Tim nazzjonali tal-futbol ta' San Marino

It-tim nazzjonali tal-futbol ta' San Marino huwa r-rappreżentazzjoni tal-futbol ta' San Marino, ikkontrollat mill-Federazione Sammarinese Gioco Calcio.

San Marino

Psewdonimu	La Serenissima
Assoċjazzjoni	Federazione Sammarinese Giuoco Calcio
Konfederazzjoni	UEFA (Ewropa)
Kowċ	Franco Varrella
Kaptan	Davide Simoncini
Rekord ta' preżenzi	Andy Selva (73)
Rekord ta' gowls	Andy Selva (8)
Stadju prinċipali	Stadju San Marino
Kodiċi tal-FIFA	SMR
L-ewwel kulur It-tieni kulur It-tielet kulur
Klassifika tal-FIFA
Pożizzjoni attwali	210
L-ogħla	118 (Settembru 1993)
L-inqas	211 (Novembru 2018 – Lulju 2019)
L-ewwel logħba
San Marino 0–4 Żvizzera (Serravalle, San Marino; 14 ta' Novembru 1990)
L-ikbar rebħa
San Marino 1–0 Liechtenstein (Serravalle, San Marino; 28 t'April 2004)
L-ikbar telfa
San Marino 0–13 Ġermanja (Serravalle, San Marino; 6 ta' Settembru 2006)

Minħabba d-dimensjonijiet u l-popolazzjoni żgħira tal-pajjiż, fejn huwa l-iżgħar pajjiż tal-UEFA, San Marino huwa wieħed mill-ifqar timijiet nazzjonali kemm teknikament kif ukoll f'termini ta' riżultati fl-Ewropa kif ukoll tad-dinja. Wara tnaqqis stabbli li beda fl-1994, it-tim nazzjonali spiċċa fil-qiegħ tal-klassifika tal-FIFA, fejn attwalment jinsab jaqsam il-203 post mingħajr ebda punt.

L-ewwel logħba uffiċjali li ntlagħbet minn tim minn San Marino kienet telfa ta' 4–0 kontra l-Iżvizzera, valida għall-Kampjonati Ewropej 1990. Preċedentament fl-1986, San Marino kien tilef 1–0 f'logħba ta' ħbiberija kontra t-tim nazzjonali Olimpiku tal-Kanada, minkejja li din ma kinitix ikkunsidrata bħala logħba uffiċjali. Minn mindu għamlu d-debutt kompetittiv tagħhom, San Marino ħa sehem f'kull fażi ta' kwalifikazzjoni għall-Kampjonati Ewropej u t-Tazza tad-Dinja, imma għadu qatt ma rebaħ logħba. L-unika rebħa fl-istorja waslet kontra l-Liechtenstein bl-iskor ta' 1–0, f'logħba ta' ħbiberija li ntlagħbet fit-28 ta' April 2004.

Storja

Minkejja li l-Federazzjoni tal-Futbol ta' San Marino ġie fundat fl-1931, il-federazzjoni ma kinitx stabillixxiet ruħha bħala tim nazzjoni sa l-1986, meta tim irrappreżenta l-federazzjoni kontra it-tim tal-Kanada ta' l-Olimpjadi f'kampjonat mhux uffiċċjali. San Marino ngħaqad mal-UEFA u l-FIFA fl-1988, fejn b'hekk seta' jibda' jipparteċipa fil-komepetizzjonijiet il-kbar. Qabel dan li ġara, plejers minn Sammarinese kienu kkunsidrati bħala plejers Taljani.

L-ewwel logħba internazzjonali ta' San Marino kienet kontra l-Isvizzera fl-14 ta' Novembru 1990 fil-fażi ta' kwalifikazzjoni għall-Kampjonati Ewropej ta' l-1992 (Euro 1992). San Marino tilfu 4-0, u tilfu wkoll it-tmien partiti l-oħra. Fil-fatt dan it-tim bata' biex jikseb riżultati tajbin barra minnd darhom fejn kważi f'kull logħba laqqat erba' gowls. San Marino skorja gowl wieħed, penalty fit-telfa ta' 3-1 kontra r-Rumanija, u laqqat total ta' 33 gowl.

Fl-ewwel fażi ta' kwalifikazzjoni, għal San Marino, għat-Tazza tad-Dinja huma kienu ġew fil-grupp kontra l-Ingilterra, l-Olanda, in-Norveġja, il-Polonja u t-Turkija. Fil-logħba tal-ftuħ kontra n-Norveġja huma tilfu 10-0. Il-partita ta' wara provdiet inqas gowls hekk kif in-Norveġiżi rebħu 2-0. It-telfa ta' 4-1 kontra t-Turkija tathom l-ewwel gowl fi-Tazza tad-Dinja, u l-pari ta' 0-0 fil-partita ta' ritorn tathom l-ewwel punt. Fl-aħħar logħba kontra l-Ingilterra, San Marino kisbu r-rekord ta' l-aktar gowl kmieni fl-istorja tat-Tazza tad-Dinja. Davide Gualtieri skorja l-gowl wara biss 8.3 sekondi wara passaġġ ħażin ta' Stuart Pearce. Il-partita spiċċat b'rebħa għall-Ingliżi, 7-1. San Marino spiċċaw il-kampanja b'punt wieħed u total ta' 44 gowls li laqqtu.

San Marino rebħu s'issa logħba waħda internazzjonali; 1-0 kontra Liechtenstein f'logħba ta' ħbiberija fl-2004. Andy Selva skorja l-gowl rebbieħ. L-agħar telfa li ġarrab dan it-tim kienet it-telfa ta' 13-0 kontra l-Ġermanja fil-fażi ta' kwalifikazzjoni għall-Euro 2008, fis-6 ta' Settembru 2006.

Grawnd

San Marino jilgħab il-logħob f'daru fil-grawnd "Stadio Olimpico", grawnd li jinsab f'Serravalle u għandu kapaċità ta' 5,387. San Marino lagħab ukoll żewġ partiti ta' daru barra minn daru. Dan kien fil-fażi ta' kwalifikazzjoni, kontra l-Ingilterra u l-Olanda fl-1993, meta huma lagħbu fi "Stadio Renato Dall'Ara" f'Bologna.

Reputazzjoni Żgħira

Ir-rekord ta' San Marino jagħtihom reputazzjoni żgħira fil-futbol mondjali. Din ir-repubblika għadha ma rebħitx logħba kompetittiva, bl-unika rebħa tkun il-logħba ta' ħbiberija kontra Liechtenstein fejn kienet spiċċat 1-0. Bl-iżgħar popolazzoni fil-pajjiżi tal-UEFA, ma tantx hemm minn fejn jintagħżlu plejers. Il-plejers huma il-biċċa l-kbira dilettanti, bi plejers bħal Andy Selva u Aldo Simoncini li huma professjonali. It-telfa ta' 13-0 kontra l-Ġermanja kien rekord fil-Kampjonati Ewropej u huma laqqtu għaxar gowls oħra f'żewġ okkażjonijiet oħra.

Skwadra attwali

L-iskwadra magħżula għal-logħba ta' kwalifikazzjoni għall-Kampjonati Ewropej 2012 kontra l-Iżvezja fis-6 ta' Settembru 2011.

Preżenzi u gowls aġġornati sas-6 ta' Settembru 2011

Nru.	Poż.	Plejer	Data tat-twelid (età)	Preżenzi	Gowls	Klabb
1	1G	Federico Valentini	22 ta' Jannar 1982 (1982-01-22)	10	0	Marignano
12	1G	Michele Ceccoli	4 ta' Diċembru 1973 (1973-12-04)	3	0	Libertas
2	2D	Fabio Vitaioli	5 ta' April 1984 (1984-04-05)	21	0	Sammaurese
5	2D	Davide Simoncini	30 ta' Awwissu 1986 (1986-08-30)	23	0	Libertas
6	2D	Simone Bacciocchi	22 ta' Jannar 1977 (1977-01-22)	55	0	Juvenes/Dogana
13	2D	Matteo Andreini	10 ta' Ottubru 1981 (1981-10-10)	22	0	Tre Fiori
14	2D	Giacomo Benedettini	7 ta' Ottubru 1982 (1982-10-07)	5	0	Tre Fiori
3	3M	Damiano Vannucci	30 ta' Lulju 1977 (1977-07-30)	63	0	Juvenes/Dogana
4	3M	Fabio Bollini	19 ta' Settembru 1983 (1983-09-19)	11	0	La Fiorita
8	3M	Michele Cervellini	14 ta' April 1988 (1988-04-14)	10	0	Juvenes/Dogana
9	3M	Matteo Coppini	5 ta' Mejju 1989 (1989-05-05)	5	0	Atletico Montecchio
11	3M	Manuel Marani	7 ta' Ġunju 1984 (1984-06-07)	29	1	Riccione
15	3M	Matteo Bugli	10 ta' Marzu 1983 (1983-03-10)	20	0	Cosmos
16	3M	Alex Gasperoni	30 ta' Ġunju 1984 (1984-06-30)	20	1	Tre Penne
17	3M	Pier Filippo Mazza	20 ta' Awwissu 1988 (1988-08-20)	7	0	Sant’Ermete-Sanvitese
7	4A	Matteo Vitaioli	27 ta' Ottubru 1989 (1989-10-27)	19	0	San Marino
10	4A	Andy Selva	25 ta' Mejju 1976 (1976-05-25)	54	8	Mingħajr klabb
18	4A	Paolo Montagna	28 ta' Mejju 1976 (1976-05-28)	44	0	Cosmos

Rekord kompetittiv

Tazza tad-Dinja

• 1930 sa l-1990 - Ma ħaditx sehem
• 1994 sa l-2010 - Ma kkwalifikatx

Kampjonati Ewropej

• 1960 sa l-1988 - Ma ħaditx sehem
• 1992 sa l-2012 - Ma kkwalifikatx

Riżultanti Importanti

• 16 ta' Settembru 1987 - Lebanon 0 - 0 San Marino (Logħob Mediterranju)
• 10 ta' Marzu 1993 - Turkija 0 - 0 San Marino (Kwalifikazzjoni għat-Tazza tad-Dinja)
• 25 ta' April 2001 - Latvja 1 - 1 San Marino (Kwalifikazzjoni għat-Tazza tad-Dinja)
• 20 ta' Awwissu 2003 - Liechtenstein 2 - 2 San Marino (Logħba ta' Ħbiberija)
• 28 ta' April 2004 - Liechtenstein 0 - 1 San Marino (Logħba ta' Ħbiberija)

Ħoloq esterni

• Sit uffiċjali
• Arkivju tar-riżultati internazzjonali mill-1986 fuq RSSSF
• Arkivju tad-dehriet u l-gowls fuq RSSSF