KV Mechelen

KV Mechelen
Isem sħiħ	Yellow Red Koninklijke; Voetbalclub Mechelen
Ismijiet oħra	De Kakkers
Fundazzjoni	1904
Grawnd	Argosstadion Achter de Kazerne, Mechelen
Kowċ	Besnik Hasi (en)
Kampjonat	L-Ewwel Diviżjoni
L-ewwel	It-tieni
	Sit uffiċjali

Yellow Red Koninklijke Voetbalclub Mechelen^[1] (spiss sempliċement imsejħa KV Mechelen jew KV, jew mill-ismija Franċiż preċedenti tagħhom FC Malinois), huwa klabb tal-futbol professjonali Belġjan, ibbażat ġewwa l-belt ta' Mechelen fil-provinċja ta' Antwerp. KV Mechelen jilgħabu fl-Ewwel Diviżjoni Belġjana. Huma rebħu erba kampjonati Belġjani u Tazza Belġjana waħda, kif ukoll it-Tazza tat-Tazez Ewropej 1987-88. Huma ġabru l-unuri kollha tagħhom fl-1940ijiet u fit-1980ijiet.

KV Mechelen twaqqaf fl-1904 u fl-istaġun 1921–22, ġew promoss għall-ewwel diviżjoni. Wara żewġ relegazzjoni u promozzjoni suċċessivi, dawn kienu lura għat-tajjeb bejn l-istaġuni 1928–29 u 1955–56. Fis-1960ijiet u fis-1970ijiet, il-klabb kellhu diversi promozzjonijiet u relegazzjonijiet bejn l-ewwel u tieni diviżjoni. Mill-1983–84 sal-1996–97, huma kellhom perjodu ta' suċċess fl-ewwel diviżjoni, b'titolu u diversi finituri fit-tieni u t-tielet post. Matul dak il-perjodu, huma rebħu wkoll it-Tazza tat-Tazez Ewropej u dawn laħqu semi-finali fl-istess kompetizzjoni kif ukoll il-kwarti tal-finali tat-Tazza Ewropea. KV Mechelen eventwalment naqsu fl-aħħar tad-1990ijiet, għalkemm kellhom żewġt perjodi aktar fl-ogħla livell mill-1999–2000 sal-2000–01 u fl-2002–03. Fl-aħħar ta' dak l-istaġun, il-klabb ma rċievix il-Liċenzja Belġjana tal-futbol professjonali, u għalhekk dawn kienu relegati għat-tielet diviżjoni. Wara żewġ promozzjonijiet fl-istaġuni 2004–05 u 2006–07, KV Mechelen waslu lura għall-ewwel diviżjoni.

Il-klabb jilbes flokkijiet sofor bl-istrixxi ħomor b'xorts u kalzetti suwed. Huma jilgħabu l-logħob f'darħom fl-Argosstadion Achter de Kazerne, fejn Argos huwa l-isponsor tal-grawnd tagħhom u Achter de Kazerne tfisser Behind the Barracks. Il-grawnd ġie msemmi hekk minħabba kwartieri użati viċin il-grawnd. Il-partitarji ta' KV Mechelen għandhom rivalità fit-tul ma' KRC Mechelen.

Storja

Il-klabb kien twaqqaf fl-1904, ftit xhur wara t-twelid tar-rivali KRC Mechelen. Il-klabb kellu l-ewwel perjodu ta' suċċess fl-1940ijiet. Matul it-Tieni Gwerra Dinjija, fl-1943, il-klabb rebaħ l-ewwel titlu domestiku tiegħu. It-tieni titolu wasal ftit snin wara, fl-1946, u fl-1948 il-klabb kien ta' suċċess mill-ġdid. Wara dan, il-klabb waqa lura. Fl-1954, huma rnexxielhom jispiċċaw it-tielet, punt wieħed biss wara ċ-ċampjins RSC Anderlecht, iżda kien l-aħħar staġun tajjeb tagħhom. Sentejn wara, Mechelen ġew relegati għat-tieni diviżjoni. Matul is-60ijiet u s-70ijiet, Mechelen marru l-fuq u l isfel bejn l-ewwel u t-tieni diviżjoni.

Il-klabb gawda perjodu suċċessiv kemm domestiku u kemm Ewropew bejn is-snin 1987–1992. Matul dawn il-5 istaġuni, Mechelen rebħu kampjonat Belġjan u titolu tat-tazza Belġjana. Huma wkoll lestew it-tieni fil-kampjonat Belġjan darbtejn u tilfu l-finali tat-tazza Belġjana darbtejn. Wara li rebħu it-titolu tat-tazza domestika fl-1987, huma kkwalifikaw għat-Tazza tat-Tazez Ewropej, huma lestew il-kisba straordinarja billi rebħu dan it-turnew fl-1988. Mechelen huwa l-aħħar tim Belġjan li rebaħ trofew Ewropew.

KV Mechelen deher li kien fit-triq tiegħu li ssir wieħed mill-aqwa klabbs fil-Belġju, iżda malajr naqsu meta ċ-ċermen tagħhom Cordier (li ġab il-proprjetà tad-drittijiet għal ħafna plejers) kien imġiegħel biex ibiegħ ħafna plejers minħabba riżultati ħżiena tal-kumpanija tiegħu. Fl-10 ta' Ġunju 2007, it-tim kiseb il-promozzjoni għall-Ewwel Diviżjoni Belġjana. Sentejn wara fl-2009, KV Mechelen lagħbu l-finali tat-Tazza Belġjana, iżda sfortunatament tilfu 2–0 kontra KRC Genk. Sena wara dan, huma tilfu fis-semi finali bid-dro ta' 2–2 u 1–0 kontra KAA Gent. Wara suċċess li għamel fl-2010 u erba' staġuni għall-Mechelen, il-kowċ Peter Maes iddeċieda li jħalli u ffirma kuntratt ta' erba' snin ma' Sporting Lokeren. Malinwa għamel ftehim ma' Marc Brys biex jieħu f'idejha il-kariga ta' Maes.

Unuri

Domestiċi

L-Ewwel Diviżjoni Belġjana:
- Rebbieħa (4): 1942–43, 1945–46, 1947–48, 1988–89
It-Tieni Diviżjoni Belġjana:
- Rebbieħa (6): 1925–26, 1927–28, 1962–63, 1982–83, 1998–99, 2001–02
Rawnd finali tat-Tieni Diviżjoni Belġjana:
- Rebbieħa (2): 1981, 2007
It-Tielet Diviżjoni Belġjana:
- Rebbieħa (1): 2004–05
Tazza Belġjana:
- Rebbieħa (2): 1986–87, 2018-19

Internazzjonali

Tazza tat-Tazez Ewropej:
- Rebbieħa (1): 1987–88
UEFA Super Cup:
- Rebbieħa (1): 1988
Trofew Joan Gamper:
- Rebbieħa (1): 1989

Parteċipazzjoni fl-Ewropa

Minn Diċembru, 2008.

Kompetizzjoni	A	L	R	P	T	GF	GK
Tazza Ewropea / UEFA Champions League	1	6	2	3	1	9	3
Tazza tat-Tazez Ewropej	2	17	13	3	1	26	8
UEFA Cup / UEFA Europa League	4	14	3	5	6	14	15
UEFA Super Cup	1	2	1	0	1	3	1

Logħob

K = rawnd tal-kwalifikazzjoni
R = rawnd
Grupp = fażi tal-gruppi / Grupp 1 = l-ewwel fażi tal-grupp / Grupp 2 = it-tieni fażi tal-grupp
1/8 = l-aħħar tminja / 1/4 = kwarti tal-finali / 1/2 = semi-finali
F = finali
PKU = punti tal-koeffiċjent tal-UEFA
PO = Play-Offs

Staġun	Kompetizzjoni	Rawnd	Klabb	Riżultat
1987–88	Tazza tat-Tazez Ewropej	1R	Dinamo Bucureşti	1–0, 2-0
		2R	St. Mirren	0–0, 2-0
		1/4	Dinamo Minsk	1–0, 1-1
		1/2	Atalanta	2–1, 2-1
		F	Ajax	1–0
1988	UEFA Super Cup	F	PSV	3–0, 0-1
1988–89	Tazza tat-Tazez Ewropej	1R	Avenir Beggen	5–0, 3-1
		2R	Anderlecht	1–0, 2-0
		1/4	Eintracht Frankfurt	1–0, 0-0
		1/2	Sampdoria	2–1, 0-3
1989–90	Tazza Ewropea	1R	Rosenborg	5–0, 0-0
		2R	Malmö FF	4–1, 0-0
		1/4	Milan	0–0, 0-2 (ĦS)
1990–91	UEFA Cup	1R	Sporting CP	2–2, 0-1
1991–92	UEFA Cup	1R	PAOK	0–1, 1-1
1992–93	UEFA Cup	1R	Örebro	2–1, 0-0
		2R	Vitesse	0–1, 0-1
1993–94	UEFA Cup	1R	IFK Norrköping	1–1 (ĦS), 1-0
		2R	MTK Hungária	5–0, 1-1
		3R	Cagliari	1–3, 0-2