Torri ta' Lippija
It-Torri ta' Lippija, magħruf ukoll bħala t-Torri tal-Ġnejna,[1] huwa torri tal-għassa żgħir fil-Bajja tal-Ġnejna fil-limiti tal-Imġarr, Malta. Inbena fl-1637 bħala l-ewwel mit-torrijiet ta' Lascaris. Illum, it-torri jinsab f’kundizzjoni tajba.
| Data meta nħoloq | 1637  |
|---|---|
| Pajjiż | Malta |
| Entità amministrattiva territorjali fejn tinstab | Mġarr |
| Koordinati | 35°55′23″N 14°20′55″E |
| Propjetarju | Gvern ta' Malta |
| Ikkummissjonat minn | Ordni tal-Kavallieri Ospitalieri ta' San Ġwann |
| Materjal użat | ġebla tal-ġir |
| Indirizz stradali | Triq ta' Żammitellu |
Storja
immodifika
It-Torri tal-Lippija nbena fl-1637 fit-tarf tal-irdum tal-Wardija li jagħti fuq il-Bajja tal-Ġnejna fuq il-kosta tal-majjistral ta’ Malta. It-torri għandu it-torrijiet ta' Għajn Tuffieħa u n-Nadur fil-vista tiegħu. Il-kostruzzjoni tat-torri kienet iffinanzjata personalment mill-Gran Mastru Giovanni Paolo Lascaris.
It-torri nbena fuq is-sit ta' post tal-għassa medjevali.[2] Kien iddisinjat mill-perit Taljan Vincenzo Maculani. Huwa kważi identiku għat-Torri ta’ Għajn Tuffieħa, li għandu pjanta kwadra u żewġ sulari fuq saqaf ċatt b’zuntier. Kull sular għandu kamra waħda, u l-aċċess għall-sular ta' fuq kien oriġinarjament permezz ta' sellum tal-injam.
Oriġinarjament it-torri kien magħruf bħala Torre del Migiarro u kellu kappella ddedikata lil Santa Agata.[3]
Illum
immodifikaSal-bidu tas-snin 2000, it-Torri ta’ Lippija kien abbandunat u kien fil-periklu li jiġġarraf. Ġie restawrat mill-Ministeru tar-Riżorsi u l-Infrastruttura fl-2003, u issa jinsab f’kundizzjoni tajba.[4]
Referenzi
immodifika- ^ Agius, Raymond (May 2012). "Walk around the coast of Malta - 'from tower to tower'". agius.com. Arkivjat minn l-oriġinal fl-8 September 2015. Miġbur 17 May 2015.
- ^ Zammit, Vincent (1984). "Fortifications in the Middle Ages". Civilization (bl-Ingliż). Ħamrun, Malta: PEG Ltd. 1: 33.
- ^ Malta illustrata ovvero Descrizione di Malta. p. 343.
- ^ Cini, George (21 July 2003). "Lippija tower restoration taken in hand". Times of Malta. Miġbur 20 April 2014.