Peña de los Enamorados
Peña de los Enamorados (litteralment "Il-Blata tal-Maħbubin") hija muntanja qrib ir-raħal ta' Antequera, fil-Provinċja ta' Málaga, l-Andalusija, Spanja. Il-quċċata tagħha tlaħħaq it-880 metru 'l fuq mil-livell tal-baħar. Mid-Dolmen ta' Menga, l-għamla tal-muntanja jingħad li tixbah ras ta' bniedem mimdud.
_15-03-2011_18-03-21.JPG)
Isem immodifika
Il-muntanja ngħatat isimha abbażi ta' leġġenda mit-tradizzjonali orali lokali. L-iktar verżjoni magħrufa tal-leġġenda tgħid li żewġ maħbubin Għarab minn fazzjonijiet rivali, żagħżugħ minn Antequera u tfajla minn Archidona fil-qrib, neħħew ruħhom b'idejhom flimkien billi qabżu mill-quċċata tal-muntanja għal isfel wara li kienu qed jiġu ppersegwitati minn missier it-tfajla u l-irġiel tiegħu. Din il-leġġenda romantika iktar 'il quddiem ġiet adattata minn Robert Southey. F'Laila and Manuel huwa jsostni li l-maħbubin kienu tfajla Musulmana u skjav Kristjan ġuvni minn ta' missierha.[1]
Kristofru Kolombu kien jaf b'dan l-isem partikolari. Il-kittieb tal-kronaki tiegħu, Bartolome de Casas, ikkopja linja mir-reġistru ta' abbord mid-29 ta' Ottubri 1492, fejn Kolombu jiddeskrivi dak li kien ra tmint ijiem qabel f'Kuba: "Hu u jirrimarka dwar il-pożizzjoni tax-xmara u tal-port, li semma San Salvador, huwa ddeskriva l-muntanji bħala imponenti u sbieħ, bħal dik ta' Peña de las Enamoradas...".
Il-muntanja hija magħrufa wkoll lokalment bħala "Montaña del Indio" minħabba li tixbaħ ras ta' Indjan Amerikan meta wieħed iħares lejha minn ċertu angoli, fosthom mid-daħla tad-Dolmen ta' Menga.[2]
Abrigo de Matacabras immodifika
L-Abrigo (għar kenni) ta' Matacabras, li jinsab 'l isfel min-naħa tal-Majjistral ta' Peña de los Enamorados, huwa marbut mill-qrib mad-Dolmen ta' Menga, peress li l-assi ta' dan tal-aħħar huwa orjentat lejh direttament. Il-qabar huwa orjentat lejn il-Grigal, fit-Tramuntana ta' tlugħ ix-xemx tas-solstizju tas-sajf, u huwa l-uniku qabar orjentat b'dan il-mod fl-Ewropa f'dan il-kuntest kulturali.
Fl-2018, il-grupp ta' riċerka ATLAS mill-Università ta' Sivilja ppubblika studju tal-analiżi b'riżoluzzjoni għolja tal-pitturi tal-għerien bi stil skematiku ta' Abrigo de Matacabras. L-għar żgħir għandu rabtiet viżivi u simboliċi mad-Dolmen ta' Menga, u b'hekk jistabbilixxi rabtiet pajsaġġistiċi li x'aktarx huma uniċi fil-preistorja Ewropea. Ir-riżultati kkonfermaw il-kronoloġija Neolitika tal-għar “probabbilment, mill-inqas, fil-bidu tar-raba' millenju Q.K... u l-importanza tiegħu bħala post ta' riferiment għall-popolazzjoni Neolitika (u x'aktarx anke iktar antika) tar-reġjun...”.[3]
Ara wkoll immodifika
Ħoloq esterni immodifika
| Wikimedia Commons għandha fajls multimedjali li għandhom x'jaqsmu ma': Peña de los Enamorados (Peña de los Enamorados) |
Referenzi immodifika
- ^ "Peña de los Enamorados (Antequera)". web.archive.org. 2011-07-06. Arkivjat minn l-oriġinal fl-2011-07-06. Miġbur 2021-09-26.
- ^ Sol, Costa del. "The Peña de los Enamorados in Antequera: legend of an impossible love". blog.visitacostadelsol.com (bl-Ingliż). Miġbur 2021-09-26.
- ^ "Crucial new data on the origin of the Dolmens of Antequera, a World Heritage Site". ScienceDaily (bl-Ingliż). Miġbur 2021-09-26.