Rafael Pereira da Silva (twieled fl-1990)
Rafael Pereira da Silva, magħruf aħjar bħala Rafael jew Rafael da Silva (twieled fid-9 ta' Lulju 1990) huwa plejer tal-futbol li attwalment jilgħab mat-tim ta' Botafogo. Normalment jilgħab bħala difensur lemini, imma kapaċi jilgħab ukoll fuq il-faxxa leminija ta' nofs il-grawnd. Ħuh tewmi Fábio jilgħab ukoll ma' Manchester United.
.jpg) | |||
| Informazzjoni personali | |||
|---|---|---|---|
| Isem sħiħ | Rafael Pereira da Silva | ||
| Twelid | 9 ta' Lulju 1990 Petrópolis, Rio de Janeiro, Brażil | ||
| Tul | 1.72 m | ||
| Rwol | Difensur lemini | ||
| Informazzjoni fuq il-klabb | |||
| Klabb attwali | Botafogo | ||
| Numru | 7 | ||
| Mixtliet | |||
| 2005–2008 | Fluminense | ||
| Karriera professjonali | |||
| Snin | Klabb | ||
| 2008–2015 | Manchester United | ||
| 2015–2020 | Lyon | ||
| 2020–2021 | İstanbul Başakşehir | ||
| 2021– | Botafogo | ||
| Tim nazzjonali | |||
| 2012 | Brażil U-23 | ||
| 2012 | Brażil) | ||
Karriera
immodifikaIl-karriera professjonali ta' Rafael bdiet ġewwa l-Brażil mat-tim ta' Fluminense, fejn kien jilgħab magħhom taħt livell ġovanili. Rafael u ħuh Fábio ġew skoperti minn Les Kershaw li kien qed jaħdem f'isem il-klabb Ingliż ta' Manchester United.
F'Jannar tal-2008 it-tewmin ittrasferixxew lejn Manchester, imma ma setgħux jilgħabu partiti sakemm ma jkollhomx tmintax-il sena f'Lulju tal-2008. Rafael għamel l-ewwel apparenza mal-klabb f'partita ta' ħbiberija kontra Peterborough United nhar l-4 ta' Awwissu. Għall-istaġun 2008–09, hu ngħata l-flokk numru 21 li kien milbus minn Dong Fangzhuo. Id-debutt uffiċjali bil-flokk aħmar wasal fil-ġurnata tal-ftuħ tal-kampjonat Ingliż 2008–09, fejn daħal bħala sostitut għal Fraizer Campbell kontra Newcastle United.
L-ewwel partita mal-ewwel ħdax kienet kontra Middlesbrough fit-Tielet Rawnd tal-League Cup. Il-prestazzjonijiet tiegħu wassluh li jkun preferut mill-esperjenzati Gary Neville u Wes Brown. L-ewwel gowl tiegħu wasal fid-90 minuta fit-telfa li United sofrew kontra Arsenal bl-iskor ta' 2–1 nhar it-8 ta' Novembru 2008.
Grazzi għall-prestazzjonijiet eklatanti matul dan l-ewwel staġun, Rafael ingħata estensjoni tal-kuntratt ma' Manchester United għal sentejn oħra, li se jorbtu mal-klabb sal-2013.[1]
Internazzjonali
immodifikaNhar is-26 ta' Lulju 2010, Rafael ġie msejjaħ għall-ewwel darba mat-tim nazzjonali Brażiljan bħala l-ewwel skadwra magħżula mill-kowċ il-ġdid Mano Menezes għal-logħba ta' ħbiberija kontra l-Istati Uniti tal-10 ta' Awwissu.[2] Madanakollu, id-debutt tiegħu kellu jistenna sentejn wara hekk kif iddebutta fis-26 ta' Mejju 2012, bħala sostitut kontra d-Danimarka.
Hu kien fost l-iskwadra Brażiljana li ħadet sehem fl-Olimpadji 2012 li saru ġewwa Londra, fejn magħhom rebaħ il-midalja tal-fidda.
Referenzi
immodifika- ^ "Rafael extends Man Utd contract" (bl-Ingliż). BBC Sport. 2009-04-27. Miġbur 2009-04-27.
- ^ "Brazil call up Rafael and Lucas for US friendly" (bl-Ingliż). BBC Sport. 2010-07-26. Miġbur 2010-07-26.
Ħoloq esterni
immodifika- Rafael Pereira da Silva fuq Soccerbase
- Rafael Pereira da Silva fuq National-Football-Teams.com
