Wikipedija

Michael Mifsud

Michael Mifsud (twieled fis-17 ta' April 1981) huwa plejer tal-futbol Malti li attwalment jilgħab mal-klabb ta' Mosta. Ikkunsidrat bħala wieħed mill-aqwa plejers minn Malta, Mifsud qatta' diversi snin jilgħab barra minn pajjiżu u rnexxielu jirbaħ l-unur tal-Isportiv Malti tas-Sena fl-2001 u l-2003.[1]

Michael Mifsud
Informazzjoni personali
Isem sħiħMichael Mifsud
Twelid17 ta' April 1981 (1981-04-17) (43 sena)
Sliema
Tul1.70 m
RwolAttakkant
Informazzjoni fuq il-klabb
Klabb attwaliMosta
Numru9
Mixtliet
Sliema Wanderers
Karriera professjonali
SninKlabb
1997–2001Sliema Wanderers
2001–2003Kaiserslautern
2003–2004Sliema Wanderers
2004–2007Lillestrøm
2007–2009Coventry City
2009→ Barnsley (self)
2010Valletta
2011Qormi
2011–2013Valletta
2013–2014Melbourne Heart
2014–2016Sliema Wanderers
2016–2018Valletta
2018–2020Birkirkara
2020Sirens
2020–Mosta
Tim nazzjonali
2000–2020Malta

Karriera

immodifika

Bidu tal-karriera

immodifika

Prodott ta' Sliema Wanderers, hu ddebutta mat-tim tal-kbar fl-istaġun 1997–98, meta lagħab tmien darbiet u skorja darba. Fl-istaġun segwenti hu beda bħala plejer regolari mal-ewwel tim fejn skorja tmien gowls fi 22 apparenza. Żewġ staġuni ta' suċċess segwew wara, b'21 gowl f'26 apparenza fl-istaġun 1999–00 u 30 gowl f'25 apparenza fl-istaġun ta' wara.

Minħabba l-forma tajba li kien fiha, Josip Ilić ta lil Michael Milfsud l-ewwel opportunità fit-tim nazzjonali u għamel l-ewwel dehra nhar l-10 ta' Frar 2000, kontra l-Albanija fil-Grawnd Nazzjonali ta' Ta' Qali. Kien f'dan l-istant li Kaiserslautern raw il-potenzjal ta' dan il-plejer u xtrawh fis-sajf tas-sena 2001.[1] Hu kien skorer regolari mat-tim B u għamel xi apparenzi bħala sostitut mal-ewwel tim fil-Bundesliga, fejn skorja 2 gowls.[1]

Ix-xewqa biex ikun impenjat aktar mal-ewwel tim ratu jirritorna Malta fl-2004, fejn Sliema Wanderers reġgħu akkwistaw is-servizzi ta' dan il-plejer u dan għenhom jiksbu l-kampjonat Malti. Fl-istess sajf hu kien miksub mit-tim Norveġiż ta' Lillestrøm fejn f'punt tal-istaġun hu ġie vvutat bħala l-aqwa plejer barrani tal-kampjonat. Hu kien l-aqwa skorer fl-istaġun tal-2006 fejn irnexxielu jiskorja 11-il gowl f'19-il apparenza.

Fil-5 ta' Novembru 2006, fl-aħħar ġurnata tal-kampjonat Norveġiż, hu ddikjara li jixtieq jittrasferixxi għal wieħed mill-aqwa kampjonati Ewropej. Fis-sajf tas-sena ta' qabel, Lillestrøm ma aċċettawx offera għal Mifsud mit-tim ta' Coventry City minkejja li kienu jafu li l-attakkant seta' jitlaq b'xejn f'Jannar 2007 hekk kif il-kuntratt kien sal-aħħar ta' Diċembru.

Hu ma aċċettax li jiffirma kuntratt ġdid ma' Lillestrøm u ttrassferixxa għal ma' Coventry City. Minbarra Coventry, timijiet mill-Premier League bħal Watford u Sheffield United, kif ukoll Leeds United, tim miċ-Championship, irrappurtaw interess fil-plejer.

Coventry City

immodifika

Fl-10 ta' Jannar 2007, Mifsud iffirma kuntratt ta' sentejn u nofs mat-tim ta' Coventry City fil-Football League Championship fl-Ingilterra.[2]

L-ewwel gowl bil-flokk ikħal wasal kontra Plymouth Argyle,[3] waqt li t-tieni wieħed wasal fit-telfa ta' 4–1 kontra Barnsley bl-iskor ta' 4-1. In-numru ta' gowls kompla tiela', u l-gowl tiegħu kontra Sheffield United kien ġie ivvutat bħala l-gowl tal-istaġun ta' Coventry.

Fit-tielet rawnd tal-Carling Cup, fis-26 ta' Settembru 2007 hu skorja żewġ gowls biex ta lil Coventry rebħa b'sorpriża ta' 2–0 kontra ċ-ċampjins kurrenti tal-Premier League Manchester United.[4][5] Il-gazzetta Taljana La Gazzetta dello Sport laqmitu bħala Il Messi Di Malta wara l-partita.[6]

Wara dan is-suċċess, Mifsud kompla jimpresjona. Hu kien strumentali fil-pari ta' Coventry kontra Charlton Athletic fid-29 ta' Settembru, fejn skorja t-tielet gowl f'żewġ logħbiet. Fit-2 ta' Ottubru, Coventry assiguraw rebħa ta' 3–1 fil-kampjonat kontra Blackpool, fejn it-tieni gowl wasal minn Mifsud.

Fit-12 ta' Novembru, Mifsud ġie mkeċċi wara 11-il minuta fid-derbi ta' Midlands kontra West Bromwich Albion, wara li ta daqqa ta' minkeb f'wiċċ Carl Hoefkens. Wara, Mifsud apoloġizza għal dak li għamel.[7][8] Ir-ritorn tiegħu mat-tim wasal wara skwalifika ta' tliet logħbiet kontra West Brom, fejn kien ritorna mill-aqwa minħabba li skorja darbtejn biex tella' n-numru ta' gowls fl-istaġun għal 15.

Fil-5 ta' Jannar 2008, Mifsud skorja doppjetta fl-FA Cup kontra tim ieħor tal-Premier League, din id-darba Blackburn Rovers ġewwa Ewood Park, biex ikkonferma ruħu bħala wieħed mill-aqwa attakkanti tal-klabb u forsi wkoll bħala l-iktar pedina importanti.[9] Għal din il-prestazzjoni, hu kien ġie nominat għall-plejer tat-tielet rawnd u sussegwentament hu rċieva l-aktar voti f'dan l-unur. Fis-26 ta' Jannar, Mifsud skorja t-tieni gowl ta' Coventry fir-rebħa tar-raba' rawnd tal-FA Cup kontra Millwall.

Minkejja bidu ta' staġun mill-aqwa, it-tieni nofs tal-istaġun kien wieħed deludenti għal Mifsud hekk kif naqas li jżomm mal-forma li kellu mal-ewwel nofs tal-istaġun. Hu skorja gowl f'Jannar 2008 u ma reġax sab ix-xibka sal-aħħar logħba tal-istaġun. Fl-4 ta' Mejju 2008, Mifsud skorja l-unika gowl ta' Coventry fit-telfa barra minn darhom kontra Charlton Athletic, fejn it-tim evita r-relegazzjoni b'punt wieħed biss dak l-istaġun.

Fit-23 ta' Lulju 2008, Coventry City aċċettaw somma ta' Bristol City għas-servizzi tal-plejer Malti.[10] Fid-29 ta' Lulju, Bristol City ħabbru li wara n-negozjati li kienu saru, huma ma kinux se jkomplu bit-trasferiment ta' Mifsud wara intopp fil-ftehim bejn Mifsud u l-klabb il-ġdid.[11] Mifsud ma kellux bidu tal-istaġun feliċi minħabba li ma kienx fil-pjanijiet tal-kowċ Chris Coleman, però bil-mod il-mod reġa' ggwadanja postu mal-ewwel ħdax. Wara nixfa ta' gowls minn nofs Ottubru, Michael Mifsud sab ix-xibka għall-ewwel darba meta skorja l-gowl tar-rebħa kontra Blackpool.

Barnsley

immodifika

Minkejja interess minn diversi klabbs għall-firma tal-plejer Malti,[12] Mifsud ġie msellef sal-aħħar tal-istaġun lit-tim ta' Barnsley, fejn b'hekk ingħaqad ma' sieħbu fit-tim nazzjonali Malti Daniel Bogdanovic.[13] Id-debutt tiegħu wasal kontra Sheffield Wednesday fejn ifforma għall-ewwel darba koppja tal-attakk mal-konnazzjonali Malti Bogdanovic, partita li Barnsley rebħu bl-iskor ta' 1–0. L-ewwel gowl tiegħu wasal fl-10 ta' Marzu 2009, fil-pari ta' 1–1 kontra Birmingham City.[14]

Valletta

immodifika

Wara li ġie msellef ma' Barnsley għall-aħħar parti tal-istaġun 2008–09, fit-30 ta' Ġunju 2009 il-kuntratt ta' Mifsud ma' Coventry skada u sussegwentament ġie rilaxxat wara li ma baqax aktar fil-pjanijiet għall-futur tal-kowċ Chris Coleman.[15] Sheffield United u Leeds United urew interess fil-plejer, waqt li baqgħet miftuħa l-għażla li jerġa' jirritorna Malta, bil-tim ta' Valletta jkun it-tim interessat.[16][17] Però, Mifsud ċaħad ix-xniegħat li kienu qed jiċċirkolaw fuq il-possibilità li jerġa' lura għall-futbol Malti.[18] L-għajdut kompla sejjer lejn tmiem l-2009 u matul is-suq tat-trasferimenti ta' Jannar 2010, b'Notts County tal-eks-kowċ tat-tim nazzjonali Ingliż Sven Goran Erikkson u t-tim mill-Premier League Portsmouth juru interess fil-plejer, minkejja li ma seħħ xejn konkret.[19][20]

Minkejja interess qawwi fil-plejer, Mifsud għażel li jirritorna lura lejn pajjiżu u ngħaqad mal-klabb ta' Valletta sa tmiem tal-istaġun.[21] Hu iffirma kuntratt għal tliet xhur mal-klabb Belti.[22] Mal-klabb Belti, Mifsud irnexxielu jiskorja 7 gowls fil-kampjonat f'7 logħbiet. Mifsud ħalla l-marka tiegħu fit-tazez nazzjonali meta skorja gowl fil-finali tal-FA Trophy kontra Qormi, mirbuħa bl-iskor ta' 2–0,[23] waqt li skorja tripletta fil-finali tat-Tazza tal-100 Anniversarju tal-Kampjonat Nazzjonali kontra Floriana, bil-partita tintemm 3–1.[24] Fl-aħħar tal-istaġun ġie ikkonfermat li Mifsud kien mistenni li jkompli l-karriera tiegħu barra minn Malta.[25]

Qormi

immodifika

Wara diversi xhur ta' inattività u xniegħat fuq il-futur tiegħu, lejn l-aħħar ta' Jannar 2010 ħarġet l-aħbar li kienu qed isiru trattativi bejn Mifsud u t-tim ta' Floriana.[26] Madanakollu, il-president tal-klabb Furjaniż Johann Said esprima t-tħassib tiegħu fuq il-piż finanzjarju li jkopri din it-trattativa ta' Mifsud. Wara li naqas li jintloħoq kompromess bejn il-kumitat Furjaniż u Said, dan tal-aħħar irriżenja,[27] riżenja li aktar tard ġie irtirata.[28] Nhar l-4 ta' Frar, 2011, Mifsud iffirma kuntratt sal-aħħar tal-istaġun 2010–11 ma' Qormi.[29] Iddebutta ma' Qormi fir-rebħa ta' 4–1 fuq Birkirkara tal-5 ta' Frar, 2011, fejn issiġilla din ir-rebħa bi tliet gowls.[30]

Ritorn ma' Valletta

immodifika

Fi tmiem il-kuntratt tiegħu ma' Qormi, kien hemm interess mill-klabb ta' Birkirkara, xniegħat li ġew miċħuda mill-istess plejer.[31] Fil-5 ta' Lulju, 2011, ġie uffiċjalment imħabbar li Michael Mifsud issieħeb għat-tieni darba mat-tim ta' Valletta fejn iffirma kuntratt ta' erba' snin b'opzjoni għal sena oħra.[32] It-tieni debutt mat-tim Belti wasal fit-12 ta' Lulju 2011, fit-telfa ta' 3–2 kontra Ekranas tal-Litwanja valida mit-tieni rawnd ta' kwalifikazzjoni għall-UEFA Champions League, fejn skorja gowl lejn tmiem l-ewwel taqsima. Nhar is-16 ta' Awwissu, skorja doppjetta fil-finali tas-Super Cup kontra Floriana fir-rebħa ta' 3–0 ta' Valletta.[33] Fi tmiem l-istaġun 2012–13, wara li spiċċa l-aqwa skorer Malti fil-kampjonat, il-klabb Belti qabel li jtemm il-kuntratt ta' Mifsud wara sentejn.[34][35]

Melbourne Heart

immodifika
 
Michael Mifsud f'ġurnata għall-familja ta' Melbourne Heart fl-2013

Bil-pjanijiet tiegħu mixħuta biex jilgħab barra minn Malta, nhar it-18 ta' Settembru 2013 iffirma kuntratt ta' sena mal-klabb Awstraljan ta' Melbourne Heart.[36] Hu skorja l-ewwel u l-uniku gowl tiegħu fit-telfa ta' 2–1 kontra Sydney,[37] u rritorna lura Malta wara li ġie meħlus mill-kuntratt fil-21 ta' Marzu 2014.

Lura Malta

immodifika

Nhar il-15 ta' Ġunju 2014, Mifsud reġa' ffirma mal-ewwel klabb tiegħu, Sliema Wanderers.[38] Hu sab l-ewwel gowl tiegħu fit-22 ta' Novembru, fir-rebħa ta' 2–0 fuq Tarxien Rainbows. Sena u nofs wara, eżattament fl-20 ta' Jannar 2016, Mifsud wasal fi qlib mal-klabb biex ixolji l-kuntratt tiegħu u ssieħeb għat-tieni darba fil-karriera tiegħu ma' Valletta.[39] Hu ffirma kuntratt ta' sentejn u nofs mal-klabb Belti.[40]

Internazzjonali

immodifika

Mifsud ngħata l-ewwel sejħa għal mat-tim nazzjonali Malti u ddebutta kontra l-Albanija nhar l-10 ta' Frar tas-sena 2000. Hu hu pedina importanti tat-tim nazzjonali Malti u diġà qabeż il-50 apparenza mat-tim.

Michael Mifsud kien strumentali fir-rebħa ta' Malta kontra l-Ungerija — l-ewwel rebħa kompetittiva ġewwa darhom mill-1982 — meta għamel xogħol tajjeb u minn din l-azzjoni Andre Schembri issiġilla r-rebħa ta' 2–1. Fil-partita kontra t-Turkija fl-istess fażi ta' kwalifikazzjoni għall-Kampjonati Ewropej 2008, ta l-passaġġ lil Andre Schembri meta dan tal-aħħar skorja t-tieni gowl tal-Maltin kontra t-Torok biex ġab ir-riżultat temporanju ta' 2–1. Il-partita spiċċat pari ta' 2–2. Michael Mifsud kellu ċans jikseb il-gowl tar-rebħa, imma x-xutt tiegħu spiċċa barra.

Il-Malti fil-fażi preliminarja tal-Kampjonati Ewropej skorja total ta' tliet gowls u kompla sejjer bil-gowls hekk kif fis-26 ta' Marzu 2008, Michael Mifsud skorja għal ħames darbiet f'logħba ta' ħbiberija li Malta lagħbet kontra l-Liechtenstein u li spiċċat 7–1 favur il-Maltin - l-ikbar rebħa li Malta qatt għamlet.[41] Wara dan ir-riżultat, hu sar l-ewwel plejer Malti li skorja aktar minn tliet gowls f'partita waħda għat-tim nazzjonali. Wara assenza mill-gowls għal għaxar partiti mat-tim nazzjonali, minn mindu skorja gowl f'logħba ta' ħbiberija kontra l-Awstrija, Mifsud reġa' sab ix-xibka din id-darba b'doppjetta f'logħba ta' ħbiberija oħra kontra l-Ġeorġja (li spiċċat f'rebħa għall-Maltin bl-iskor ta' 2–0).[42] B'permezz ta' gowl fit-telfa ta' 4–1 kontra l-Bulgarija fit-18 ta' Novembru, 2009, Mifsud ugwalja r-rekord ta' gowls mat-tim nazzjonali li kien f'idejn Carmel Busuttil bi 23 gowl.[43] Fil-logħba ta' ħbiberija li jmiss, dik kontra l-Finlandja tat-3 ta' Marzu 2010, Mifsud skorja l-gowl tal-ftuħ tal-konfront (barra li falla penalty wkoll qabel il-gowl) biex b'hekk kiser ir-rekord tal-aqwa skorer fl-istorja mat-tim nazzjonali Maltija.[44]

Unuri

immodifika

Klabb

immodifika
Sliema Wanderers
Valletta

Individwali

immodifika
  • Unur Speċjali fil-Malta Football Awards 2006–07[45]
  • Unur Speċjali fil-Malta Football Awards 2009–10[46]

Referenzi

immodifika
  1. ^ a b ċ "Michael Mifsud is MaltaToday's Sportsman of the Year" (bl-Ingliż). Malta Today. 2001-12-30. Arkivjat minn l-oriġinal fl-2013-11-03. Miġbur 2008-01-27.
  2. ^ "Sky Blues snap up Malta striker" (bl-Ingliż). BBC. 2007-01-10. Miġbur 2008-01-27.
  3. ^ "Plymouth 3-2 Coventry" (bl-Ingliż). BBC. 2007-01-22. Miġbur 2008-01-27.
  4. ^ Jon Culley (2007-09-26). "Manchester United 0 Coventry City 2: Ferguson 'flabbergasted' as gamble on youth backfires" (bl-Ingliż). The Independent. Miġbur 2008-09-13.
  5. ^ "Dowie full of praise for Mifsud" (bl-Ingliż). BBC. 2007-09-28. Miġbur 2008-01-27.
  6. ^ Alessandro Ruta. "Mifsud, "Il Messi Di Malta" Che Ha Steso Il Manchester" (bit-Taljan). La Gazzetta dello Sport. Miġbur 2007-10-07.
  7. ^ "Dowie has no sympathy for Mifsud" (bl-Ingliż). BBC. 2007-11-12. Miġbur 2008-01-27.
  8. ^ "Mifsud apologises after red card" (bl-Ingliż). BBC. 2007-11-13. Miġbur 2008-01-27.
  9. ^ "Blackburn 1-4 Coventry" (bl-Ingliż). BBC. 2008-01-05.
  10. ^ Chris, Muscat (2008-07-23). "Michael Mifsud ma' Bristol City". MaltaRightNow.com. Miġbur 2008-09-13.
  11. ^ "Intopp fit-trasferiment ta' Michael Mifsud". L-Orizzont. 2008-07-26. Arkivjat minn l-oriġinal fl-2008-07-29. Miġbur 2008-09-13.
  12. ^ "Derby C. u Wolves interessati li jiffirmaw lil Michael Mifsud". L-Orizzont. Miġbur 2009-01-24.
  13. ^ "Barnsley snap up Mifsud on loan" (bl-Ingliż). BBC. 2009-02-02. Miġbur 2009-02-04.
  14. ^ "Barnsley 1-1 Birmingham" (bl-Ingliż). BBC Sport. 2009-03-11. Miġbur 2009-03-18.
  15. ^ "NEWS: Sky Blues trio released" (bl-Ingliż). ccfc.co.uk. 2009-06-30. Arkivjat minn l-oriġinal fl-2009-07-03. Miġbur 2009-07-11.
  16. ^ "Malta has special place in Blades World" (bl-Ingliż). Times of Malta. 2009-07-05. Miġbur 2009-07-13.
  17. ^ "Local football: Michael Mifsud could return to local football" (bl-Ingliż). The Malta Independent. 2009-07-10.
  18. ^ Azzopardi, Kevin (2009-08-14). "Mifsud considering offers from foreign clubs" (bl-Ingliż). Times of Malta. Miġbur 2009-05-18.
  19. ^ "Sven's Notts County taking Michael Ball and Michael Mifsud" (bl-Ingliż). Mirror Football. 2009-09-13. Arkivjat minn l-oriġinal fl-2009-09-22.
  20. ^ Gauci, Manuel (2010-02-24). "Michael Mifsud qed jitħarreġ ma' Portsmouth". MaltaRightNow.com.
  21. ^ Busuttil, Antoine (2010-03-02). "Michael Mifsud opts to join Valletta" (bl-Ingliż). MaltaFootball.com.
  22. ^ Busuttil, Antoine (2010-03-10). "Valletta FC present Michael Mifsud" (bl-Ingliż). MaltaFootball.com.
  23. ^ Cachia, Paul (2010-05-24). "First-half goals enough for City" (bl-Ingliż). Times of Malta.
  24. ^ "National League 100 Anniversary Cup" (bl-Ingliż). Vallettafc.net. Arkivjat minn l-oriġinal fl-2012-03-18.
  25. ^ "Zerafa confirmed Valletta coach - Mifsud to resume career abroad" (bl-Ingliż). Times of Malta. 2010-06-05.
  26. ^ "Floriana lead chase for Michael Mifsud" (bl-Ingliż). Times of Malta. 2011-01-28. Miġbur 2011-02-05.
  27. ^ Camilleri, Valhmor (2011-02-02). "Botched transfer splits Greens as Said resigns" (bl-Ingliż). Times of Malta. Miġbur 2011-02-05.
  28. ^ Moore, Jesmond. "Waqt rally minn Floriana FC: Said jirtira r-riżenja tiegħu" (bl-Ingliż). L-Orizzont. Miġbur 2011-02-02.
  29. ^ Moore, Jesmond (2011-02-04). "Michael Mifsud jiffirma ma' Qormi" (bl-Ingliż). L-Orizzont. Miġbur 2011-02-05.
  30. ^ Busuttil, Antoine (2011-02-05). "Michael Mifsud hat-trick hero for Qormi — Citizens held in 1-1 draw" (bl-Ingliż). MaltaFootball.com. Miġbur 2011-02-05.
  31. ^ Azzopardi, Kevin (2011-06-14). "Mifsud dismisses rumours, eyes move abroad" (bl-Ingliż). Times of Malta. Miġbur 2011-07-06.
  32. ^ "Michael Mifsud: Valletta FC agree Terms" (bl-Ingliż). Vallettafc.net. 2011-07-05. Arkivjat minn l-oriġinal fl-2011-08-08. Miġbur 2011-07-06.
  33. ^ Busuttil, Antoine (2011-08-16). "Michael Mifsud hands Valletta the Super Cup" (bl-Ingliż). MaltaFootball.com. Miġbur 2011-08-25.
  34. ^ "Valletta FC Release Michael Mifsud" (bl-Ingliż). Valletta FC. 2013-06-20. Miġbur 2013-09-19.
  35. ^ "Michael Mifsud terminates Valletta FC contract" (bl-Ingliż). Times of Malta. 2013-06-20. Miġbur 2013-09-19.
  36. ^ "Mifsud joins Melbourne Heart FC" (bl-Ingliż). Football Federation of Australia. 2013-09-18. Arkivjat minn l-oriġinal fl-2013-09-26. Miġbur 2013-09-19.
  37. ^ Davutovic, David (2013-12-18). "Melbourne Heart striker Michael Mifsud urges his team to switch on early in matches" (bl-Ingliż). The Daily Telegraph. Miġbur 2013-12-21.
  38. ^ "Michael Mifsud joins Sliema" (bl-Ingliż). Times of Malta. 2014-06-15. Miġbur 2017-12-08.
  39. ^ "Mifsud rescinds his contract with the Wanderers" (bl-Ingliż). Valletta FC. 2016-01-20. Miġbur 2017-12-08.
  40. ^ "Michael Mifsud completes Valletta move" (bl-Ingliż). Times of Malta. 2016-01-20. Miġbur 2017-12-08.
  41. ^ "Malta and Mifsud reach a record score" (bl-Ingliż). MaltaRightNow.com. 2008-03-27. Miġbur 2008-09-13.
  42. ^ "Malta 2-0 Georgia" (bl-Ingliż). Malta Football Association. 2009-08-12.
  43. ^ "Malta 1-4 Bulgarija" (bl-Ingliż). Malta Football Association. 2009-10-18. Arkivjat minn l-oriġinal fl-2012-02-22. Miġbur 2009-11-20.
  44. ^ "Malta 1-2 Finlandja" (bl-Ingliż). Malta Football Association. 2010-02-03.
  45. ^ "The Melita Digital Malta Football Awards 2006/07 - The Winners". MaltaFootball.com. Arkivjat minn l-oriġinal fl-2010-10-25.
  46. ^ "Melita Malta Football Awards 2009/10 - Winners". MaltaFootball.com. Arkivjat minn l-oriġinal fl-2011-06-18.

Ħoloq esterni

immodifika
Miksub minn "https://mt.wikipedia.org/w/index.php?title=Michael_Mifsud&oldid=299315"