Attakkant

Attakkant huwa plejer f'tim tal-futbol li jilgħab l-aktar qrib tal-lasta avversarja, u huwa l-persuna responsabbli li jiġu skurjati l-gowls. Din il-pożizzjoni avvanzata flimkien mar-responsabbilitajiet limitati f'dak li għandu x'jaqsam mad-difiża jfisser li normalment l-attakkanti jiskorjaw aktar gowls mill-plejers l-oħra; ħafna drabi huma jkunu fost l-iktar magħrufa u l-aktar li jiswew fl-iskwadra.

L-attakkant (bl-aħmar) għadda minn bejn id-difiża (bl-abjad) u hu lest biex jagħmel xutt lejn il-lasta. Il-gowler irid iwaqqaf 'l-attakkant milli jiskorja billi jara li l-ballun ma jaqbiżx il-linja tal-gowl.

Formazzjonijiet moderni, ħafna drabi jinkludu minn attakkant wieħed sa tlieta; tnejn hu l-aktar numru komuni. Il-kowċis tipikament jiskjeraw attakkant wieħed li jilgħab f'pożizzjoni avvanzata, u attakkant ieħor li jilgħab warajh u jassisti fil-ħolqien tal-gowls kif ukoll biex jiskorja.

Attakkant ċentrali

L-attakkant ċentrali jkun ħafna drabi plejer twil li jiġi wżat għall-blalen għoljin jew jirċievi passaġġi waqt li jżomm il-ballun biex sħabu jilħqu javvanzaw, biex jgħin lil sħabu jiskorja billi jipprovdi passaġġ, jew biex jiskorja hu stess; din l-aħħar varjazzjoni timponi fuq l-attakkant li jkollu veloċità tajba. Ċerti attakkanti joperaw fuq il-ġwienaħ tal-grawnd u minn hemmhekk jagħmlu progress għal-lasta.

It-tieni attakkant

Attakkant jiskrja gowl (Leo Messi)

Ara wkoll

• Formazzjoni (futbol)