Daniele Bonera
Daniele Bonera (twieled fil-31 Mejju 1981) huwa eks-plejer tal-futbol Taljan li kien jilgħab bħala difensur. Attwalment jinsab fir-rwol ta' assistent ma' Milan.
 | |||
| Informazzjoni personali | |||
|---|---|---|---|
| Twelid | 31 ta' Mejju 1981 Brescia, Italja | ||
| Tul | 1.83 m | ||
| Rwol | Difensur | ||
| Mixtliet | |||
| 1995-1999 | Brescia | ||
| Karriera professjonali | |||
| Snin | Klabb | ||
| 1999–2002 | Brescia | ||
| 2002–2006 | Parma | ||
| 2006–2015 | Milan | ||
| 2015–2019 | Villarreal | ||
| Tim nazzjonali | |||
| 2001–2004 | Italy U-21 | ||
| 2001-2008 | Italja | ||
Karriera
immodifikaBonera beda l-karriera tiegħu fl-1995 fl-akkademja ta' Brescia. Iddebutta mal-ewwel tim fl-istaġun 1999–2000 u magħhom lagħab total ta' 72 logħba fi tliet staġuni.
F'Lulju tal-2002 iffirma kuntratt ma' Parma u lagħab 32 logħoba u skorja gowl wieħed matul l-ewwel staġun tiegħu fl-2002–03. B'kollox lagħab 98 logħba, hekk kif fit-28 ta' Lulju 2006 ingħaqad ma' Milan.
Id-debutt ta' Bonera fil-UEFA Champions League kien kontra Anderlecht, fis-17 ta' Ottubru 2006, fejn kien imkeċċi wara li kien muri darbtejn il-karta s-safra. Wara li sabha diffiċli jilgħab bħala difensuri lemini huwa beda jilgħab f'nofs id-difiża, anke minħabba li Milan kellhom ħafna difensuri ċentrali imweġġgħin, speċjalment wara l-akkwist ta' Massimo Oddo minn ma' Lazio. Bonera kellu prestazzjonijiet konvinċenti bħala difensur ċentrali u għalhekk kien wieħed mill-aħjar plejers għall-Milan. F'Settembru tal-2009 ġedded il-kuntratt tiegħu ma' Milan sa April tal-2013.
Wara li kien imweġġa għal għaxar xhur, Bonera irritorna kontra Novara fl-logħba mill-Coppa Italia fit-13 ta' Jannar 2010. Minħabba li Milan kellhom lil Alessandro Nesta u lil Thiago Silva jilgħabu bħala difensuri ċentrali, Bonera reġa' beda jilgħab bħala difensur fuq in-naħa tal-lemin. Bonera din id-darba kellu prestazzjonijiet tajbin anke fuq il-faxxa laterali.
Internazzjonali
immodifikaBonera lagħab sittax-il logħba mat-tim nazzjonali Taljan. Id-debutt tiegħu kien fil-5 ta' Settembru 2001 meta kellu għoxrin sena f'logħba kontra l-Marokk.
Fl-2006 kien magħżul minn Marcello Lippi fil-lista proviżorja ta' qabel it-Tazza tad-Dina 2006 bħala wieħed mill-erba' riservi. Eventwalment kien eskluż mil-lista tal-aħħar 23 plejer.
Wara li kien ingħaqad ma' Milan, mis-sena 2006, huwa dejjem kien parti mill-grupp tat-tim nazzjonali taħt it-tmexxija ta' Donadoni u Lippi, imma mhux dejjem kien jiġi magħżul għal-logħob minħabba problemi fiżiċi.
Ħoloq esterni
immodifika- Daniele Bonera – rekord kompetittiv tal-FIFA (arkivjat)
- Daniele Bonera fuq National-Football-Teams.com
