Juice Wilson
Robert Edward "Juice" Wilson (21 ta' Jannar, 1904 – 7 ta' Lulju, 1972) kien vjolinista tal-jazz Amerikan.
| Juice Wilson | |
|---|---|
| Ħajja | |
| Twelid | 21 Jannar 1904 |
| Nazzjonalità | Stati Uniti tal-Amerka |
| Mewt | 7 Lulju 1972 |
| Okkupazzjoni | |
| Okkupazzjoni | mużiċist tal-jazz |
| Strument/i tal-mużika | vjolin |
Bijografija
immodifikaWilson safa orfni ta' tliet snin u trabba minn zijuh f'Chicago. Beda jdoqq it-tnabar fiċ-Chicago Militia Boys Band, imbagħad qaleb għall-vjolin meta kellu tmien snin. Ta' tnax-il sena kien diġà qed idoqq ma' Jimmy Wade, u ta' 14-il sena ma' Freddie Keppard.[1]
Huwa ħadem fuq vapuri fuq il-Great Lakes u għamel residenzi estiżi ma' Jimmy Harrison f'Ohio. Kmieni fl-1920ijiet ħadem f’Erie, Pennsylvania ma’ Hersal Brassfield, imbagħad mar jgħix Buffalo, New York biex idoqq ma’ Eugene Primus kif ukoll mal-Buffalo Junior Symphony Orchestra.[1]
Fl-1928, Wilson mar joqgħod Belt ta' New York fejn daqq ma' Lloyd Scott fis-Savoy Ballroom. Lejn tmiem dak id-deċennju huwa kien beda jidher fl-Ewropa ma' Noble Sissle, u ddeċieda li jibqa' hemm. L-ewwel ħadem fl-Olanda ma' Ed Swayzee, Leon Abbey, l-Utica Jubilee Singers, ir-Revue ta' Louis Douglass, Little Mike McKendrick's International Band, u Tom Chase.[1] Huwa vjaġġa lejn Spanja u l-Afrika ta' Fuq qabel ma stabbilixxa ruħu f'Malta, fejn sar stilla lokali bejn l-1937 u l-1952.[2] Huwa ħadem f'Malta bħala multi-strumentalist, fejn Sammy Murgo baqa' jsemmih għal bosta snin wara bħal wieħed mill-mużiċisti l-aktar influenti fuq ix-xena lokali sas-snin ħamsin.[2]
Wilson għamel diversi tours madwar il-Mediterran qabel ma mar lura l-Istati Uniti fis-snin sittin.
Huwa miet fis-7 ta' Lulju 1972.[2]
Referenzi
immodifika- ^ a b ċ "Juice Wilson Songs, Albums, Reviews, Bio & More". AllMusic (bl-Ingliż). Miġbur 2024-02-09.
- ^ a b ċ Barnett, Anthony (2021-01-21). Fallen from the Moon: Robert Edward Juice Wilson: His Life on Earth: A Dossier (bl-Ingliż). Allardyce, Barnett, Publishers. ISBN 978-0907954682.Manutenzjoni CS1: data u sena (link)