ta' żmien ir-Rumani għadhom preżenti fi Trier. Il-katidral huwa l-eqdem knisja fil-Ġermanja, peress li nbena fuq il-fdalijiet tal-binjiet Rumani ta' Massiminu ta' Trier fit-329-346.[40]
34 Speicherstadt u d-Distrett ta' Kontorhaus   Amburgu

53°32′53.9″N 10°00′10.5″E / 53.548306°N 10.002917°E / 53.548306; 10.002917 (Speicherstadt and Kontorhaus District)

kulturali:GerEss

(iv)

2015 L-iSpeicherstadt u d-distrett ta' Kontorhaus fil-qrib huma żewġ żoni urbani b'densità ta' bini fiċ-ċentru tal-belt portwali ta' Amburgu. L-iSpeicherstadt, oriġinarjament żviluppata fuq grupp ta' gżejjer dojoq fix-xmara Elbe bejn l-1885 u l-1927, ġiet parzjalment mibnija mill-ġdid mill-1949 sal-1967. Hija waħda mill-ikbar kumplessi storiċi koerenti ta' mħażen portwali fid-dinja.[41]
35 Katidral ta' Speyer   GermanySpeyer

49°19′0″N 8°26′35″E / 49.316667°N 8.44306°E / 49.316667; 8.44306 (Speyer Cathedral)

kulturali:GerSpe

(ii)

1981 Il-Katidral Rumanesk ta' Speyer ġie stabbilit minn Konrad II fl-1030 u ġie mmudellat mill-ġdid fl-aħħar tas-seklu 11. Kien wieħed mill-iżjed katidrali Rumaneski grandjużi fl-Imperu Ruman Sagru u l-post tad-dfin tal-imperaturi Ġermaniżi għal kważi 300 sena.[42]
36 Katidral ta' Santa Marija u l-Knisja ta' San Mikiel f'Hildesheim   GermanyHildesheim

52°9′10.008″N 9°56′38.004″E / 52.15278°N 9.94389°E / 52.15278; 9.94389 (St Mary's Cathedral and St Michael's Church at Hildesheim)

kulturali:GerHil

(i), (ii), (iii)

1985 Is-sit jikkonsisti minn żewġ knejjes f'Hildesheim. Il-Knisja Rumaneska Ottonjana ta' San Mikiel inbniet bejn l-1010 u l-1020. Fuq ġewwa l-knisja mżejna b'saqaf tal-injam notevoli, xogħol impitter tal-istukko, u bil-Kolonna ta' Bernward. It-teżori tal-Katidral Rumanesk ta' Hildesheim jinkludu l-Bibien ta' Bernward, il-kandilabru ta' Hezilo, il-kandilabru ta' Azelin u teżori oħra.[43]
37 Ix-Xogħol Arkitettoniku ta' Le Corbusier, Kontribut Straordinarju lill-Moviment Modern*   Stuttgart, il-Ġermanja, u għadd ta' binjiet f'sitt pajjiżi oħra

N46 28 6.29 E6 49 45.61

kulturali:GerHil

(i), (ii), (vi)

2016 Magħżul fost ix-xogħlijiet ta' Le Corbusier, is-17-il komponent ta' dan is-sit transnazzjonali huma xhieda tal-invenzjoni ta' lingwa arkitettonika ġdida li ma baqgħetx issegwi l-imgħoddi. Inbnew tul perjodu ta' nofs seklu, matul dak li Le Corbusier iddeskriva bħala "riċerka bis-sabar". Il-Complexe du Capitole f'Chandigarh (l-Indja), il-Mużew Nazzjonali tal-Arti tal-Punent, f'Tokjo (il-Ġappun), id-Dar ta' Dr Curutchet f'La Plata (l-Arġentina) u l-Unité d’habitation f'Marsilja (Franza) jirriflettu s-soluzzjonijiet li l-Moviment Modern ipprova japplika matul is-seklu 20 għall-isfidi biex jiġu vvintati tekniki arkitettoniċi ġodda li jwieġbu għall-ħtiġijiet tas-soċjetà. Dawn il-kapulavuri tal-kreattività jixhdu wkoll l-internazzjonalizzazzjoni tal-arkitettura fid-dinja.[44]
38 Raħal ta' Bamberg   GermanyBamberg

49°53′30″N 10°53′20″E / 49.89167°N 10.88889°E / 49.89167; 10.88889 (Town of Bamberg)

kulturali:GerBam

(ii)(iv)

1993 Fl-1007, Bamberg sar iċ-ċentru ta' djoċesi li kienet maħsuba biex tgħin il-Kristjaneżmu jinfirex fost is-Slavi. Matul is-seklu 12 l-Isqfijiet ta' Bamberg bdew programm ta' kostruzzjoni pubblika monumentali. L-arkitettura li żviluppat influwenzat il-kostruzzjoni fit-Tramuntana tal-Ġermanja u fl-Ungerija. Fis-seklu 18 sar iċ-ċentru tal-IIluminiżmu meta kittieba bħal Hegel u Hoffmann marru jgħixu hemmhekk.[45]
39 Wied Superjuri tar-Renu Nofsani   GermanyRheinland-Pfalz u

Hesse

50°10′25″N 7°41′39″E / 50.17361°N 7.69417°E / 50.17361; 7.69417 (Upper Middle Rhine Valley)

kulturali:GerRhi

(ii), (iv), (v)

2002 Medda ta' 65 kilometru (40 mil) tal-Wied Superjuri tar-Renu Nofsani fil-Ġermanja tospita bosta kastelli, irħula storiċi u vinji u kienet sors ta' ispirazzjoni għal bosta kittieba, artisti u kompożituri.[46]
40 Fabbrika tal-Azzar ta' Völklingen   GermanyVölklingen

49°14′39.984″N 6°50′59″E / 49.24444°N 6.84972°E / 49.24444; 6.84972 (Völklingen Ironworks)

kulturali:GerVöl

(ii), (iv)

1994 Il-fabbrika tal-azzar li ngħalqet dan l-aħħar hija l-unika eżempju intatt fil-Punent tal-Ewropa u fl-Amerka ta' Fuq ta' fabbrika ta' din ix-xorta li nbniet fis-sekli 19 u 20.[47]
41 Il-Baħar ta' Wadden*   Medda li tmiss ma' tliet pajjiżi

53°31′43″N 8°33′22″E / 53.52861°N 8.55611°E / 53.52861; 8.55611 (The Wadden Sea)

naturali:Ger2

(viii), (ix), (x)

2009, 2011, 2014 Il-Baħar ta' Wadden jinkludi ż-Żona ta' Konservazzjoni tal-Baħar ta' Wadden fin-Netherlands, il-Parks Nazzjonali Ġermaniżi tal-Baħar ta' Wadden ta' Niedersachsen u ta' Schleswig-Holstein, u l-medda tad-Danimarka. Il-linja tal-kosta ġeneralment hija waħda ċatta u fiha artijiet bassasa, artijiet bit-tajn, imraġ u duni. Is-sit ikopri żewġ terzi tal-Baħar ta' Wadden u jospita bosta speċijiet ta' pjanti u ta' annimali. Fih jitnisslu sa 12-il miljun għasfur fis-sena u jappoġġa iktar minn 10 fil-mija tal-popolazzjoni ta' 29 speċi. Ġie estiż fl-2011 biex jinkludi l-Park Nazzjonali Ġermaniż tal-Baħar ta' Wadden ta' Amburgu u fl-2014 ġiet inkluża l-parti Daniża wkoll tal-Baħar ta' Wadden.[48]
42 Kastell ta' Wartburg   GermanyEisenach

50°58′0.4″N 10°18′25.2″E / 50.966778°N 10.307°E / 50.966778; 10.307 (Wartburg Castle)

kulturali:GerEis

(iii), (vi)

1999 Il-Kastell ta' Wartburg jinsab fuq irdum ta' 410 metri (1,230 pied) fuq Eisenach. Tkabbar f'diversi sezzjonijiet u għad fadal uħud biss mis-sezzjonijiet Medjevali. Il-kastell inbena fis-seklu 19 għad-dehra attwali tiegħu. Martin Luteru ttraduċa t-Testment il-Ġdid bil-Ġermaniż meta kien eżiljat fil-Kastell ta' Wartburg.[49]
43 Sistema tal-Ġestjoni tal-Ilma ta' Augsburg   GermanyAugsburg

48°21′56″N 10°54′07″E / 48.36556°N 10.90194°E / 48.36556; 10.90194 (Augsburg)

kulturali:GerEis

(ii), (iv)

2019 Is-sistemi tal-ġestjoni tal-ilma ta' Augsburg inbnew bejn is-seklu 14 u s-seklu 21. Network ta' kanali, torrijiet tal-ilma, tagħmir tal-ippompjar u stazzjonijiet idroelettriċi ilhom jipprovdu ilma tax-xorb u enerġija għall-belt għal sekli sħaħ.[50]
44 Residenza ta' Würzburg bil-Ġonna u l-Pjazza   GermanyWürzburg

49°47′34.008″N 9°56′20.004″E / 49.79278°N 9.93889°E / 49.79278; 9.93889 (Würzburg Residence with the Court Gardens and Residence Square)

kulturali:GerWür

(i), (iv)

1981 Il-palazz Barokk kbir u lussuż inħoloq taħt il-patroċinju tal-prinċpijiet-isqfijiet Lothar Franz u Friedrich Carl von Schönborn. Huwa wieħed mill-ikbar palazzi fil-Ġermanja.[51]
45 Kumpless Industrijali tal-Minjieri tal-Faħam ta' Zollverein   GermanyEssen

51°29′29″N 7°2′46″E / 51.49139°N 7.04611°E / 51.49139; 7.04611 (Zollverein Coal Mine Industrial Complex in Essen)

kulturali:GerEss

(ii), (iii)

2001 Il-kumpless industrijali ta' Zollverein fin- Nordrhein-Westfalen jinkludi t-tagħmir kollu ta' minjiera storika tal-faħam li bdiet topera madwar 150 sena ilu. Uħud mill-binjiet tas-seklu 20 huma pjuttost notevoli.[52]
46 Kumpless Arkeoloġiku tal-Fruntiera ta' Hedeby u ta' Danevirke   GermanySchleswig, Schleswig-Holstein,

54°29′28″N 9°33′55″E / 54.49111°N 9.56528°E / 54.49111; 9.56528 (Archaeological Border complex of Hedeby and the Danevirke)

kulturali:GerEss

(iii), (iv)

2018 Hedeby kien insedjament importanti tal-Vikingi Daniżi u tal-Varangjani Żvediżi. Jitqies bħala belt Medjevali bikrija fit-Tramuntana tal-Ewropa u kien post kummerċjali importanti u ċentru prinċipali għall-kummerċ fuq distanza twila bejn l-Iskandinavja, il-Punent tal-Ewropa, ir-reġjun tal-Baħar tat-Tramuntana u l-Istati Baltiċi.

Danevirke hija fortifikazzjoni tal-Medju Evu Bikri u Aħħari fit-Tramuntana ta' Schleswig-Holstein. Tikkonsisti minn ħitan tat-tajn u tal-ħamrija bi ħniedaq, ħajt tal-brikks, żewġ kastelli Medjevali bil-ħitan u fruntiera tal-baħar.[53]

47 Bliet ShUM ta' Speyer, Worms u Mainz   Germany Sit Lhudi ta' Speyer

49°18′58″N 8°26′23″E / 49.31611°N 8.43972°E / 49.31611; 8.43972 Ċimiterju Lhudi ta' Speyer

49°37′47″N 8°21′19″E / 49.62972°N 8.35528°E / 49.62972; 8.35528

Kumpless tas-Sinagoga ta' Worms

49°38′01″N 8°21′58″E / 49.63361°N 8.36611°E / 49.63361; 8.36611

Ċimiterju Lhudi Antik ta' Mainz

50°00′19″N 8°15′01″E / 50.00528°N 8.25028°E / 50.00528; 8.25028

kulturali:GerEss

(ii),(iii), (vi)

2021 L-eks bliet tal-katidrali imperjali ta' Speyer, Worms u Mainz, fil-Wied Superjuri tar-Renu, jinkludi s-Sit Lhudi ta' Speyer, bl-istrutturi tas-sinagoga u l-parti tas-sinagoga aċċessibbli għan-nisa, il-fdalijiet arkeoloġiċi tal-yeshiva (skola reliġjuża), il-bitħa u l-mikveh (banju tar-ritwali) ta' taħt l-art, li ppreservaw il-kwalità arkitettonika għolja tagħhom. Dan is-Sit ta' Wirt Dinji jinkludi wkoll il-Kumpless tas-Sinagoga ta' Worms, bir-rikostruzzjoni fil-post tas-sinagoga tas-seklu 12 li saret wara l-gwerra u l-parti tas-sinagoga aċċessibbli għan-nisa tas-seklu 13, is-sala komunitarja (Dar ta' Rashi), u l-mikveh monumentali tas-seklu 12. Barra minn hekk, jinkludi wkoll iċ-Ċimiterju Lhudi Antik ta' Mainz. Dawn il-komponenti jirriflettu b'mod tanġibbli d-drawwiet distintivi tal-Lhud Ashkenaz u l-iżvilupp u l-insedjament tal-komunitajiet ShUM, b'mod partikolari bejn is-sekli 11 u 14. Il-binjiet ta' dan is-sit servew bħala prototipi għall-binjiet komunitarji u reliġjużi tal-Lhud li nbnew wara kif ukoll għaċ-ċimiterji fl-Ewropa. L-akronimu ShUM jirrappreżenta l-inizjali bl-Ebrajk ta' Speyer, Worms u Mainz.[54]
48 Kolonja tal-Artisti ta' Darmstadt, Mathildenhöhe   Germany Mathildenhöhe, Darmstadt

49°52′36″N 8°40′00″E / 49.87667°N 8.6666667°E / 49.87667; 8.6666667

kulturali:GerEss

(ii), (iv)

2021 Il-Kolonja tal-Artisti ta' Darmstadt f'Mathildenhöhe, l-ogħla elevazzjoni fuq il-belt ta' Darmstadt fil-Punent u ċ-ċentru tal-Ġermanja, ġiet stabbilita fl-1897 minn Ernst Ludwig, il-Gran Duka ta' Hesse, bħala ċentru għall-movimenti emerġenti ta' riforma fl-arkitettura, l-arti u l-artiġjanat. Il-binjiet tal-kolonja nħolqu mill-membri artisti tagħha bħala ambjenti tal-għajxien u tax-xogħol Modernist bikri ta' sperimentazzjoni. Il-kolonja tkabbret matul il-wirjiet internazzjonali suċċessivi fl-1901, fl-1904, fl-1908 u fl-1914. Illum il-ġurnata, toffri xhieda tal-arkitettura moderna bikrija, tal-ippjanar urban u tad-disinn tal-pajsaġġ urban, li kollha kemm ġew influwenzati mill-moviment tal-arti u tal-artiġjanat u mis-Seċessjoni ta' Vjenna. Is-sit jinkludi żewġ komponenti, magħmula minn 23 element, fosthom it-Torri tat-Tiġijiet (1908), is-Sala tal-Wirjiet (1908), l-Għalqa tal-Platani (1833, 1904-1914), il-Kappella Russa ta' Santa Marija Maddalena (1897-1899), il-Baċir tal-Ġilji, il-Mafkar ta' Gottfried Schwab (1905), il-Pergola u l-Ġnien (1914), il-Paviljun tal-Ġnien tat-"Tempju taċ-Ċinji" (1914), il-Funtana ta' Ernst Ludwig, u t-13-il dar u studjo tal-artisti li nbnew għall-Kolonja tal-Artisti ta' Darmstadt u għall-wirjiet internazzjonali. Grupp ta' Tlett Idjar, mibnija għall-wirja tal-1904, huma komponent addizzjonali.[55]
49 Fruntieri Rumani tad-Danubju*   Germany Fruntieri Rumani tad-Danubju fil-Bavarja, il-Ġermanja (inkluż , fl-Awstrija u fis-Slovakkja)

48°06′54″N 16°51′41″E / 48.115°N 16.86139°E / 48.115; 16.86139

kulturali:GerEss

(ii)(iii)(iv)

2021 Dan is-sit ikopri kważi 600 km tal-fruntieri Rumani tad-Danubju. Is-sit kien jirrappreżenta l-biċċa l-kbira tal-fruntiera l-kbira tal-Imperu Ruman madwar il-Baħar Mediterran. Il-Fruntieri Rumani tad-Danubju (is-Segment tal-Punent) jirriflettu l-ispeċifiċitajiet ta' din il-parti tal-Fruntiera Rumana permezz ta' għażla ta' siti li jirrappreżentaw elementi ewlenin, fosthom toroq, fortizzi leġjonarji u l-insedjamenti assoċjati magħhom, fortijiet żgħar u kampijiet temporanji, u r-rabta ta' dawn l-istrutturi mat-topografija lokali.[56]
50 L-Irħula Kbar bi Spa fl-Ewropa*   11-il raħal f'seba' pajjiżi

Germany50°29′32″N 5°52′1″E / 50.49222°N 5.86694°E / 50.49222; 5.86694

kulturali:GerEss

(ii)(iii)

2021 Is-sit transnazzjonali tal-Irħula l-Kbar bi Spa fl-Ewropa huwa magħmul minn 11-il raħal f'seba' pajjiżi Ewropej: Baden bei Wien (l-Awstrija); Spa (il-Belġju); Františkovy Lázně (iċ-Ċekja); Karlovy Vary (iċ-Ċekja); Mariánské Lázně (iċ-Ċekja); Vichy (Franza); Bad Ems (il-Ġermanja); Baden-Baden (il-Ġermanja); Bad Kissingen (il-Ġermanja); Montecatini Terme (l-Italja); u Bath (ir-Renju Unit). Dawn l-irħula kollha żviluppaw madwar fawwariet naturali tal-ilma minerali. Huma xhieda tal-kultura Ewropa tal-ispas li żviluppat mill-bidu tas-seklu 18 sas-snin 30 tas-seklu 20, u li wasslet għall-iżvilupp ta' stabbilimenti internazzjonali grandjużi li kellhom impatt fuq it-tipoloġija urbana madwar kumplessi ta' spas bħall-kurhaus u l-kursaal (binjiet u kmamar iddedikati għat-terapiji), kmamar tal-pompi, swali tax-xorb, kolonnati u galleriji ddisinjati biex jisfruttaw ir-riżorsi tal-ilma minerali u biex jippermettu l-użu prattiku tagħhom għall-għawm u għax-xorb. Faċilitajiet relatati jinkludu ġonna, kmamar tal-assemblej, swali tal-każinò, teatri, lukandi u vilel, kif ukoll infrastruttura speċifika bl-ispas. Dawn il-kumplessi huma integrati kollha f'kuntest urban ġenerali li jinkludi ambjent rikreattiv u terapewtiku ġestit bir-reqqa f'pajsaġġ pittoresk. Flimkien, dawn l-irħula jirrappreżentaw l-interskambju sinifikanti tal-valuri u tal-iżviluppi umani fil-mediċina, fix-xjenza u fil-balneoloġija.[57]
51 Fruntieri Rumani Ġermaniċi t'Isfel*   Il-Ġermanja u n-Netherlands kulturali:

(ii)(iii)(iv)

2021 Il-Fruntieri Rumani Ġermaniċi T'Isfel (bil-Latin: limes ad Germaniam inferiorem, bl-Olandiż: Neder-Germaanse Limes, bil-Ġermaniż: Niedergermanischer Limes) huma l-eks fruntiera bejn il-provinċja Rumana ta' Germania Inferior u Germania Magna. Dawn il-fruntieri kienu jisseparaw dik il-parti tar-Rheinland fix-xellug tax-xmara Renu kif ukoll in-Netherlands, li kienu parti mill-Imperu Ruman, mir-reġjuni inqas ikkontrollati strettament fil-Lvant tar-Renu.[58]
52 Wirt Lhudi Medjevali ta' Erfurt
 
 Thuringia kulturali: (iv) 2023 Dan is-sit huwa magħmul minn tliet binjiet marbuta mal-komunità Lhudija Medjevali ta' Erfurt. Is-Sinagoga Antika (fl-istampa) inbniet għall-ewwel darba fl-aħħar tas-seklu 11 u ġiet rikostruwita darbtejn. Il-binja kbira u prestiġjuża tal-ħabta tal-1270 kienet tinkorpora partijiet mill-istrutturi preċedenti. Wara pogrom fl-1349, il-binja ntużat għal skopijiet oħra sal-aħħar tas-seklu 20, meta l-funzjoni oriġinali tagħha ġiet skoperta mill-ġdid u saru r-rinnovazzjonijiet. Il-fdalijiet ta' mikveh, banju ritwali Lhudi tal-ħabta tal-1250, ġew skoperti fl-2007. It-tielet binja hija dar tal-ġebel lajka ta' nofs is-seklu 13.[59]

Referenzi immodifika

  1. ^ "UNESCO World Heritage Centre - The World Heritage Convention". web.archive.org. 2016-08-27. Arkivjat mill-oriġinal fl-2016-08-27. Miġbur 2023-05-01.Manutenzjoni CS1: BOT: url-oriġinali status mhux magħruf (link)
  2. ^ "UNESCO World Heritage Centre - Convention Concerning the Protection of the World Cultural and Natural Heritage". web.archive.org. 2021-02-01. Arkivjat mill-oriġinal fl-2021-02-01. Miġbur 2023-05-01.Manutenzjoni CS1: BOT: url-oriġinali status mhux magħruf (link)
  3. ^ Centre, UNESCO World Heritage. "Germany - UNESCO World Heritage Convention". UNESCO World Heritage Centre (bl-Ingliż). Miġbur 2023-05-01.
  4. ^ "WH Committee: 2nd Session, Washington 1978". whc.unesco.org. Miġbur 2023-05-01.
  5. ^ "UNESCO World Heritage Centre - The Criteria for Selection". web.archive.org. 2016-06-12. Arkivjat mill-oriġinal fl-2016-06-12. Miġbur 2023-05-01.Manutenzjoni CS1: BOT: url-oriġinali status mhux magħruf (link)
  6. ^ Centre, UNESCO World Heritage. "Aachen Cathedral". UNESCO World Heritage Centre (bl-Ingliż). Miġbur 2023-05-01.
  7. ^ Centre, UNESCO World Heritage. "Abbey and Altenmünster of Lorsch". UNESCO World Heritage Centre (bl-Ingliż). Miġbur 2023-05-01.
  8. ^ "Meisterhäuser von Walter Gropius (1925–26)". www.bauhaus-dessau.de (bil-Ġermaniż). Miġbur 2023-05-01.
  9. ^ "Bauhaus-Siedlung Dessau-Törten: Laubenganghäuser (1929–30)". www.bauhaus-dessau.de (bil-Ġermaniż). Miġbur 2023-05-01.
  10. ^ Centre, UNESCO World Heritage. "Bauhaus and its Sites in Weimar, Dessau and Bernau". UNESCO World Heritage Centre (bl-Ingliż). Miġbur 2023-05-01.
  11. ^ Centre, UNESCO World Heritage. "Bergpark Wilhelmshöhe". UNESCO World Heritage Centre (bl-Ingliż). Miġbur 2023-08-28.
  12. ^ Centre, UNESCO World Heritage. "Berlin Modernism Housing Estates". UNESCO World Heritage Centre (bl-Ingliż). Miġbur 2023-05-01.
  13. ^ Centre, UNESCO World Heritage. "Carolingian Westwork and Civitas Corvey". UNESCO World Heritage Centre (bl-Ingliż). Miġbur 2023-05-01.
  14. ^ Centre, UNESCO World Heritage. "Castles of Augustusburg and Falkenlust at Brühl". UNESCO World Heritage Centre (bl-Ingliż). Miġbur 2023-05-01.
  15. ^ Centre, UNESCO World Heritage. "Caves and Ice Age Art in the Swabian Jura". UNESCO World Heritage Centre (bl-Ingliż). Miġbur 2023-05-01.
  16. ^ Centre, UNESCO World Heritage. "Town Hall and Roland on the Marketplace of Bremen". UNESCO World Heritage Centre (bl-Ingliż). Miġbur 2023-05-01.
  17. ^ Centre, UNESCO World Heritage. "Classical Weimar". UNESCO World Heritage Centre (bl-Ingliż). Miġbur 2023-05-01.
  18. ^ Centre, UNESCO World Heritage. "Collegiate Church, Castle and Old Town of Quedlinburg". UNESCO World Heritage Centre (bl-Ingliż). Miġbur 2023-05-02.
  19. ^ Centre, UNESCO World Heritage. "Cologne Cathedral". UNESCO World Heritage Centre (bl-Ingliż). Miġbur 2023-05-02.
  20. ^ Centre, UNESCO World Heritage. "Erzgebirge/Krušnohoří Mining Region". UNESCO World Heritage Centre (bl-Ingliż). Miġbur 2023-05-02.
  21. ^ Centre, UNESCO World Heritage. "Fagus Factory in Alfeld". UNESCO World Heritage Centre (bl-Ingliż). Miġbur 2023-05-02.
  22. ^ Centre, UNESCO World Heritage. "Frontiers of the Roman Empire". UNESCO World Heritage Centre (bl-Ingliż). Miġbur 2023-05-02.
  23. ^ Centre, UNESCO World Heritage. "Garden Kingdom of Dessau-Wörlitz". UNESCO World Heritage Centre (bl-Ingliż). Miġbur 2023-05-02.
  24. ^ Centre, UNESCO World Heritage. "Hanseatic City of Lübeck". UNESCO World Heritage Centre (bl-Ingliż). Miġbur 2023-05-02.
  25. ^ Centre, UNESCO World Heritage. "Historic Centres of Stralsund and Wismar". UNESCO World Heritage Centre (bl-Ingliż). Miġbur 2023-05-02.
  26. ^ Centre, UNESCO World Heritage. "Luther Memorials in Eisleben and Wittenberg". UNESCO World Heritage Centre (bl-Ingliż). Miġbur 2023-05-02.
  27. ^ Centre, UNESCO World Heritage. "Margravial Opera House Bayreuth". UNESCO World Heritage Centre (bl-Ingliż). Miġbur 2023-05-02.
  28. ^ Centre, UNESCO World Heritage. "Maulbronn Monastery Complex". UNESCO World Heritage Centre (bl-Ingliż). Miġbur 2023-05-02.
  29. ^ Centre, UNESCO World Heritage. "Messel Pit Fossil Site". UNESCO World Heritage Centre (bl-Ingliż). Miġbur 2023-08-28.
  30. ^ Centre, UNESCO World Heritage. "Mines of Rammelsberg, Historic Town of Goslar and Upper Harz Water Management System". UNESCO World Heritage Centre (bl-Ingliż). Miġbur 2023-05-02.
  31. ^ Centre, UNESCO World Heritage. "Monastic Island of Reichenau". UNESCO World Heritage Centre (bl-Ingliż). Miġbur 2023-05-02.
  32. ^ Centre, UNESCO World Heritage. "Museumsinsel (Museum Island), Berlin". UNESCO World Heritage Centre (bl-Ingliż). Miġbur 2023-05-02.
  33. ^ Centre, UNESCO World Heritage. "Muskauer Park / Park Mużakowski". UNESCO World Heritage Centre (bl-Ingliż). Miġbur 2023-05-02.
  34. ^ Centre, UNESCO World Heritage. "Naumburg Cathedral". UNESCO World Heritage Centre (bl-Ingliż). Miġbur 2023-05-02.
  35. ^ Centre, UNESCO World Heritage. "Old town of Regensburg with Stadtamhof". UNESCO World Heritage Centre (bl-Ingliż). Miġbur 2023-05-02.
  36. ^ Centre, UNESCO World Heritage. "Palaces and Parks of Potsdam and Berlin". UNESCO World Heritage Centre (bl-Ingliż). Miġbur 2023-05-02.
  37. ^ Centre, UNESCO World Heritage. "Pilgrimage Church of Wies". UNESCO World Heritage Centre (bl-Ingliż). Miġbur 2023-08-28.
  38. ^ Centre, UNESCO World Heritage. "Prehistoric Pile Dwellings around the Alps". UNESCO World Heritage Centre (bl-Ingliż). Miġbur 2023-05-02.
  39. ^ Centre, UNESCO World Heritage. "Ancient and Primeval Beech Forests of the Carpathians and Other Regions of Europe". UNESCO World Heritage Centre (bl-Ingliż). Miġbur 2023-05-02.
  40. ^ Centre, UNESCO World Heritage. "Roman Monuments, Cathedral of St Peter and Church of Our Lady in Trier". UNESCO World Heritage Centre (bl-Ingliż). Miġbur 2023-05-02.
  41. ^ Centre, UNESCO World Heritage. "Speicherstadt and Kontorhaus District with Chilehaus". UNESCO World Heritage Centre (bl-Ingliż). Miġbur 2023-05-02.
  42. ^ Centre, UNESCO World Heritage. "Speyer Cathedral". UNESCO World Heritage Centre (bl-Ingliż). Miġbur 2023-05-02.
  43. ^ Centre, UNESCO World Heritage. "St Mary's Cathedral and St Michael's Church at Hildesheim". UNESCO World Heritage Centre (bl-Ingliż). Miġbur 2023-05-02.
  44. ^ Centre, UNESCO World Heritage. "The Architectural Work of Le Corbusier, an Outstanding Contribution to the Modern Movement". UNESCO World Heritage Centre (bl-Ingliż). Miġbur 2023-05-02.
  45. ^ Centre, UNESCO World Heritage. "Town of Bamberg". UNESCO World Heritage Centre (bl-Ingliż). Miġbur 2023-05-02.
  46. ^ Centre, UNESCO World Heritage. "Upper Middle Rhine Valley". UNESCO World Heritage Centre (bl-Ingliż). Miġbur 2023-05-02.
  47. ^ Centre, UNESCO World Heritage. "Völklingen Ironworks". UNESCO World Heritage Centre (bl-Ingliż). Miġbur 2023-05-02.
  48. ^ Centre, UNESCO World Heritage. "Wadden Sea". UNESCO World Heritage Centre (bl-Ingliż). Miġbur 2023-05-02.
  49. ^ Centre, UNESCO World Heritage. "Wartburg Castle". UNESCO World Heritage Centre (bl-Ingliż). Miġbur 2023-05-02.
  50. ^ Centre, UNESCO World Heritage. "Water Management System of Augsburg". UNESCO World Heritage Centre (bl-Ingliż). Miġbur 2023-05-02.
  51. ^ Centre, UNESCO World Heritage. "Würzburg Residence with the Court Gardens and Residence Square". UNESCO World Heritage Centre (bl-Ingliż). Miġbur 2023-05-02.
  52. ^ Centre, UNESCO World Heritage. "Zollverein Coal Mine Industrial Complex in Essen". UNESCO World Heritage Centre (bl-Ingliż). Miġbur 2023-05-02.
  53. ^ Centre, UNESCO World Heritage. "Archaeological Border complex of Hedeby and the Danevirke". UNESCO World Heritage Centre (bl-Ingliż). Miġbur 2023-05-02.
  54. ^ Centre, UNESCO World Heritage. "ShUM Sites of Speyer, Worms and Mainz". UNESCO World Heritage Centre (bl-Ingliż). Miġbur 2023-05-02.
  55. ^ Centre, UNESCO World Heritage. "Mathildenhöhe Darmstadt". UNESCO World Heritage Centre (bl-Ingliż). Miġbur 2023-05-02.
  56. ^ Centre, UNESCO World Heritage. "Frontiers of the Roman Empire – The Danube Limes (Western Segment)". UNESCO World Heritage Centre (bl-Ingliż). Miġbur 2023-05-02.
  57. ^ Centre, UNESCO World Heritage. "The Great Spa Towns of Europe". UNESCO World Heritage Centre (bl-Ingliż). Miġbur 2023-05-02.
  58. ^ Centre, UNESCO World Heritage. "Frontiers of the Roman Empire – The Lower German Limes". UNESCO World Heritage Centre (bl-Ingliż). Miġbur 2023-05-04.
  59. ^ Centre, UNESCO World Heritage. "Jewish-Medieval Heritage of Erfurt". UNESCO World Heritage Centre (bl-Ingliż). Miġbur 2023-09-23.
Miksub minn "https://mt.wikipedia.org/w/index.php?title=Lista_ta%27_Siti_ta%27_Wirt_Dinji_fil-Ġermanja&oldid=299145"