Tim nazzjonali tal-futbol tal-Jugożlavja

Jugożlavja
Psewdonimu	Plavi (Il-Koħol)
Assoċjazzjoni	Assoċjazzjoni tal-Futbol tal-Jugożlavja
Rekord ta' preżenzi	Dragan Džajić (85)
Rekord ta' gowls	Stjepan Bobek (38)
Stadju prinċipali	Rajko Mitić Stadium
Kodiċi tal-FIFA	YUG
L-ewwel logħba
	Ċekoslovakkja 7–0 Renju tas-Serbi, Kroati u Sloveni ; (Antwerp, Belġju; 28 ta' Awwissu 1920)
L-aħħar logħba
	Netherlands 2–0 Jugożlavja ; (Amsterdam, Netherlands; 25 ta' Marzu 1992)
L-ikbar rebħa
	Jugożlavja 10–0 Veneżwela ; (Curitiba, Brażil; 14 ta' Ġunju 1972)
L-ikbar telfa
	Ċekoslovakkja 7–1 Renju tas-Serbi, Kroati u Sloveni ; (Antwerp, Belġju; 28 ta' Awwissu 1920); Urugwaj 7–0 Renju tas-Serbi, Kroati u Sloveni ; (Pariġi, Franza; 26 ta' Mejju 1924); Ċekoslovakkja 7–0 Renju tas-Serbi, Kroati u Sloveni ; (Praga, Ċekoslovakkja; 28 ta' Ottubru 1925)
Tazza tad-Dinja
Preżenzi	8 (l-ewwel fl-1930)
L-aqwa riżultat	Ir-raba' post (1930, 1962)
Kampjonati Ewropej
Preżenzi	4 (l-ewwel fl-1960)
L-aqwa riżultat	Finalisti telliefa (1960, 1968)

It-tim nazzjonali tal-futbol tal-Jugożlavja irrapreżenta lill-Jugożlavja fil-futbol internazzjonali bejn l-1920 u l-1992, inkluż bejn l-1920 u l-1929 meta l-isem uffiċjali tal-pajjiż kien ir-Renju tas-Serbi, Kroati u Sloveni.

Minkejja qatt ma rebħu titlu uffiċjali, il-Jugożlavja kisbet riżultati pożittivi, fosthom darbtejn it-tieni fil-Kampjonati Ewropej, darbtejn ir-raba' fit-Tazza tad-Dinja u darba finalista fit-turnew Olimpiku. Fl-aħħar sena li kienet attiva, fl-1992, minkejja li kienet kisbet kwalifikazzjoni għall-Kampjonati Ewropej ta' dik is-sena, il-Jugożlavja ġiet eskluża wara deċiżjoni meħuda mill-FIFA u l-UEFA minħabba s-sanzjonijiet attwali imposti mill-Ġnus Magħquda.

It-tim nazzjonali tas-Serbja ħa post il-Jugożlavja fil-FIFA u l-UEFA, u huwa kkunsidrat bħala s-suċċessur tal-Jugożlavja (u s-Serbja u Montenegro) miż-żewġ organizzazzjonijiet.^[1]^[2]

Storja

Selezzjoni ta' plejers Jugożlavi li ħadu sehem fit-Tazza tad-Dinja tal-1930.

Il-Jugożlavja lagħbet l-ewwel logħba fit-28 ta' Awwissu 1920 fil-Belġju, f'telfa ta' 7–0 kontra ċ-Ċekoslovakkja. Ħadet sehem fl-ewwel edizzjoni tat-Tazza tad-Dinja, bit-tim ikun l-iżgħar fost il-parteċipanti kollha b'età medja ta' 22 sena. Fil-fażi tal-gruppi huma għelbu lill-Brażil u 'l-Bolivja sabiex iffissaw il-konfront fis-semifinali kontra l-Urugwaj. Madanakollu, l-Urugwaj urew is-saħħa tagħhom u ħarġu rebbieħa b'riżultat ta' 6–1 u eventwalment rebħu l-kompetizzjoni. Il-FIFA poġġiet lill-Jugożlavja fir-raba' post minkejja li ma kienx hemm logħba ta' spareġġ għat-tielet post kontra l-Istati Uniti minħabba li l-Amerikani kellhom differenza ta' gowls aħjar.^[3]

Fl-ewwel edizzjoni tal-Kampjonati Ewropej, fl-1960, il-Jugożlavja eliminat fis-semifinali lil Franza bi skor ta' 5–4. Fil-finali kontra l-Unjoni Sovjetika, il-Jugożlavja marret fil-vantaġġ b'gowl ta' Milan Galić qabel tmiem l-ewwel taqsima, però s-Sovjetiċi sabu żewġ gowls mingħand Slava Metreveli u Viktor Ponedelnik biex kisbu dan it-trofew. Fl-istess sena, it-tim nazzjonali ħa sehem fl-Olimpjadi ta' Ruma. Wara d-diżappunt fit-tliet edizzjonijiet preċedenti, fejn kienu dejjem spiċċaw finalisti telliefa, din id-darba huma kisbu l-midalja ta-deheb b'rebħa ta' 3–1 fuq id-Danimarka.^[4]

Fil-Kampjonati Ewropej tal-1968, il-Jugożlavja reġgħet waslet qrib li tikseb it-trijonf mixtieq. Wara l-eliminazzjoni tal-Ġermanja tal-Punent u Franza, fis-semifinali l-Jugożlavi għelbu lill-Ingilterra 1–0, b'gowl deċiżiv ta' Dragan Džajić. Fil-finali tat-8 ta' Ġunju huma affrontaw lill-Italja, mingħajr il-preżenza ta' Ivica Osim li kien it-tmun tat-tim, minħabba li kien weġġa' fis-semifinali. Džajić poġġa fil-vantaġġ lill-Jugożlavi, imma t-Taljani ġabu l-gowl tad-dro minn Angelo Domenghini. Wara li l-ħin barrani żamm l-iskor indaqs, logħba oħra kellha tintlagħab. Din id-darba t-Taljani kienu aktar deċiżivi u żewġ gowls minn Gigi Riva u Pietro Anastasi taw l-ewwel titlu Ewropew lill-Italja.^[5]

Wara l-eliminazzjoni mit-Tazza tad-Dinja tal-1974 kontra l-Ġermanja tal-Punent, il-Jugożlavja ospitat il-fażi finali tal-Euro 1976 u kisbet ir-raba' post. Fis-semifinali kontra l-Ġermaniżi wara dro ta' 2–2 fil-ħin normali, huma sofrew żewġ gowls fl-aħħar minuti minn Dieter Müller biex tilfu 4–2. Fil-logħba għat-tielet u r-raba' post, in-Netherlands rebħu l-logħba 3–2.

Is-snin tmenin u disgħin kienu snin diffiċli għall-Jugożlavja. Bejn l-1978 u l-1992 ħadu sehem biss f'żewġ edizzjonijiet tat-Tazza tad-Dinja u waħda tal-Kampjonati Ewropej, bl-aqwa riżultat ikun il-kwarti tal-finali miksuba fit-Tazza tad-Dinja tal-1990. Wara telfa fl-ewwel logħba kontra l-Ġermanja tal-Punent, huma ġabu żewġ rebħiet kontra l-Kolombja u l-Emirati Għarab Magħquda u spiċċaw fit-tieni post. Fir-rawnd tal-aħħar sittax eliminaw fil-ħin barrani lil Spanja b'doppjetta ta' Dragan Stojković. Fil-kwarti tal-finali ltaqgħu mal-Arġentina. Il-Jugożlavja soffriet it-tkeċċija ta' Refik Šabanadžović wara nofs siegħa logħob, però rnexxielha żżomm sal-għoti tal-penalties fejn is-Sud-Amerikani ħarġu rebbieħa 3–2.^[6]

Minkejja li kienet ikkwalifikat għall-Kampjonati Ewropej tal-1992, fir-rebbiegħa qabel il-bidu tal-kompetizzjoni, il-Jugożlavja ġiet eskluża mill-kompetizzjonijiet kollha internazzjonali organizzati mill-FIFA u l-UEFA kawża tal-gwerra li faqqgħet wara d-dikjarazzjoni tal-indipendenza tar-repubbliki tas-Slovenja, il-Kroazja, il-Maċedonja u l-Bożnija u Ħerżegovina.^[7] Post il-Jugożlavja fil-Kampjonatii Ewropej ħaditu d-Danimarka li rnexxielha tirbaħ it-titlu. L-aħħar logħba taħt il-bandiera Jugożlava saret fil-25 ta' Marzu 1992 kontra n-Netherlands f'telfa ta' 2–0.

Suċċessuri

Bħala riżultat tal-qasma tal-Jugożlavja fl-1992, twieldu t-timijiet suċċessivi:

Bosnja-Ħerzegovina (1996–preżent)
Kosovo (2016–preżent)
Kroazja (1992–preżent)
Maċedonja ta' Fuq (1994–preżent)
Montenegro (2007–preżent)
Serbja (1992–preżent)^[a]
Slovenja (1992–preżent)

Rekord kompetittiv

Tazza tad-Dinja

Sena	Fażi	Pożizzjoni	L	R	D	T	GF	GK
1930	Ir-raba' post^[b]	4	3	2	0	1	7	7
1934	Ma kkwalifikawx
1938	Ma kkwalifikawx
1950	Fażi tal-gruppi	5	3	2	0	1	7	3
1954	Kwarti tal-finali	7	3	1	1	1	2	3
1958	Kwarti tal-finali	5	4	1	2	1	7	7
1962	Ir-raba' post	4	6	3	0	3	10	7
1966	Ma kkwalifikawx
1970	Ma kkwalifikawx
1974	It-tieni fażi tal-gruppi	7	6	1	2	3	12	7
1978	Ma kkwalifikawx
1982	Fażi tal-gruppi	16	3	1	1	1	2	2
1986	Ma kkwalifikawx
1990	Kwarti tal-finali	5	5	3	1	1	8	6
1994	Ipprojbiti^[ċ]
Total	Ir-raba' post	8/15	33	14	7	12	55	42

Kampjonati Ewropej

Sena	Fażi	Pożizzjoni	L	R	D	T	GF	GK
1960	Finalisti telliefa	2	2	1	0	1	6	6
1964	Ma kkwalifikawx
1968	Finalisti telliefa	2	3	1	1	1	2	3
1972	Ma kkwalifikawx
1976	Ir-raba' post	4	2	0	0	2	4	7
1980	Ma kkwalifikawx
1984	Fażi tal-gruppi	8	3	0	0	3	2	10
1988	Ma kkwalifikawx
1992	Ipprojbiti^[d]
Total	Finalisti telliefa	4/9	10	2	1	7	14	26

Noti

^ Bejn l-1994 u l-2003 it-tim nazzjonali Serb irrappreżenta lir-Repubblika Federali tal-Jugożlavja u mill-2003 sal-2006 irrappreżenta lis-Serbja u Montenegro.
^ Il-Jugożlavja ngħatat ir-raba' post minħabba differenza ta' gowls inqas mill-Istati Uniti li ngħataw it-tielet post. L-ebda logħba għat-tielet post ma ntlagħbet.
^ It-tlugħ tal-poloz għall-kwalifiki tat-Tazza tad-Dinja tal-1994 saru fit-8 ta' Diċembru 1991. Madanakollu, minħabba l-kollass tal-Jugożlavja u l-kunflitt sussegwenti li seħħew fil-bidu tal-1991, l-Assoċjazzjoni tal-Futbol tal-Jugożlavja ma baqgħetx teżisti bħala l-organizzazzjoni tal-futbol tar-Repubblika Soċjalista Federali tal-Jugożlavja. L-organizzazzjoni ġiet eskluża milli tieħu sehem wara s-sanzjonijiet tal-Ġnus Magħquda.^[8]
^ Sospiżi minħabba r-riżoluzzjoni tal-Ġnus Magħquda kawża tal-Gwerrer Jugożlavi. Posthom ħaduh id-Danimarka.

Referenzi

^ "Историја" [Storja] (bis-Serb). Arkivjat minn l-oriġinal fl-2009-09-04.
^ "Serbia" (bl-Ingliż). FIFA. Arkivjat minn l-oriġinal fl-2007-06-03.
^ "1930 FIFA World Cup Uruguay - Awards" (bl-Ingliż). FIFA. Arkivjat minn l-oriġinal fl-2017-02-11.
^ "Olympic Football Tournament Rome 1960: Yugoslavia - Denmark" (bl-Ingliż). FIFA. Arkivjat minn l-oriġinal fl-2012-10-22.
^ "Riva steers Italy to EURO 1968 final replay win against Yugoslavia" (bl-Ingliż). UEFA. 2003-10-02.
^ "1990 FIFA World Cup Italy™: Yugoslavia - Argentina" (bl-Ingliż). FIFA.
^ "S/RES/757(1992)" (bl-Ingliż). Ġnus Magħquda.
^ "History of the FIFA World Cup Preliminary Competition (by year)" (PDF) (bl-Ingliż). FIFA. Arkivjat minn l-oriġinal (PDF) fl-2011-07-17.

Ħoloq esterni

Wikimedia Commons għandha fajls multimedjali li għandhom x'jaqsmu ma': Tim nazzjonali tal-futbol tal-Jugożlavja (Yugoslavia national association football team)

Lista ta' logħbiet internazzjonali tal-Jugożlavja fuq RSSSF

[8] Bejn l-1994 u l-2003 it-tim nazzjonali Serb irrappreżenta lir-Repubblika Federali tal-Jugożlavja u mill-2003 sal-2006 irrappreżenta lis-Serbja u Montenegro.

[9] Il-Jugożlavja ngħatat ir-raba' post minħabba differenza ta' gowls inqas mill-Istati Uniti li ngħataw it-tielet post. L-ebda logħba għat-tielet post ma ntlagħbet.

[11] It-tlugħ tal-poloz għall-kwalifiki tat-Tazza tad-Dinja tal-1994 saru fit-8 ta' Diċembru 1991. Madanakollu, minħabba l-kollass tal-Jugożlavja u l-kunflitt sussegwenti li seħħew fil-bidu tal-1991, l-Assoċjazzjoni tal-Futbol tal-Jugożlavja ma baqgħetx teżisti bħala l-organizzazzjoni tal-futbol tar-Repubblika Soċjalista Federali tal-Jugożlavja. L-organizzazzjoni ġiet eskluża milli tieħu sehem wara s-sanzjonijiet tal-Ġnus Magħquda.^[8]

[12] Sospiżi minħabba r-riżoluzzjoni tal-Ġnus Magħquda kawża tal-Gwerrer Jugożlavi. Posthom ħaduh id-Danimarka.

[1] "Историја" [Storja] (bis-Serb). Arkivjat minn l-oriġinal fl-2009-09-04.

[FIFA-2] "Serbia" (bl-Ingliż). FIFA. Arkivjat minn l-oriġinal fl-2007-06-03.

[3] "1930 FIFA World Cup Uruguay - Awards" (bl-Ingliż). FIFA. Arkivjat minn l-oriġinal fl-2017-02-11.

[4] "Olympic Football Tournament Rome 1960: Yugoslavia - Denmark" (bl-Ingliż). FIFA. Arkivjat minn l-oriġinal fl-2012-10-22.

[5] "Riva steers Italy to EURO 1968 final replay win against Yugoslavia" (bl-Ingliż). UEFA. 2003-10-02.

[6] "1990 FIFA World Cup Italy™: Yugoslavia - Argentina" (bl-Ingliż). FIFA.

[7] "S/RES/757(1992)" (bl-Ingliż). Ġnus Magħquda.

[10] "History of the FIFA World Cup Preliminary Competition (by year)" (PDF) (bl-Ingliż). FIFA. Arkivjat minn l-oriġinal (PDF) fl-2011-07-17.

[1]

[2]

[3]

[4]

[5]

[6]

[7]

[a]

[b]

[ċ]

[d]

[8]