Knejjes ta' Chiloé
Il-Knejjes ta' Chiloé fl-Arċipelagu ta' Chiloé fiċ-Ċilì huma fenomenu arkitettoniku uniku fl-Amerki u wieħed mill-iżjed stili prominenti tal-arkitettura Chilota. Għad-differenza tal-arkitettura kolonjali Spanjola klassika, il-knejjes ta' Chiloé huma magħmula kompletament bl-injam nattiv bl-użu estensiv ta' zokklaturi tal-injam. Il-knejjes inbnew b'materjali li jirreżistu l-klima oċeanika umduża u bix-xita tal-Arċipelagu ta' Chiloé.
Inbnew fis-sekli 18 u 19 meta l-Arċipelagu ta' Chiloé kien għadu parti mill-pussessi tal-Kuruna Spanjola, u jirrappreżentaw il-fużjoni tal-kultura tal-Ġiżwiti Spanjoli u tat-tradizzjonijiet u tal-ħiliet tal-popolazzjoni nattiva; eżempju eċċellenti tal-kultura mestizo.
Il-Knejjes ta' Chiloé tniżżlu fil-lista tas-Siti ta' Wirt Dinji tal-UNESCO fis-sena 2000.[1] L-Università taċ-Ċilì, il-Fundación Cultural Iglesias de Chiloé u istituzzjonijiet oħra għamlu sforzi biex jippreservaw dawn l-istrutturi storiċi u biex jirreklamawhom għall-kwalitajiet uniċi tagħhom.[2]
Sit ta' Wirt Dinji
immodifikaIl-Knejjes ta' Chiloé ġew iddeżinjati bħala Sit ta' Wirt Dinji tal-UNESCO fis-sena 2000.[1]
Il-valur universali straordinarju tagħhom ġie rrikonoxxut abbażi ta' żewġ kriterji tal-għażla tal-UNESCO: il-kriterju (ii) "Wirja ta' skambju importanti ta' valuri umani, tul perjodu ta' żmien jew fi ħdan żona kulturali fid-dinja, dwar l-iżviluppi fl-arkitettura jew it-teknoloġija, l-arti monumentali, l-ippjanar tal-bliet jew id-disinn tal-pajsaġġ"; u l-kriterju (iii) "Xhieda unika jew minn tal-inqas eċċezzjonali ta' tradizzjoni kulturali jew ta' ċivilizzazzjoni li għadha ħajja jew li għebet".[1]
Komponenti
immodifikaIs-sittax-il knisja li huma komponenti tas-Sit ta' Wirt Dinji tal-UNESCO huma kkonċentrati fiż-żona tal-Lvant ċentrali tal-arċipelagu.
| Kodiċi | Isem | Komun | Ritratt |
|---|---|---|---|
| 971-001 | Knisja ta' Achao | Quinchao | .JPG)
|
| 971-002 | Knisja ta' Quinchao | Quinchao | .jpg)
|
| 971-003 | Knisja ta' San Franġisk | Castro | 
|
| 971-004 | Knisja ta' Rilán | Castro | 
|
| 971-005 | Knisja ta' Nercón | Castro | 
|
| 971-006 | Knisja ta' Aldachildo | Puqueldón | 
|
| 971-007 | Knisja ta' Ichuac | Puqueldón | 
|
| 971-008 | Knisja ta' Detif | Puqueldón | 
|
| 971-009 | Knisja ta' Vilupulli | Chonchi | 
|
| 971-010 | Knisja ta' Chonchi | Chonchi | 
|
| 971-011 | Knisja ta' Tenaún | Dalcahue | 
|
| 971-012 | Knisja ta' Colo | Quemchi | 
|
| 971-013 | Knisja ta' San Ġwann il-Battista | Dalcahue | 
|
| 971-014 | Knisja tad-Duluri | Dalcahue | 
|
| 971-015 | Knisja ta' Chelín | Castro | |
| 971-016 | Knisja ta' Caguach | Quinchao | 
|
Referenzi
immodifika- ^ a b ċ Centre, UNESCO World Heritage. "Churches of Chiloé". UNESCO World Heritage Centre (bl-Ingliż). Miġbur 2023-10-22.
- ^ Berg Costa, Lorenzo (2005), Restauración Iglesias de Chiloé Conservando lo Infinito, Editorial Universitaria, p. 3, ISBN 956-11-1778-9.