Pseudantechinus
Pseudantechinus huwa ġeneru ta' mammiferi, parti mil-grupp tal-marsupjali karnivori, eżattament l-Anteċini l-foloz (għalkemm wieħed mill-ispeċi xi kultant jissejjaħ bl-isem ta' Dibbler tat-Tramuntana peress li fil-passat kien jagħmel parti mill-ġeneru Parantechinus), tal-kontinent tal-Awstralja.
| Pseudantechinus | |
|---|---|
 | |
| Klassifikazzjoni xjentifika | |
| Phylum | Chordata |
| Klassi | Mammalia |
| Ordni | Dasyuromorphia |
| Familja | Dasyuridae |
| Sottofamilja | Dasyurinae |
| ġeneru | Pseudantechinus Tate, 1947
|
Dan il-ġeneru qiegħed klassifikat fil-klassi Mammalia, fis-sottoklassi Theria, fl-infraklassi Metatheria (il-marsupjali kollha), fis-superordni Australidelphia (il-marsupjali Awstraljani kollha u l-kolokolo tal-kontinent ta' l-Amerika ta' isfel), fl-ordni Dasyuromorphia (il-marsupjali karnivori tal-kontinent Awstraljan), fil-familja Dasyuridae, fis-sottofamilja Dasyurinae u fit-tribù Dasyurini ma' disa' ġeneri oħra li huma Dasycercus, Dasykaluta, Dasyuroides, Dasyurus, Myoictis, Neophascogale, Parantechinus, Phascolosorex u Sarcophilus.
Il-ġeneru Pseudantechinus, it-tieni l-aktar ta' suċċess fost il-ġeneri fit-tribù Dasyurini (fl-ewwel post hemm il-ġeneru Dasyurus b'seba' speċi) u jiġbor fiħ sitt speċi, kollha ħajjin. Id-dibbler tat-Tramuntana, Pseudantechinus bilarni, li llum il-ġurnata sar jissejjaħ aktar bl-isem ta' Anteċinu falz tat-Tramuntana, snin ilu kien klassifikat fil-ġeneru Parantechinus, sakemm studji ġenetiċi wrew li dan l-ispeċi huwa aktar relatat fil-qrib mal-Anteċini foloz u b'hekk ġie riklassifikat fil-ġeneru Pseudantechinus.
Lista tal-ispeċi tal-ġeneru Pseudantechinus
immodifika- Ġeneru Pseudantechinus (Tate, 1947)
- Anteċinu falz tat-Tramuntana jew Dibbler tat-Tramuntana, Pseudantechinus bilarni (Johnson, 1954)
- Anteċinu falz ta' denbu oħxon, Pseudantechinus macdonnellensis (Spencer, 1895)
- Anteċinu falz ta' Alexandria, Pseudantechinus mimulus (Thomas, 1906)
- Anteċinu falz ta' Ningbing, Pseudantechinus ningbing (Kitchener, 1988)
- Anteċinu falz ta' Rory Cooper, Pseudantechinus roryi (Coopers & Aplin & Adams, 2000)
- Anteċinu falz ta' Woolley, Pseudantechinus woolleyae (Kitchener & Caputi, 1988)
Referenzi
immodifika- Groves, Colin (16 November 2005). Wilson, D. E., and Reeder, D. M. (eds): Mammal Species of the World, 3rd edition, Johns Hopkins University Press. ISBN 0-801-88221-4.
- Ronald M. Nowak: Walker's Mammals of the World. Johns Hopkins University Press, Baltimore 1999. ISBN 0801857899.