Opossum ġurdien sufi

Opossum ġurdien sufi jista jkun wieħed minn 6 speċi ta' opossumi magħrufin xjentifikament bħala Micoureus sp. (l-ispeċi kollha li qegħdin ikklassifikati fil-ġeneru Micoureus). Dawn huma mammiferi marsupjali, membri tat-tribù Monodelphini, fis-sottofamilja Didelphinae, fil-familja Didelphidae (didelfidi), tal-ordni Didelphimorphia (didelfimorfji), nattivi tal-kontinenti Amerikani u mifruxin mill-Amerika ċentrali, sa n-Nofsinhar tal-kontinent tal-Amerika ta' isfel.

Opossum ġurdien sufi
Klassifikazzjoni xjentifika
Renju:	Animalia
Phylum:	Chordata
Klassi:	Mammalia
Sottoklassi:	Theria
Infraklassi:	Metatheria
Superordni:	Ameridelphia
Ordni:	Didelphimorphia (Gill,1872)
Familja:	Didelphidae (Gray,1821)
Sottofamilja:	Didelphinae
Ġeneru:	Micoureus (Lesson,1842)
Speċi
Micoureus alstoni Micoureus constantiae Micoureus demerarae Micoureus paraguayanus Micoureus phaeus Micoureus regina

Dawn huma speċi ta' opossumi li ġeneralment jippreferu jgħixu f' abitat ta' foresti kemm subtropikali u tropikali umdi, kif ukoll f'dawk subtropikali u tropikali xotti.

L-Opossumi ġrieden sufin tal-ġeneru Micoureus kollha, huma didelfimorfji ta' abitudni kemm arborja jew siġrijja (jgħixu fis-siġar), kif ukoll terrestri (jgħixu mal-art) u l-quċċata tal-attivita tagħhom tkun matul il-lejl (notturni).

Dieta

L-Opossumi ġrieden sufin huma mammiferi marsupjali omnivori u d-dieta prinċipali tagħhom tikkonsisti minn bajd, frott, insetti varji u annimali invertebrati u vertebrati żgħar oħrajn bħal rettili, amfibjani u mammiferi gerrimin.

Distribuzzjoni

Dawn l-opossumi ġrieden sufin għandhom distribuzzjoni vasta ma' bosta pajjiżi fil-kontinenti Amerikani u jinsabu mifruxin fl-Arġentina, Beliże, Bolivja, Brażil, Ekwador, Gujana, Gujana Franċiża, Gwatemala, Ħonduras, Kolombja, Kosta Rika, Nikaragwa, Panama, Paragwaj, Peru, Surinam u Venezwela.

Klassifikazzjoni

• Ordni Didelphimorphia
  • Superfamilja Didelphoidea
    • Familja Didelphidae
      • Sottofamilja Didelphinae
        • Tribù Monodelphini
          • Ġeneru Micoureus
            • Opossum ġurdien sufi ta' Alston, Micoureus alstoni
            • Opossum ġurdien sufi ta' żaqqu bajda, Micoureus constantiae
            • Opossum ġurdien sufi tal-pil twil, Micoureus demerarae
            • Opossum ġurdien sufi ta' Tate, Micoureus paraguayanus
            • Opossum ġurdien sufi żgħir, Micoureus phaeus
            • Opossum ġurdien sufi ta' denbu għarwien, Micoureus regina

Referenzi

• Gardner, Alfred (November 16, 2005). Wilson, D. E., and Reeder, D. M. (eds) Mammal Species of the World, 3rd edition, Johns Hopkins University Press, 3-18. ISBN 0-801-88221-4
• The Paleobiology Database.
• Tassonomija tal-Mammiferi.

Ħoloq/Linkijiet Esterni

• New World Marsupial Specialist Group 1996.Micoureus alstoni In: IUCN 2006. 2006 IUCN Red List of Threatened Species. Downloaded on 19 January 2007.
• New World Marsupial Specialist Group 1996.Micoureus constantinae In: IUCN 2006. 2006 IUCN Red List of Threatened Species. Downloaded on 19 January 2007.
• New World Marsupial Specialist Group 1996.Micoureus demerarae In: IUCN 2006. 2006 IUCN Red List of Threatened Species. Downloaded on 19 January 2007.
• New World Marsupial Specialist Group 1996.Micoureus regina In: IUCN 2006. 2006 IUCN Red List of Threatened Species. Downloaded on 19 January 2007.
• Infonatura, sit b' informazzjoni dwar il-fawna tal-kontinent tal-Amerika ta' isfel inklużi il-marsupjali tal-ġeneru Micoureus.