Il-UEFA Europa League 2009–10 kienet l-ewwel staġun mill-UEFA Europa League, il-kompetizzjoni li preċedentament kienet magħrufha bħala t-Tazza UEFA, li kienet ilha ssir għal 39 sena.[1]
UEFA Europa League 2009–10
Dettalji tal-kompetizzjoni
Dati
2 ta' Lulju 2009 – 12 ta' Mejju 2010
Parteċipanti
48+8 (kompetizzjoni proprja) 159 (fażi ta' kwalifikazzjoni)
It-tlugħ tal-poloz, li ġiet immexxiha mill-President tal-UEFA Michel Platini u s-Segretarju Ġenerali David Taylor, għall-ewwel u t-tieni rawnds ta' kwalifika saru t-Tnejn, 22 ta' Ġunju 2009 f'Nyon, l-Iżvizzera. L-ewwel sett ta' partiti saru fl-1 u fit-2 ta' Lulju, waqt li t-tieni legs tal-partiti ntlagħbu fid-9 ta' Lulju 2009.
L-ewwel sett ta' konfronti saru fis-16 ta' Lulju (tnejn minnhom jintlagħbu fl-14 ta' Lulju), bit-tieni legs isirru fit-23 ta' Lulju 2009.
Iż-żewġ legs bejn Bnei Yehuda u Dinaburg, u bejn Rapid Wien u Vllaznia jinsabu taħt inkjesta mill-UEFA u awtoritajiet Ġermaniżi fuq każijiet ta' korruzzjoni.[3]
Nota 2: Oriġinarjament, Paços de Ferreira, Polonia Warsaw kellhom jilgħabu l-ewwel partita tagħhom ġewwa darhom, imma l-konfronti tagħhom ġew maqluba u lagħbu t-tieni partita ġewwa darhom minflok.
Nota 3: Il-partita tinsab taħt investigazzjoni mill-UEFA minħabba possibilità ta' korruzzjoni fit-tieni leg.
L-ewwel sett ta' partiti ntlagħbu fit-30 ta' Lulju (waħda minnhom saret fit-28 ta' Lulju), u t-tieni sett ta' konfronti saru fis-6 ta' Awwissu 2009 (waħda minnhom saret fl-4 ta' Awwissu).
Nota 4: Oriġinarjament, Sarajevo, Gent, Galatasaray u APOP kellhom jilgħabu l-ewwel partita tagħhom ġewwa darhom, imma l-konfronti tagħhom ġew maqluba u lagħbu t-tieni partita ġewwa darhom minflok.
It-tlugħ tal-poloz għar-rawnd ġew immexxiha mis-Segretarju Ġenerali tal-UEFA David Taylor u d-Direttur tal-Kompetizzjonijiet tal-UEFA Giorgio Marchetti, u saru fis-7 ta' Awwissu 2009. Għat-tlugħ tal-poloz, il-klabbs kienu separati f'żewġ gruppi skont il-koeffiċjent rispettiv tal-klabb. L-ewwel legs intlagħbu fl-20 ta' Awwissu, u t-tieni sett ta' konfronti saru fis-27 ta' Awwissu 2009, minbarra l-konfront Shakhtar Donetsk kontra Sivasspor, li tmexxa għall-25 ta' Awwissu minħabba l-parteċipazzjoni ta' Shakhtar fis-Super Cup Ewropea 2009.
Nota 6: Il-partita ġiet abbandunata bl-iskor wieqaf 0–2 fit-88 minuta wara li partitarju ta' Dinamo Bucureşti daħal fil-grawnd u partitarji oħra invadew il-korsa ta' madawr il-grawnd. Il-Bord ta' Kontroll u Dixxiplina tal-UEFA ordna telfa ta' 0–3 kontra Dinamo waqt laqgħa ta' emerġenza li saret fil-25 ta' Awwissu.[4] Wara li avvanzaw lejn il-fażi tal-gruppi, Dinamo ingħataw kastig li kien jinkludi li l-ewwel żewġ partiti ġewwa darhom kellhom jintlagħbu b'bibien magħluqa.
It-tlughħ tal-poloz għall-fażi tal-gruppi saret ġewwa l-Grimaldi Forum f'Monako nhar it-28 ta' Awwissu 2009. Total ta' 48 tim ittellgħu fi tnax-il grupp ta' erbgħa kull wieħed. It-timijiet inqasmu f'erba' urni, skont il-koeffiċjent tal-klabb. Klabbs mill-istess urna jew mill-istess assoċjazzjoni ma jistgħux jiġu fl-istess grupp.
F'kull grupp, kull tim jilgħab kontra t-timijiet l-oħra żewġ partit (waħda ġewwa daru, u l-oħra barra minn daru). Il-ġranet tal-partiti kienu s-17 ta' Settembru, l-1 ta' Ottubru, it-22 ta' Ottubru, il-5 ta' Novembru, it-2 u t-3 ta' Diċembru, u s-16 u s-17 ta' Diċembru 2009. It-timijiet li jispiċċaw fl-ewwel żewġ timijiet javanzaw għall-fażi eliminatorja.
Matul din il-fażi tal-kompetizzjoni, il-partiti kienu jinolvu ħames uffiċċjali preżenti fil-grupp - b'żewġ uffiċċjali żejda sabiex jissorveljaw il-logħob fil-kaxxa tal-penalty bħala parti minn esperiment sanzjonat mill-FIFA.
Skont l-Artiklu 7.05 tar-regolamenti tal-UEFA, jekk żewġ timijiet jew aktar jispiċċaw bl-istess ammont ta' punti fi tmiem il-partiti tal-fażi tal-gruppi, il-kriterji segwenti jiġu applikati biex jiġi determinat il-klassifika finali:
l-akbar numru ta' punti miksuba fil-fażi tal-gruppi kontra t-timijiet fil-kwistjoni;
l-akbar differenza ta' gowls miksuba fil-fażi tal-gruppi kontra t-timijiet fil-kwistjoni;
l-akbar numru ta' gowls skurjati barra mid-dar fil-fażi tal-gruppi kontra t-timijiet fil-kwistjoni;
l-akbar differenza ta' gowls fil-partiti kollha li ntlagħbu fil-fażi tal-gruppi;
numru ikbar ta' gowls skurjati;
numru ikbar ta' punti ta' koeffiċjenti akkumulati mit-tim fil-kwistjoni, kif ukoll mill-assoċjazzjoni rispettiva, matul il-ħames staġuni ta' qabel.
Leġġenda
Rebbieħa tal-gruppi u t-tieni klassifikati jikkwalifikaw għall-fażi eliminatorja
Nota 7: Fid-29 ta' Ottubru 2009, il-Bord ta' Dixxiplina u Kontroll tal-UEFA iddeċieda li Dinamo Zagreb kellhom jilgħabu ż-żewġ partiti segwenti ġewwa darhom mill-Europa League bi grawnd magħluq wara l-azzjonijiet li seħħew mill-partitarji tagħhom fil-partita kontra f'Timişoara. Ġew imnaqqsa wkoll tliet punti min-numru ta' punti tal-klabb Kroat fi Grupp A.[5] Il-klabb appella mid-deċiżjoni, imma l-appell ma nstemgħax qabel l-ewwel partita b'bibien magħluqa kontra Ajax. Wara li l-appell instema', il-UEFA issostwixxiet it-tnaqqisa ta' tliet punti ma' multa ta' €75,000, u sentenza sospiża ta' tliet snin 'il barra mill-kompetizzjonijiet tal-UEFA, waqt li ma nbidlitx is-sentenza rigward il-grawnd magħluq għal żewġ logħbiet.[6]
Fil-fażi eliminatorja, timijiet jilgħabu żewġ partiti kontra xulxin (abbażi ta' partiti ġewwa u barra minn darhom), minbarra l-finali li tintlagħab f'konfront wieħed.
It-tlugħ tal-poloz għar-rawnds ta' L-Aħħar 32 u L-Aħħar 16 saru fit-18 ta' Diċembru, kondotti mis-Segretarju Ġenerali tal-UEFA Gianni Infantino u d-Direttur tal-Kompetizzjonijiet tal-UEFA Giorgio Marchetti.[7] Fir-rawnd ta' L-Aħħar Tlieta u Għoxrin, ir-rebbieħa tal-gruppi u l-aqwa erba' timijiet li kklassifikaw fit-tielet post fil-fażi tal-gruppi taċ-Champions League, li kellhom jilgħabu t-tieni leg ġewwa darhom, ittellgħu kontra t-tieni klassifikati tal-gruppi u l-erba' timijiet l-oħra li temmew l-avventura tagħhom fiċ-Champions League fit-tielet post (fil-fażi tal-gruppi), bir-restrizzjoni li timijiet mill-istess grupp jew mill-istess assoċjazzjoni ma jistgħux jilgħabu kontra xulxin. Fir-rawnd ta' L-Aħħar Sittax, ma kien hemm l-ebda preferenzi, u timijiet mill-istess grupp jew mill-istess assoċjazzjoni setgħu ġew kontra xulxin.
Il-poloz għall-kwarti tal-finali, is-semifinali, u l-finali (biex jiġi determinat it-tim "ġewwa daru") ittellgħu fid-19 ta' Marzu 2010, kondotti mid-Direttur tal-Kompetizzjonijiet tal-UEFA Giorgio Marchetti u l-ambaxxatur tal-finali ta' Amburgu, Uwe Seeler.[8] L-istess bħar-rawnd ta' L-Aħħar Sittax, ma kien hemm l-ebda preferenzi, u timijiet mill-istess grupp jew mill-istess assoċjazzjoni setgħu ġew kontra xulxin.
L-ewwel legs intlagħbu fit-18 ta' Frar (il-konfront ġewwa darhom ta' Everton intlagħab fis-16 ta' Frar biex jiġi evitat li jkun hemm partita fl-istess ġurnata ma' dik ta' Liverpool), u t-tieni legs ħadu posthom fil-25 ta' Frar 2010 (il-konfront ġewwa darhom ta' Benfica intlagħab fit-23 ta' Frar biex jiġi evitat li jkun hemm partita fl-istess ġurnata ma' dik ta' Sporting CP).
Il-finali tal-edizzjoni 2009–10 tal-UEFA Europa League intlagħbet ġewwa l-HSH Nordbank Arena f'Amburgu, il-Ġermanja, fit-12 ta' Mejju 2010. Din kienet it-tieni darba li dan il-grawnd ospita finali tal-UEFA, bil-finali l-oħra tkun dik fl-1982.
Atlético Madrid
Fulham
Claudio Pizarro (9)
Óscar Cardozo (9)
MTZ-RIPO
Dinamo Tirana
Vėtra
Rosenborg
Irtysh
Birkirkara
Mika
Keflavík
Nõmme Kalju
Polonia Warsaw
Rudar Velenje
Llanelli
Široki Brijeg
Inter Baku
Renova
Bnei Yehuda
Anderlecht
Marseille
Roma
Galatasaray
Shakhtar Donetsk
Unirea Urziceni
Red Bull Salzburg
Sporting CP
32', 116'
Diego Forlán
Gervinho
Alexander Frei
Luiz Adriano