Pajsaġġ Arkeoloġiku tas-Sassanidi fil-Provinċja ta' Fars

Il-Pajsaġġ Arkeoloġiku tas-Sassanidi fil-Provinċja ta' Fars (bil-Persjan: چشم‌انداز باستان‌شناسی ساسانی منطقه فارس) huwa t-titlu uffiċjali mogħti mill-UNESCO lil tmien siti arkeoloġiċi ta' żmien is-Sassanidi, li jinsabu fix-Xlokk tal-provinċja ta' Fars, l-Iran. Il-Pajsaġġ Arkeoloġiku tas-Sassanidi fil-Provinċja ta' Fars tniżżel fil-lista tas-Siti ta' Wirt Dinji tal-UNESCO fit-30 ta' Ġunju 2018.

Il-Palazz ta' Ardeshir.

Sit ta' Wirt Dinji

Il-Pajsaġġ Arkeoloġiku tas-Sassanidi fil-Provinċja ta' Fars ġie ddeżinjat bħala Sit ta' Wirt Dinji tal-UNESCO fl-2018.

Il-valur universali straordinarju tas-sit ġie rrikonoxxut abbażi ta' tliet kriterji tal-għażla tal-UNESCO: il-kriterju (ii) "Wirja ta' skambju importanti ta' valuri umani, tul perjodu ta' żmien jew fi ħdan żona kulturali fid-dinja, dwar l-iżviluppi fl-arkitettura jew it-teknoloġija, l-arti monumentali, l-ippjanar tal-bliet jew id-disinn tal-pajsaġġ"; il-kriterju (iii) "Xhieda unika jew minn tal-inqas eċċezzjonali ta' tradizzjoni kulturali jew ta' ċivilizzazzjoni li għadha ħajja jew li għebet"; u l-kriterju (v) "Eżempju straordinarju ta' insedjament uman tradizzjonali, ta' użu tal-art jew ta' użu tal-baħar, li jirrappreżenta kultura (jew kulturi), jew interazzjoni umana mal-ambjent, speċjalment meta jkun sar vulnerabbli minħabba l-impatt ta' bidla irreversibbli".

Komponenti

Sit	Ritratt	Pożizzjoni
Qal'eh Dokhtar		Firuzabad 28°55′15″N 52°31′48″E
Tinqix tal-Investitura ta' Ardashir		Firuzabad 28°55′00″N 52°32′15″E
Tinqix tar-Rebħa ta' Ardashir		Firuzabad 28°54′36″N 52°32′27″E
Khurreh ta' Ardashir		Firuzabad 28°51′08″N 52°31′57″E
Palazz ta' Ardashir		Firuzabad 28°53′53″N 52°32′21″E
Belt ta' Bishapur		Bishapur 29°46′39″N 51°34′14″E
Għar ta' Shapur		Bishapur 29°48′25″N 51°36′47″E
Palazz ta' Sarvestan		Sarvestan 29°11′44″N 53°13′52″E