Leopold Kielholz
Leopold "Poldi" Kielholz (twieled fid-9 ta' Ġunju 1911 – miet fl-4 ta' Ġunju 1980) kien plejer tal-futbol Żvizzeru li kien jilgħab bħala attakkant.
| Informazzjoni personali | |||
|---|---|---|---|
| Twelid | 9 ta' Ġunju 1911 Basel, Żvizzera | ||
| Mewt | 4 ta' Ġunju 1980 (68 sena) Zürich, Żvizzera | ||
| Rwol | Attakkant | ||
| Karriera professjonali | |||
| Snin | Klabb | ||
| 1927–1928 | BSC Old Boys | ||
| 1928–1930 | Black Stars Basel | ||
| 1930–1932 | Basel | ||
| 1932–1935 | Servette | ||
| 1935–1936 | Bern | ||
| 1936–1937 | Reims | ||
| 1937–1938 | St. Gallen | ||
| 1938–1943 | Young Fellows Juventus | ||
| Tim nazzjonali | |||
| 1933–1938 | Żvizzera | ||
| Timijiet ikkowċjati | |||
| 1936–1937 | Reims | ||
| 1950–1953 | Żvizzera | ||
| 1954–1958 | Żvizzera | ||
Karriera
immodifikaKlabb
immodifikaLeopold Kielholz beda l-karriera tiegħu fl-1927 ma' BSC Old Boys Basel u wara staġun issieħeb ma' FC Black Stars Basel li kienu jilgħabu f'diviżjoni baxxa. Sentejn wara ngħaqad ma' Basel. Bejn l-1930 u l-1932, Kielholz lagħab 51 logħba u skorja 39 gowl, bi 23 gowl jaslu fil-kampjonat nazzjonali minn 34 logħba.[1] Fl-1932 ħalla lil Basel u ngħaqad ma' Servette. Taħt il-gwida tal-plejer-kowċ Karl Rappan it-tim rebaħ il-kampjonat fl-1933 u l-istess suċċess ġie ripetut fis-sena ta' wara. Għal dan l-istaġun, Kielholz kien l-aqwa skorer b'40 gowl, rekord li għadu jżomm sal-lum il-ġurnata.[2]
Kielholz fl-1935 issieħeb ma' Bern fejn kellu rwol sekondarju ta' kowċ, sakemm aktar tard ħalla 'l-klabb biex imur ma' Reims li f'dak iż-żmien kienu jilgħabu fit-Tieni Divijoni Franċiża. Dan l-istaġun kellu jkun wieħed diżappuntanti hekk kif il-klabb spiċċa qabel tal-aħħar u żammew posthom fid-diviżjoni grazzi għall-bidla fil-format tal-kompetizzjoni.[3] Wara sena, Kielholz reġa' lura art twelidu u ngħaqad ma' St. Gallen u temm il-karriera tiegħu ma' Young Fellows Juventus wara li lagħab magħhom għal ħames staġuni.
Tim nazzjonali
immodifikaKielholz lagħab l-ewwel logħba mat-tim nazzjonali Żvizzeru f'Novembru tal-1933. Fit-Tazza tad-Dinja tal-1934 hu skorja żewġ gowls fl-ewwel logħba kontra n-Netherlands. Il-gowl tiegħu kellu jkun l-ewwel wieħed skurjat mit-tim Żvizzeru fl-istorja tat-Tazza tad-Dinja. It-tim temm it-traġitt tagħhom fil-kompetizzjoni wara li tiflu fil-kwarti tal-finali kontra ċ-Ċekoslovakkja, b'Kielholz għal darb'oħra jħalli l-marka bil-gowl tal-ftuħ.
Matul it-Tazza Internazzjonali li ntlagħbet bejn l-1933 u l-1935, l-attakkant kien fost il-figuri fissi tat-tim nazzjonali u skorja seba' gowls f'ħames logħbiet, fosthom tripletta fir-rebħa ta' 6–2 kontra l-Ungerija. B'hekk spiċċa l-aqwa skorer tal-kompetizzjoni flimkien ma' György Sárosi.[4]
Fl-1938 ifforma parti mill-iskwadra Żvizzera għat-Tazza tad-Dinja, però naqas li jilgħab. L-aħħar logħba waslet kontra l-Belġju f'Mejju tal-1938. B'kollox lagħab total ta' sbatax-il logħba u skorja tnax-il gowl.[5]
Unuri
immodifika- Servette
- Nationalliga: 1932–33, 1933–34
- Individwali
- L-aqwa skorer tat-Tazza Internazzjonali: 1933–35
- L-aqwa skorer tal-kampjonat Żvizzeru: 1933–34
Referenzi
immodifika- ^ "Leopold Kielholz" (bil-Ġermaniż). Verein "Basler Fussballarchiv".
- ^ Garin, Erik; Kungler, Peter (2017-12-14). "Switzerland 1933/34" (bl-Ingliż). RSSSF.
- ^ Abbink, Dinant (2022-06-15). "France - List of Final Tables Second Level" (bl-Ingliż). RSSSF.
- ^ Reyes, Macario (2011-04-21). "3rd International Cup" (bl-Ingliż). RSSSF.
- ^ Garin, Erik; Mamrud, Roberto (2022-11-02). "Switzerland - Record International Players" (bl-Ingliż). RSSSF.
Ħoloq esterni
immodifika- Leopold Kielholz fuq National-Football-Teams.com
