Roland Linz
Roland Linz (twieled fid-9 ta' Awwissu 1984) huwa eks-plejer tal-futbol Awstrijakk li kien jilgħab bħala attakkant.
 | |||
| Informazzjoni personali | |||
|---|---|---|---|
| Twelid | 9 ta' Awwissu 1984 Leoben, Awstrija | ||
| Tul | 1.85 m | ||
| Rwol | Attakkant | ||
| Mixtliet | |||
| 1995–1997 | Leoben | ||
| 1997–1999 | 1860 Munich | ||
| Karriera professjonali | |||
| Snin | Klabb | ||
| 1999–2001 | Leoben | ||
| 2001–2006 | Austria Wien | ||
| 2003–2004 | → Admira Mödling (self) | ||
| 2004 | → Nice (self) | ||
| 2005 | → Sturm Graz (self) | ||
| 2006–2007 | Boavista | ||
| 2007–2009 | Braga | ||
| 2009 | → Grasshoppers (self) | ||
| 2009–2010 | Gaziantepspor | ||
| 2010–2013 | Austria Wien | ||
| 2013–2014 | Muangthong United | ||
| 2014 | Belenenses | ||
| Tim nazzjonali | |||
| 2002–2010 | Awstrija | ||
Karriera
immodifikaLinz beda l-karriera fil-futbol mal-klabb tal-lokal, DSV Leoben. Ta' ħmistax-il sena ittrasferixxa l-Ġermanja, fejn kompla l-avventura tiegħu mal-klabb Bavarjan ta' TSV 1860 München.
Sentejn wara, Linz reġa' rritorna lura ma' DSV Leoben, fejn fis-sentejn ta' wara skorja 27 gowl fi 53 logħba. Il-forma tajba tiegħu fit-tieni diviżjoni kienet biżżejjed biex fl-2001 Austria Wien akkwistaw il-firma tiegħu. Mal-klabb mill-belt kapitali Awstrijaka, Linz gawda mill-ewwel suċċessi fejn rebaħ il-Bundesliga u t-Tazza. Wara sentejn fejn ġie misluf lil tliet timijiet differenti, Linz irritorna lura ma' Austria Wien fejn din id-darba reġa' rebaħ iż-żewġ titli kif ukoll kien ir-rebbieħ tal-klassifika tal-aqwa skorers. Kien f'dan iż-żmien li Linz stabilixxa ruħu mat-tim nazzjonali.
Wara prestazzjonijiet eklatanti kemm fuq bażi ta' klabb kif ukoll man-nazzjonal, Linz eventwalment iffirma ma' Boavista fil-Portugall matul is-sajf tal-2006 fejn iffirma kuntratt ta' tliet snin. Fl-ewwel staġun skorja għaxar gowls, u sussegwentament ingħaqad ma' Braga. Ma' Braga barra li skorja ħdax-il gowl fil-kampjonat, sab ix-xibka ħames darbiet oħra fit-Tazza UEFA 2007–08. Wara li tilef l-importanza tiegħu mal-iskwadra ta' Braga, hu ġie msellef f'Jannar tal-2009 lil Grasshopper Club Zürich. L-ewwel logħba tiegħu kienet fid-derby ta' Żurigu kontra FC Zürich, fejn skorja gowl però safa mkeċċi wara żewġ ammonizzjonijiet.
Wara esperjenza fit-Turkija ma' Gaziantepspor hu reġa' rritorna lura lejn art twelidu u ma' Austria Wien fl-2010.
Internazzjonali
immodifikaLinz iddebutta mat-tim nazzjonali Awstrijakk fir-rebħa ta' 2–0 kontra s-Slovakkja tas-27 ta' Marzu, 2002. F'Settembru 2007, Linz għamel sfog pubbliku kontra l-president tal-federazzjoni Awstrijaka Friedrich Stickler u ħabba f'hekk spiċċa barra mis-selezzjoni għal tmintax-il xahar. Hu ġie magħżul mal-iskwadra għall-Kampjonati Ewropej 2008, fejn lagħab fit-tliet partiti tal-grupp minkejja li qatt ma sab ix-xibka.
Unuri
immodifika- Austria Wien
- Bundesliga: 2002–03, 2005–06
- ÖFB-Stiegl-Cup: 2002–03, 2005–06
Ħoloq esterni
immodifika- (DE) Roland Linz fuq fussballdaten.de
- Roland Linz fuq National-Football-Teams.com
