Iftaħ il-menu prinċipali
Plakka fir-Rabat li tikkommemora 'l Azzopardi

Francesco Azzopardi (5 ta’ Mejju, 1748 – 6 ta’ Frar 1809) kien kompożitur, teoriku tal-mużika u organista Malti.

BijografijaImmodifika

Francesco Azzopardi (magħruf ukoll bħala Azopardi) twieled ir-Rabat, Malta. L-ismijiet tal-magħmudija kienu Giovanni Batista Agostino Francesco Guiseppe.

Kellu l-ewwel tagħlim fil-mużika minn Michelangelo Vella. Mill-1763 sa l-1774 kien Napli, l-ewwel biex jistudja fil-Conservatorio di Sant'Onofrio ta’ Porta Capuana taħt il-tmexxija ta’ Carlo Contumacci u Joseph Doll, imbagħad, mill-1767, biex ikompli jipperfezzjona ruħu ma’ Niccolò Piccinni.

Fl-1768 Azzopardi kien diġà kkompona l-ewwel xogħol liturġiku tiegħu, il-Quddiesa fil-Fa (Ms 339). F'Napli offrewlu l-post ta' Maestro di Capella imma xtaq li jmur lura Malta.

Fl-1774 reġa’ lura Malta u fit-12 ta' April inħatar organista tal-Kattidral ta’ San Pawl l-iMdina bid-dritt li jsir Maestro di Cappella. Il-Maestro di Cappella dak iż-żmien kien Don Benigno Zerafa (1726-1804). Wara l-1789 kien attiv ukoll fil-Knisja Konventwali tal-Kavalieri ta' Malta il-belt Valletta. Francesco Azzopardi nħatar Maestro di Cappella fil-Kattidral tal-Imdina, wara Benigno Zerafa, fit-8 ta' Diċembru 1783.

Ikkompona xi 250 xogħol, il-parti kbira mużika sagra: 31 quddiesa, 76 salm, 6 Magnificat, 2 Passjonijiet, 6 Lamentazzjonijiet, 70 Motett, 16-il Antifona u biċċiet għal l-orgni għall-Milied. Imma l-ikbar xogħol tiegħu kien it-trattat pedagoġiku, Il musico prattico I tal-1786. Minħabba dan kiseb fama internazzjonali meta Nicolas-Étienne Framery ttraduċih għall-Franċiż u Le Duc ippubblikah bit-titlu Le Musicien Pratique. Jidher li s-suċċess tiegħu dam ħafna għax fl-1824 il-mużikoloġista Franċiż, Alexandre Choron ħareġ edizzjoni ġdida bl-istess isem. Azzopardi baqa’ jfittex teoriji ġodda u fl-1809 ħareġ verżjoni oħra, Il musico prattico II fejn espanda l-prinċipji tal-ewwel verżjoni u żied magħhom.

Azzopardi kien wieħed mill-għalliema ta' Nicolò Isouard. Miet ir-Rabat, Malta.

XogħlijietImmodifika

Mużika vokali profanaImmodifika

  • Malta felice (cantata, 1775)
  • La magica lanterna (opra buffa, 1791)

Mużika vokali sagraImmodifika

  • La passione di Cristo (oratorju, librett ta’ Pietro Metastasio, 1802)
  • Bosta quddisiet komposti mill-1768 sal-1806
  • Bosta xogħlijiet sagri komposti mill-1772 sal-1796
  • Kanti, innijiet, salmi komposti mill-1772 sal-1807

Mużika strumentaliImmodifika

  • Ouverture għal 2 oboi, 2 vjolini, 2 korni, basso u orgni (1782)
  • Sinfonija għal 2, 2 vjolini, vjola, 2 korni u basso continuo (1797)
  • Sinfonija għal oboe obbligato, oboe, 2 vjolini, 2 korni u basso continuo (1799)

TrattatiImmodifika

  • Il musico prattico
  • Il musico prattico II
  • Dissertazione sulla risoluzione della quinta falsa in 6/4 rivolto dell'armonia di 5/3
  • Dissertazione sulla musica greca

BibljografijaImmodifika

  • P. Pullicino - Notizia biografica di Francesco Azzopardi - Malta, 1876
  • D. Buhagiar - Francesco Azopardi (1748-1809): A Maltese Classical Composer, Theorist, and Teacher - Mediterranean Institute, University of Malta, Msida, Malta, 1999, Dissertation
  • F. Bruni - Musica sacra a Malta - Malta, 1993

DiskografijaImmodifika

Unveröffentlichte Manuskripte aus der Kathedrale von Malta, Francesco Azopardi, Nisi Dominus - Tölzer Knabenchor, Wolfgang Schady - ISBN: B0000285YX