Joe Borg

Joseph "Joe" Borg (twieled 19 ta' Marzu 1952) huwa politiku u diplomatiku Malti. Huwa serva bħala l-Kummissarju Ewropew għas-Sajd u Affarijiet Marittimi mill-2004 sal-2010. Qabel dan, huwa kien il-Ministru tal-Affarijiet Barranin, fejn mexxa n-negozjati għall-adeżjoni ta’ Malti fl-Unjoni Ewropea.

Joe Borg
European Commissioner for Maritime Affairs and Fisheries (en) 22 Novembru 2004 - 9 Frar 2010 ← Franz Fischler (mul) - Maria Damanaki (en) → European Commissioner for International Cooperation, Humanitarian Aid and Crisis Response (en) 1 Mejju 2004 - 11 Novembru 2004 European Commissioner for International Cooperation, Humanitarian Aid and Crisis Response (en) 1 Mejju 2004 - 21 Novembru 2004 ← Poul Nielson (mul) - Louis Michel (mul) → 8. Ministru għall-Affarijiet Barranin 24 Marzu 1999 - 23 Marzu 2004 ← Guido de Marco - John Dalli → Membru tal-Kamra tad-Deputati ta' Malta
Ħajja
Twelid	Valletta, 19 Marzu 1952 (72 sena)
Nazzjonalità	Malta
Edukazzjoni
Alma mater	Aberystwyth University (en)
Okkupazzjoni
Okkupazzjoni	politiku għalliem fl-università
Premjijiet	List Order of the Three Stars, 3rd Class  (2004) German Maritime Award  (2009) Order of the White Star, 1st Class

Karriera

Borg iggradwa b’Dottorat tal-Liġi mill-Università ta’ Malta fl-1975 u b’Maġisteru tal-Liġi f’Wales fl-1988.

Borg laħaq diversi posti akkademiċi fl-Università ta’ Malta mill-1979 ‘il quddiem, fejn iffoka prinċiparjament fuq id-Dritt Soċjetarju, il-Liġi Industrijali u l-Liġi Ewropea. Barra minn hekk laħaq ukoll diversi posti bħala konsulent legali għal xi kumpaniji u korporazzjonijiet kemm f’Malta u f’pajjiżi oħrajn.

Huwa beda l-karriera politika tiegħu bħala konsulent għall-Ministru tal-Affarijiet Barranin bejn l-1989 sal-1995 dwar kwistjonijiet tal-Unjoni Ewropea. Matul dan l-istess żmien serva wkoll bħala membru fuq il-Bord tad-Diretturi tal-Bank Ċentrali ta’ Malta. Fl-1995 nħatar fil-Parlament Malti bħala membru tal-Partit Nazzjonalista. Aktar tard bejn l-1998 u l-1999 huwa serva bħala Segretarju tal-Parlament fi ħdan il-Ministeru tal-Affarijiet Barranin, u sussegwentament ingħata l-kariga tal-Ministru tal-Affarijiet Barranin fl-1999. Borg żamm dan il-post sa n-nominazzjoni tiegħu bħala l-Kummissarju Ewropew tas-Sajd u l-Affarijiet Marittimi fl-2004 wara t-tisħib ta’ Malta mal-Unjoni Ewropea.

Kummissarju tas-Sajd

Bħala Kummissarju Ewropew, Borg kellu responsabbiltà quddimija fit-tħaddin tal-Politika Marittima Integrata. Bil-mira li tinkiseb is-sostenibbiltà f’dan il-qasam, ir-responsabbiltà ikkonsistiet ukoll f’miżuri innovattivi fis-sajd, partikolarment permezz l-involviment ta’ partijiet interessati (stakeholders) u l-ġlieda kontra attivitajiet illegali tas-sajd. Borg qala’ kontroversja fost gruppi ambjentali permezz tal-oppożizzjoni qawwija tiegħu fuq il-projbizzjoni tal-bejgħ tat-tonn tal-ġeneru Thunnus. Il-pożizzjoni tiegħu ġiet marbuta mal-fatt li l-industrija taqla' madwar €100 miljun ewro fis-sena għal Malta. Ftit żmien wara tmiem il-kariga tiegħu bħala l-Kummissarju tas-Sajd fl-2010, huwa nħatar bħala ċ-chairman tal-Akkademja Meditteranja ta’ Studji Diplomatiċi u ssokta l-letturi tiegħu fl-Università ta' Malta.

Familja

Joe Borg huwa miżżewweġ lil Isabelle Borg. Il-koppja għandha żewġt itfal, Joseph u Clara.

Dottorati Onorarji

Borg ġie ppremjat dottorat onorarju mill-Università ta’ Essex f’Lulju tal-2003.

Publikazzjonijiet

Borg kien l-awtur tal-Att tal-Kumpaniji ta’ Malt fl-1995.