Wikipedija

Fraizer Campbell

Fraizer Campbell (twieled fit-3 ta' Settembru 1987) huwa plejer tal-futbol Ingliż li jilgħab bħala attakkant ma' Huddersfield Town

Fraizer Campbell
Informazzjoni personali
Isem sħiħFraizer Lee Campbell
Twelid13 ta' Settembru 1987 (1987-09-13) (37 sena)
Huddersfield, Ingilterra
Tul1.72 m
RwolAttakkant
Informazzjoni fuq il-klabb
Klabb attwaliHuddersfield Town
Numru22
Mixtliet
0000–2006Manchester United
Karriera professjonali
SninKlabb
2006–2009Manchester United
2006–2007→ Royal Antwerp (self)
2007–2008→ Hull City (self)
2007–2008→ Tottenham Hotspur (self)
2009–2013Sunderland
2013–2014Cardiff City
2014–2017Crystal Palace
2017–2019Hull City
2019–Huddersfield Town
Tim nazzjonali
2008–2009Ingilterra U21
2012Ingilterra

Karriera

immodifika

Bidu tal-karriera

immodifika

Campbell iffirma kuntratt mal-Akkademja ta' Manchester United fl-1 ta' Lulju 2004, u għamel impatt immedjat, fejn skorja 14-il gowl minn 22 logħba għat-tim ta' taħt it-tmintax-il sena. Il-prestazzjoni tajba mat-timijiet taż-żgħar wasslitu biex jilgħab ħames logħbiet mat-tim tar-Riservi fejn skorja darba. L-istaġun ta' wara kabbar l-impatt tiegħu mat-tim tar-Riservi. Campbell qasam it-tieni post tal-aqwa skorer tat-tim tar-Risveri b'disa' gowls (wara Giuseppe Rossi, li skorja 26 gowl f'25 logħba), fejn għen lit-tim fi triqithom għat-tripletta tar-Riservi, bil-Premier Reserve League, North/South Play-off Shield u l-Manchester Senior Cup.

F'Novembru tal-2005, Campbell ingħata n-numru 51 ta' Manchester United u issejaħ għall-ewwel darba mat-tim fit-tielet rawnd tal-FA Cup kontra Burton Albion f'Jannar tal-2006. Campbell iffirma l-ewwel kuntratt professjonali mal-klabb fit-22 ta' Marzu 2006, u fid-9 ta' Mejju daħal bħala sostitut fil-logħba ta' testimonjanza għal Roy Keane f'Old Trafford, fejn ħa post Kieran Richardson fil-75 minuta. Lejn l-aħħar tas-sajf hu skorja l-ewwel gowl tiegħu mal-ewwel tim wara li daħal bħala sostitut fil-post ta' Wayne Rooney kontra Macclesfield Town.

Royal Antwerp

immodifika

Hu ngħaqad mat-tim Belġjan affiljat ma' Manchester United, Royal Antwerp, matul l-istaġun 2006–07, fejn kompla jiskorja gowls u wassal sabiex il-partitarji bdew isejħulu "Super Campbell". Il-21 gowl tiegħu f'31 logħba mal-ewwel ħdax taw lil Antwer post fil-play-offs tat-Tieni Diviżjoni Belġjana.

Mar-ritorn tiegħu mal-klabb ta' Manchester hu daħal bħala sostitut minflok Michael Carrick fit-73 minuta, partita li Manchester United tilfu 1–0 kontra Manchester City.[1]

Hull City

immodifika

Fil-bidu tal-istaġun 2007–08, hu ġie msellef lil Hull City sa nofs Jannar 2008[2], u fid-debutt tiegħu skorja darbtejn fir-rebħa ta' 3–0 fuq Barnsley. Wara prestazzjoni sodisfaċenti kontra Wolverhampton Wanderers, fejn skorja gowl u assista ieħor, Hull stqarrew ix-xewqa li jestendu ż-żmien ta' self ta' Campbell sa tmiem l-istaġun. L-estenzjoni tas-self kienet kompluta fit-28 ta' Diċembru 2007. Hu spiċċa l-istaġjun bħala l-aqwa skorer ta' Hull City, biex għenhom jakkwistaw l-ewwel promozzjoni tagħhom għall-ogħla diviżjoni Ingliża, wara stennija ta' 104 snin. Minħabba l-forma tajba li wera matul il-perjodu ta' self, Hull xtaqu li jieħdu lil Campbell b'mod permanenti jew għal staġun ieħor ta' self. Madanakollu, Campbell espressa għal ħafna drabi x-xewqa li jirritorna lura lejn Old Trafford u jipprova jagħmilha mal-ewwel tim. Fl-1 ta' Settembru 2008, Hull City għamlu offerta rekord (għall-klabb) ta' £7 miljun għas-servizzi tal-plejer.[3]

Manchester United

immodifika

Lura Manchester, Campbell daħal bħala sostitut fl-ewwel logħba tal-istaġun fir-rebħa bil-penalties kontra Portsmouth fil-finali tal-Community Shield sabiex kiseb l-ewwel midalja ta' rebbieħ. Hu ddebutta għall-ewwel darba mal-ewwel ħdax fil-partita tal-ftuħ tal-kampjonat il-ġdid kontra Newcastle United, fejn ifforma koppja tal-attakk ma' Wayne Rooney.

Tottenham Hotspur

immodifika

Fit-2 ta' Settembru 2008, fl-aħħar ġurnata tas-suq tat-trasferimenti, Campbell iffirma ma' Tottenham Hotpur b'self għal staġun, bħala parti mit-trasferiment li ra lil Dimitar Berbatov jissieħeb ma' Manchester United għas-somma ta' madwar £30.75 miljun.[4] Hu ddebutta ma' Tottenham fit-18 ta' Settembru 2008, fejn daħal ħa post Aaron Lennon fil-logħba mil-ewwel leg valida għall-ewwel rawnd tat-Tazza UEFA kontra Wisła Kraków. F'temp ta' ħmistax-il minuta li kien daħal, Campbell ipprovda lil Darren Bent bil-passaġġ għall-gowl rebbieħ. L-ewwel gowl fil-kampjonat lokali għal Fraizer Campbell wasal fit-telfa kontra Fulham bl-iskor ta' 2–1, bil-gowl tiegħu ta' konsolazzjoni jasal fl-aħħar minuti tal-logħba.

Sunderland

immodifika

Minkejja li f'Ġunju tal-2009 Hull City irritornaw b'offerta ta' £6 miljun għal Campbell, offerta aċċettata minn Manchester United,[5] fil-11 ta' Lulju 2009, Campbell iffirma kuntratt ta' erba' snin ma' Sunderland wara li Manchester United aċċettaw offerta' ta' £3.5 miljun (offerta li potenzjalment setgħet titla' għal £6 miljun).[6] Fid-9 ta' Marzu 2010, Campbell skorja l-ewwel gowl tiegħu fil-Premier League għall-Black Cats, fejn skroja kontra Bolton wara biss 41 sekonda fir-rebħa ta' 4–0.

Wara bidu entużjażmanti fil-logħbiet ta' qabel il-kampjonat 2010–11, nhar id-29 ta' Awwissu 2010 fil-partita kontra Manchester City hu weġġa' l-ligament tal-kruċjata anterjuri, li ħallietu barra mil-logħob għal sitt xhur.[7] F'Marzu tal-2011 irritorna jitħarreġ, madanakollu reġa' sofra uġigħ fl-istess irkoppa fit-3 ta' April 2011.[8] L-operazzjoni li segwiet tgħarrfet li Campbell kien se jkun barra mil-logħob għal tnax-il xahar.

Ir-ritorn finali tiegħu wasal fid-29 ta' Jannar 2012 fejn daħal bħala sostitut għal Connor Wickham fil-partita mir-raba' rawnd tal-FA Cup kontra Middlesbrough fejn issiġillaha bil-gowl tad-dro għal skor ta' 1–1. Fil-Premier League hu rritorna għal-logħba tal-1 ta' Frar 2012 kontra Norwich City, fejn skorja u assista gowl ieħor fir-rebħa ta' 3–0 ġewwa darhom.

Cardiff City

immodifika
 
Fraizer Campbell għal Cardiff City kontra Bristol Rovers

Nhar il-21 ta' Jannar 2013, Campbell iffirma kuntratt ta' tliet snin u nofs ma' Cardiff City għas-somma ta' madwar £650,000.[9] Id-debutt tiegħu wasal fit-2 ta' Frar 2013 kontra Leeds United fejn wara biss żewġ minuti mid-dħul fil-partita hu skorja l-uniku gowl tal-logħba.

Internazzjonali

immodifika

Campbell lagħab mad-diversi livelli għan-nazzjonal Ingliż. Fit-23 ta' Frar 2012, minkejja li kien skorja biss 6 gowls f'4 snin, Campbell irċieva sejħa biex jissieħeb mat-tim nazzjonali tal-Ingilterra għal-logħba ta' ħbiberija kontra l-Olanda. Hu ddebutta fit-80 minuta fit-telfa ta' 3–2 li sofriet l-Ingilterra.

Unuri

immodifika

Klabb

immodifika
Manchester United
Hull City

Referenzi

immodifika
  1. ^ Bevan, Chris (2007-08-19). "Man City 1-0 Man Utd" (bl-Ingliż). BBC Sport. Miġbur 2007-08-22.
  2. ^ "Campbell Joins On Loan" (bl-Ingliż). Hull City AFC. 2007-10-18. Arkivjat mill-orġinal fl-2012-03-14. Miġbur 2007-10-22.
  3. ^ "Hull confirm their £7million bid for United striker Frazier Campbell" (bl-Ingliż). Daily Mail. 2008-08-30. Miġbur 2011-01-03.
  4. ^ "Man Utd complete Berbatov switch" (bl-Ingliż). BBC Sport. 2008-09-01. Miġbur 2008-09-02.
  5. ^ "Hull's bid for Campbell accepted" (bl-Ingliż). BBC Sport. 2009-06-07. Miġbur 2009-06-08.
  6. ^ "Sunderland seal Campbell capture" (bl-Ingliż). BBC Sport. 2019-07-11. Miġbur 2009-07-11.
  7. ^ "Sunderland forward Fraizer Campbell out for six months" (bl-Ingliż). BBC Sport. 2010-08-31. Miġbur 2011-01-02.
  8. ^ "Sunderland striker Campbell to miss rest of season" (bl-Ingliż). BBC Sport. 2011-04-14. Miġbur 2011-11-07.
  9. ^ Denham, Mark (2013-01-21). "DEAL DONE: CAMPBELL SIGNS FOR CITY" (bl-Ingliż). Cardiff City FC. Miġbur 2013-01-21.

Ħoloq esterni

immodifika
Miksub minn "https://mt.wikipedia.org/w/index.php?title=Fraizer_Campbell&oldid=298649"