Oldřich Nejedlý

Oldřich Nejedlý (twieled fis-26 ta' Diċembru 1909 – miet fil-11 ta' Ġunju 1990) kien plejer tal-futbol Ċek li qatta' l-maġġoranza tal-karriera tiegħu jilgħab ma' Sparta Prague bħala attakkant. Ikkunsidrat bħala fost l-aqwa plejers taċ-Ċekoslovakkja ta' kull żmien,[1] hu kien l-aqwa skorer fit-Tazza tad-Dinja tal-1934.

Oldřich Nejedlý

Nejedlý fl-1934
Informazzjoni personali
Twelid26 ta' Diċembru 1909(1909-12-26)
ŽebrákImperu Awstro-Ungeriż
Mewt11 ta' Ġunju 1990 (80 sena)
Rakovník
Tul1.74 m
RwolAttakkant
Mixtliet
1920–1924Spartak Zebrak
Karriera professjonali
SninKlabb
1924–1925Czechoslovan Kosire
1925–1926Spartak Zebrak
1926–1931SK Rakovník
1931–1941Sparta Prague
1941–1950SK Rakovník
1950–1956Spartak Zebrak
Tim nazzjonali
1931–1939Ċekoslovakkja

Karriera immodifika

Nejedlý lagħab ma' Sparta Prague matul il-karriera tiegħu, u skorja 162 gowl f'187 logħba tal-kampjonat. Hu rebaħ erba' titli tal-ogħla diviżjoni Ċeka u t-Tazza Mitropa fl-1935.

Mat-tim nazzjonali Ċek, Nejedlý ħa sehem fis-snin tletin fit-Tazza tad-Dinja tal-1934 u tal-1938. Fl-1934, kien l-aqwa skorer b'ħames gowls u ngħatatlu ż-Żarbuna tad-Deheb,[a] filwaqt li fl-edizzjoni tal-1938 skorja żewġ gowls. Is-seba' gowls f'sitt logħbiet jagħmluh l-aqwa skorer f'isem iċ-Ċekoslovakkja fl-istorja tat-Tazza tad-Dinja.[2] F'din l-aħħar edizzjoni hu kiser saqajh li wasslitu biex itemm il-karriera internazzjonali tiegħu.

Nejedlý miet ta' tmenin sena, fl-1990.

Noti immodifika

  1. ^ Għall-bidu l-FIFA irrikonoxxiet erba' gowls biss ta' Nejedlý, li xorta waħda kienu jagħmluh l-aqwa skorer però kien jinqasam ma' Angelo Schiavio tal-Italja u Edmund Conen tal-Ġermanja. Madanakollu, f'Novembru tal-2006, il-gowls taċ-Ċekoslovakk ġew mibdula għal ħamsa, biex għamluh l-aqwa skorer waħdieni.

Referenzi immodifika

  1. ^ "Planicka, il portiere dell'impossibile" (bit-Taljan). La Stampa. 1935-10-26.
  2. ^ "American Bert Patenaude credited with first hat trick in FIFA World Cup™ history" (bl-Ingliż). FIFA. Arkivjat minn l-oriġinal fl-2006-11-16. Miġbur 2022-09-09.

Ħoloq esterni immodifika