Beemster
Beemster (pronunzja bl-Olandiż: [ˈbeːmstər]) hija muniċipalità fin-Netherlands, fil-provinċja tat-Tramuntana tal-Olanda. Beemster hija l-ewwel hekk imsejjaħ polder (art irkuprata) fin-Netherlands li ġie rkuprat minn lag. L-ilma ġie estratt mil-lag permezz ta' mtieħen tar-riħ. Il-Polder ta' Beemster tnixxef matul il-perjodu mill-1609 sal-1612. Ippreserva għalkollox il-pajsaġġ ordnat sew tiegħu magħmul minn għelieqi, toroq, kanali, digi u insedjamenti, organizzati f'konformità mal-prinċipji klassiċi u Rinaxximentali tal-ippjanar. Grilja ta' kanali ġiet ippjanata b'mod parallel ma' grilja ta' toroq. Il-grilji huma kontrobbilanċjati: il-kanali l-kbar tal-ilma jinsab madwar kilometru 'l barra mit-toroq il-kbar.
| Beemster | |||
|---|---|---|---|
 Netherlands | |||
 | |||
| |||
| Amministrazzjoni | |||
| Stat sovran | Renju tan-Netherlands | ||
| Country of the Kingdom of the Netherlands | Netherlands | ||
| Province of the Netherlands | North Holland (en)  | ||
| Municipality of the Netherlands | Purmerend (en) | ||
| Kap tal-Gvern |
Joyce van Beek (en) | ||
| Ismijiet oriġinali | Beemster | ||
| Kodiċi postali |
1460–1464 | ||
| Ġeografija | |||
| Koordinati | 52°33′00″N 4°55′41″E / 52.55°N 4.928°EKoordinati: 52°33′00″N 4°55′41″E / 52.55°N 4.928°E | ||
  Beemster Beemster (Netherlands) | |||
 u .png) | |||
| Superfiċjenti | 72.07 kilometru kwadru | ||
| Għoli | −4 m | ||
| Fruntieri ma' |
Koggenland (en) , Zeevang (en) , Purmerend (en) , Graft-De Rijp (en) , Schermer (en) , Wormerland (en) , Alkmaaru Edam-Volendam (en) | ||
| Demografija | |||
| Popolazzjoni | 9,386 abitanti (1 Jannar 2017) | ||
| Unitajiet domestiċi | 3,653 | ||
| Informazzjoni oħra | |||
| Żona tal-Ħin | UTC+1 | ||
| beemster.net | |||
Distretti
immodifikaIl-muniċipalità ta' Beemster tikkonsisti mill-erba' distretti li ġejjin:[1]
- Middenbeemster
- Noordbeemster
- Westbeemster
- Zuidoostbeemster
Topografija
immodifika
Storja
immodifika.jpg)
Għall-ħabta tat-800 W.K., iż-żona tal-muniċipalità moderna ta' Beemster kienet miksija bil-pit f'torbiera mistagħdra. L-isem "Beemster" oriġina minn "Bamestra", l-isem ta' xmara żgħira fl-inħawi. Fil-perjodu bejn l-1150 u l-1250, it-tħaffir għall-pit mill-bniedem, u l-maltempati bl-għargħar, kabbru x-xmara żgħira f'"baħar intern", jiġifieri lag b'kollegament miftuħ maz-Zuiderzee. Għall-ħabta tal-1605, l-investituri privati bdew id-drenaġġ tal-lag ta' Beemster. Fl-1610, id-drenaġġ kien kważi tlesta għalkollox, iżda l-lag reġa' mtela' bl-ilma minħabba li nkisret waħda mid-digi taz-Zuiderzee. Ġie deċiż li d-diga b'għamla ttundjata tiġi mkabbra sa metru għoli 'l fuq mill-bqija tal-pajsaġġ. Fl-1612, il-polder tnixxef u l-art ġiet diviża fost l-investituri. Fil-jiem bikrin tal-polder, il-bdiewa okkupaw l-artijiet biex ikabbru l-għelejjel meħtieġa għall-vjaġġi twal bil-baħar imwettqa mill-VOC lejn l-Indji tal-Lvant. Inzerta li r-raba' tant kienet għammiela li l-proġett dak iż-żmien tqies bħala suċċess ekonomiku, f'kuntrast ma' pereżempju l-Heerhugowaard. Fl-1999, il-Polder ta' Beemster kollu żdied fil-lista tas-Siti ta' Wirt Dinji tal-UNESCO.[2]
Fil-Polder ta' Beemster hemm il-kooperattiva ta' CONO Kaasmakers, il-produtturi tad-ditta tal-ġobon "Beemster". Din il-kooperattiva ġiet iffurmata fl-1901 sabiex jiġi prodott il-ġobon mill-ħalib tal-baqar li kienu jirgħu fil-Polder ta' Beemster. Illum il-ġurnata l-ġobon Beemster jinbiegħ fl-Ewropa kollha, kif ukoll fl-Istati Uniti, fil-Kanada, fil-Ġappun u fiċ-Ċina.[3]
Sit ta' Wirt Dinji
immodifikaIl-Polder ta' Beemster (bl-Olandiż: Droogmakerij de Beemster) ġie ddeżinjat bħala Sit ta' Wirt Dinji tal-UNESCO fl-1999 minħabba r-rilevanza storika tiegħu u minħabba li l-ippjanar oriġinali tas-sit għadha kważi intatta għalkollox.[2]
Il-valur universali straordinarju tas-sit ġie rrikonoxxut abbażi ta' tliet kriterji tal-għażla tal-UNESCO: il-kriterju (i) "Rappreżentazzjoni ta' kapulavur frott il-kreattività tal-bniedem"; il-kriterju (ii) "Wirja ta' skambju importanti ta' valuri umani, tul perjodu ta' żmien jew fi ħdan żona kulturali fid-dinja, dwar l-iżviluppi fl-arkitettura jew it-teknoloġija, l-arti monumentali, l-ippjanar tal-bliet jew id-disinn tal-pajsaġġ"; u l-kriterju (iv) "Eżempju straordinarju ta' tip ta' bini, ta' grupp ta' siti jew ta' pajsaġġ arkitettoniku jew teknoloġiku li joħroġ fid-dieher stadju/i sinifikanti fl-istorja tal-bniedem".[2]
Minbarra l-Polder ta' Beemster hemm ukoll ħames fortizzi li huma parti minn Sit ta' Wirt Dinji tal-UNESCO ieħor magħruf bħala l-Linji tal-Ilma Difensivi Olandiżi.[4]
Gvern lokali
immodifikaIl-kunsill muniċipali ta' Beemster għandu 13-il siġġu, li ġew maqsumin kif ġej mill-1982:
| Siġġijiet tal-kunsill muniċipali ta' Beemster | |||||||||||||||
|---|---|---|---|---|---|---|---|---|---|---|---|---|---|---|---|
| Partiti | 1982 | 1986 | 1990 | 1994 | 1998 | 2002 | 2006 | 2010 | 2014 | 2018 | |||||
| Beemster Polder Partij | 2 | 2 | 2 | 2 | 3 | 4 | 5 | 4 | 4 | 6 | |||||
| VVD | 4 | 3 | 3 | 3 | 3 | 3 | 3 | 2 | 2 | 3 | |||||
| PvdA | 3 | 4 | 4 | 3 | 4 | 4 | 3 | 2 | - | - | |||||
| PvdA/GroenLinks | - | - | - | - | - | - | - | - | 2 | 2 | |||||
| D66 | - | - | - | 1 | - | - | - | 3 | 3 | 1 | |||||
| CDA | 4 | 4 | 4 | 4 | 3 | 2 | 2 | 2 | 2 | 1 | |||||
| Total | 13 | 13 | 13 | 13 | 13 | 13 | 13 | 13 | 13 | 13 | |||||
Mill-1 ta' April 2020, is-sindku hija Karen Heerschop.
Nies notevoli
immodifika- Carel Fabritius (1622-1654): pittur Olandiż
- Barent Fabritius (1624-1673): pittur Olandiż
- Johannes Fabritius (1636–1693): pittur Olandiż tal-Epoka tad-Deheb
- Reverendu Nanne Zwiep (1894–1942): mexxej spiritwali tal-Knisja Riformata Olandiża
- Harry Droog (twieled fl-1944): qaddief Olandiż irtirat li kkompeta fil-Logħob Olimpiku tas-Sajf tal-1968
- Erik Postma (1953-2002): politiku Olandiż u eks sindku ta' Beemster mill-1998
Referenzi
immodifika- ^ "Home | Gemeente Beemster". www.beemster.net. Arkivjat minn l-oriġinal fl-2021-10-16. Miġbur 2021-10-15.
- ^ a b ċ Centre, UNESCO World Heritage. "Droogmakerij de Beemster (Beemster Polder)". UNESCO World Heritage Centre (bl-Ingliż). Miġbur 2021-10-15.
- ^ webdesign, Dreamlab, ontwerp +. "Beemstercheese – You can taste Beemster" (bl-Ingliż). Miġbur 2021-10-15.
- ^ Centre, UNESCO World Heritage. "Dutch Water Defence Lines". UNESCO World Heritage Centre (bl-Ingliż). Miġbur 2021-10-15.