Francisco Goya

Francisco Goya
pittur tal-familji nobbli	;
pittur tal-familji nobbli
Ħajja
Twelid	Fuendetodos (en) , 30 Marzu 1746
Nazzjonalità	Spanja
Residenza	Quinta del Sordo (en)
Grupp etniku	Aragonese people (en)
Mewt	Bordeaux, 16 April 1828
Post tad-dfin	Ċimiterju tax-Chartreuse; Ċimiterju ta' San Isidro, Madrid; Knisja ta' San Antonio de la Florida, Madrid
Familja
Missier	José Benito de Goya y Franque
Omm	Gracia de Lucientes y Salvador
Konjuga/i	Josefa Bayeu (en)
Ulied	uri Francisco Javier Goya Bayeu (en) ;
Familja	uri Francisco Bayeu y Subías (en) (brother-in-law (en) ); Manuel Bayeu (mul) (brother-in-law (en) ); Ramón Bayeu (mul) (brother-in-law (en) );
Edukazzjoni
Alma mater	Colegio de Santo Tomás de Aquino de las Escuelas Pías de Zaragoza ; Real Academia de Nobles y Bellas Artes de San Luis (en) ; Royal Academy of Fine Arts of San Fernando (en)
Lingwi	Spanjol
Għalliema	José Luzan (en) ; Joaquín Ibáñez de Jesús y María (en)
Studenti	uri Antonio de Brugada (en) ; Agustín Esteve (mul) ; Luis Gil y Ranz (en) ; Maria del Rosario Weiss (en) ;
Okkupazzjoni
Okkupazzjoni	pittur; tipografu; litografu; inċiżur; disinjatur; artist viżiv
Post tax-xogħol	Madrid; Italja; Spanja; Madrid; Bordeaux; Ruma; Cádiz; Sivilja; Zaragoza
Xogħlijiet importanti	La maja desnuda (en) ; San Bernardino ta' Siena jipprietka quddiem Alfonsu V ta' Aragona; Il-Kelb; Ritratt ta' of Don Ramón Satué; It-Tlieta ta' Mejju; La maja vestida; Caprichos (en) ; The last communion of St Joseph of Calasanz (en) ; The Second of May 1808 (en) ; General José de Palafox on Horseback (en) ; Portrait of Mariano Goya, the Artist’s Grandson (en) ; Portrait of Mariano Goya, the Artist's Grandson (en) ; Portrait of Mariano Goya (en) ; Our Lady of the Pillar (en) ; Adoration of the Name of God (en) ; Regina Martyrum (en)
Influwenzat minn	Hieronymus Bosch (en)
Sħubija	Real Academia de Nobles y Bellas Artes de San Luis (en)
Moviment	romantiċiżmu; Rococò
Moviment artistiku	pittura ritratt; pittura mitoloġika; pittura tal-battalji; pittura storika; pittura reliġjuża; ritratt; pittura tal-ġeneru; natura mejta

Francisco José de Goya y Lucientes, (twieled fit-30 ta’ Marzu 1746, miet fis-16 ta’ April 1828) kien pittur u inċiżur Spanjol.

Bijografija

Awtoritratt ta’ Goya (1771-1775)

Francisco de Goya twieled Fuendetodos, qrib Saragoza, bin Gracia Lucientes (1785) u José de Goya (1781), mastru induratur f’Saragoza, impjegat tal-kanonċi tal-bażilka famuża tal-Pilar, li kienet qiegħda tiġi rrestawrata u msebbħa.

Formazzjoni u l-ewwel ordnijiet (1760-1775)

Iż-żagħżugħ Francisco kien student ta’ José Luzán f’Saragoza fis-snin 1760, u għex ukoll Madrid, fejn bejn l-1763 u l-1766 weħel bosta drabi fl-eżami kompetittiv biex jidħol fl-Akkademja San Fernando, imwaqqfa fl-1752.

Il-ħajja tal-pittur fil-perijodu tas-snin 1766-1771 ma tantx nafu fuqha. Matul daż-żmien Goya aktarx baqa’ Madrid biex jipperfezzjona l-formazzjoni tiegħu taħt Francisco Bayeu (1734-1795), pittur ieħor minn Saragoza li kien igawdi l-patrunaġġ ta’ Raphaël Mengs u bis-saħħa tiegħu laħaq "pittur tal-Kamra tar-Re" fl-1767. Minkejja l-praspar ta’ żogħżitu imfakkra fil-korrespondenza tiegħu iktar tard f’ħajtu, Goya ipprofitta ruħu mill-qagħda tiegħu fil-belt kapitali biex jitgħallem mill-kapulavuri fil-kollezzjonijiet irjali u wkoll mill-“freschi” ta’ Tiepolo, mimlijin ħajja u dawl, fil-palazz irjali.
Wara li kien Ruma u Parma fl-1771 (fejn ħa sehem għalxejn fl-eżami kompetittiv biex jidħol fl-akkademja; ġie ikkritikat għall-“kuluri ma jaqblux”), mar lura Saragoza, fejn kiseb l-ewwel ordni. Fil-passi ta’ missieru, daħal jaħdem mal-kanonċi tal-Pilar li qabbduh iżejjen saqaf ta’ kappella. Dan l-affresk, li tlestat f’Lulju ta’ 1772, fetaħ it-triq għal ordnijiet oħra ta’ dan it-tip.

Fl-Lulju tal-1773 iżżewweġ 'l oħt Francisco Bayeu, Josefa Bayeu, li kellha 26 sena. Kellhom bosta ulied imma kollha mietu żgħar barra t-tieni wieħed fosthom: Francisco Javier, li twieled fit-2 ta’ Dicembru 1784.

Fis-servizz tal-familja Borbón ta’ Spanja (1775-1785)

L-Umbrellina (1776-1778)

Fl-1775, Goya mar joqgħod Madrid (fejn għex bejn l-1779 u 1819, fit-triq Desengaño) u hemm kiseb, x’aktarx bl-indħil ta’ Bayeu, l-ewwel ordni importanti: xi kartuni (disinji għall-arazzi) għall-fabrika rjali ta’ Santa Barbara. Dawn l-arazzi, li kienu biex iżejnu l-kmamar tal-pranzu tal-prinċep ta’ l-Asturias (il-futur Karlu IV) fil-palazz ta’ l-Escorial u fil-Prado, ‘Il Goya ħadulu sa l-1778. Warajhom, bejn l-1778 u l-1780, kellu ordni ġdida tal-istess tip mill-istess Prinċep għall-arazzi għall-kamra tas-sodda u l-antikamra fil-Prado. Goya ġab il-permess biex jinċiża xi xogħlijiet ta’ Diego Velázquez u għamel xi inċiżjonijiet bl-aquatinta li malajr sar jaf bihom Karlu III. Dan l-istudju tax-xogħlijiet tal-pittur kbir tas-Seklu tad-Deheb kellhom influwenza qawwija fuq ix-xogħol ta’ Goya.

Meta beda jaħdem għall-familja rjali, Goya sar midħla tac-ċirku ta’ l-ilustrados, l-"intellettwali" progressisti influwenzati mill-idejat tal-Illuminiżmu. Hekk sar jaf il-ġurista Jovellanos, li kellu rabtiet ma’ Pedro de Campomanes u l-Konti ta’ Floridablanca (li Goya fl-1783 pinġa ritratt tiegħu bil-wieqfa), l-inċiżur Sepulveda u l-finanzier Bask, François Cabarrus.

Il-kanonċi tal-Pilar qabbduh ipitter waħda mill-koppli tal-Bażilka u dan qajjem l-għira ta’ Bayeu li, wara li talab ‘l ħatnu li jagħmel xi bidliet u dan ma riedx, mar jgħid lill-kanonċi bir-ras iebsa ta’ Goya li ġie imġiegħel jagħmilhom (1780-1781). Minħabba dan l-inċident Goya ma riedx ikollu x'jaqsam ma' Saragoza fejn ħatnu kellu ħafna qawwa.

Fl-1783 beda jaħdem għal Don Luis, ħu r-re, u pinġilu bosta ritratti tal-familja, fosthom il-Familja ta’ Don Luis (1784), ritratt ta’ grupp imdawwal b’mod intimu “chiaro-oscuro” ispirat minn Rembrandt. Don Luis miet is-sena ta’ wara, imma Goya sab patrun ieħor fil-persuna tal-markiż de Peñafiel, il-futur duka ta’ Osuna, li mpjegah bosta drabi. Bis-saħħa tal-patruni qawwijin li kellu, fl-4 ta’ Mejju 1785, laħaq direttur inkarigat tal-pittura fl-Akkademja ta’ San Fernando.

Il-pittur tar-re (1786-1808)

Il-Familja ta’ Karlu IV (1800)

Fil-25 ta’ Ġunju 1786, Goya nħatar pittur tar-re ta’ Spanja u ftit wara kiseb ordni ġdida għal kartuni għall-arazzi tal-kamra tal-pranzu rjali u l-kamra tas-sodda tat-tfal fil-Prado. Din il-biċċa xogħol li ħadietlu sa’ 1792, tagħtu ċ-ċans li jdaħħal xi aspetti ta’ satira soċjali (dawn jidhru ċari f’ It-Trajbu u f Iż-Żwieġ) li kienu diġà mbegħdin sewwa mix-xeni galanti u pjaċevoli tal-kartuni mwettqa fis-snin 1770. Fl-1788, it-tlugħ fuq it-tron ta’ Karlu IV u martu María Luisa (li għalihom ħadem sa l-1775) saħaħ il-pożizzjoni ta’ Goya fil-Qorti, u dawn gegħluh jaċċetta t-titlu ta’ pittur tal-Kamra mis-sena ta’ wara. Fl-istess ħin minħabba l-inkwiet fuq ir-Rivoluzzjoni Franċiża tal-1798 (li Goya u ħbiebu kienu jaqblu ma’ xi idejat tagħha), ir-re fl-1790, dar kontra l-Ilustrados: Cabarrus kien arrestat, Jovellanos eżiljat, u Goya kien temporanjament imkeċċi mill-Qorti.

F’Novembru ta’ l-1792 Goya marad gravi waqt vjaġġ lejn Cadiz (jista’ jkun kienet forma ta’ meninġite). Wara bosta xhur marid li ħallewh għal xi żmien parzjalment paralizzat, baqa’ dgħajjef u ttarrax għal kollox.

Wara l-mewt ta’ ħatnu Bayeu, fl-1795, li kien l-Ewwel Pittur tal-Kamra tar-Re, Goya talab li dan it-titlu jingħata lilu. Dan ma sarx imma fl-istess żmien, inħatar direttur tal-pittura fl-Akkademja San Fernando. Kellu jitlaq din il-kariga sentejn wara minħabba saħħtu. Fl-istess sena ltaqa’ mad-Dukessa t’Alba li pinġa bosta ritratti tagħha u li jgħidu li kienet il-maħbuba tiegħu (dan l-għidut hu bbażat fuq il-fatt li kienu flimkien f’Sanlúcar de Barrameda fl-Andalusja).

Kien bejn is-sekli li Goya wettaq il-kapulavuri l-iżjed magħrufa tiegħu. Fost dawn ikollna nsemmu bosta ordinijiet irjali, kif ukoll il-koppla tal-kappella rjali ta’ San Antonio de la Florida, f’Madrid (1798) u r-ritratt famuż tal-grupp tal-Familja ta’ Karlu IV (1800), fejn il-pittur jagħti tislima lil Las Meninas de Velázquez. F’dak iż-żmien kien fil-quċċata tal-karriera tiegħu u fl-aħħar ingħata t-titlu ta’ L-Ewwel Pittur tal-Kamra biex jippremjawh għax-xogħol tiegħu. Kien jaħdem ukoll għall-ambizzjuż Godoy, lil-maħbuba tiegħu Goya immortalizzaha fil-pittura mġammra, Maja għarwiena (lejn 1799-1800). Fl-istess ħin li kien fil-quċċata tal-karriera tiegħu, Goya kien qiegħed juża ċertu ngann: Il-Kapriċċi (Los Caprichos), ġabra ta’ inċiżjonijiet bl-aquaforte u bl-aquatinta ippublikati fi Frar ta’ l-1799, ġew ċensurati taħt il-pressjoni mill-Inkwiżizzjoni. L-artista fihom żellaq, qalb ix-xbihat sinistri u enigmatiċi, fejn ħallat id-drawwiet u l-festi tal-poplu mal-fantastiku preromantiku, attakki vjolenti kontra l-arkaiżmu tas-soċjetà Spanjola fejn l-Knisja fis-sbieħ tas-seklu XIX kienet għadha toħnoq kull libertà.


Il-maja għarwiena, 1790-1800.	Il-maja liebsa, 1802-1805.

Is-snin suwed (1808-1828)

L-invażjoni Franċiża ta’ l-1808 kellha influwenza tal-qofol fuq il-ħajja ta’ l-artista. Billi kien favur l-ideat liberali li ġabu magħhom il-Franċiżi imma kien kontra tagħhom fejn jidħol il-patrijotiżmu, Goya dam jaħsibha għal xi żmien jekk iżommx mar-reżistenza immexxija mill-Ġunta ċentrali ta’ Sivilja jew ma’ l-idejat ta’ l-1789 li ġab ir-re Joseph, ħu Napuljun. Fis-sena 1810, li matulha beda jinċiża Id-diżastri tal-Gwerra, akkuża ħarxa kontra l-kifrija Franċiża, kien qiegħed ipinġi ritratt ta’ Joseph I. Dan juri li-ġlieda li kien iħoss fih innifsu u li ftit snin wara kisbitlu l-fama ta’ afrancesado.
F’Ġunju ta’ l-1812, martu, Josefa Bayeu, mietet ta’ 65 sena. Xahrejn wara, il-forzi Ingliżi taħt Wellington daħlu Madrid. Goya pinġa r-ritratt ta’ dak li rebaħ lill-Franċiżi u wera li kien kontra l-Franċiżi li kienu okkupaw 'l pajjiżu u li kien jappoġġa l-leġitimità nazzjonali (u, fuq kollox, liberali) immexxija mill-Cortes u l-Kunsill ta’ Cadiz. Hekk, meta dawn l-istituzzjonijiet organizzaw konkors biex ifakkru l-qawmien tal-Madrileni fit-2 ta’ Mejju 1808, Goya malajr ipproponi li jipperpetwa permezz tal-pinzell l-atti l-iżjed notevoli u erojċi tar-rewwixta glorjuża tagħna kontra t-tirann ta’ l-Ewropa. Hekk fl-1814 pinġa ż-żewġ pitturi famużi It-Tnejn ta’ Mejju u It-Tlieta ta’ Mejju (1814).


It-Tnejn ta’ Mejju 1814	It-Tlieta ta’ Mejju 1814

Ir-ritorn mill-eżilju ta’ Ferdinandu VII kien fl-istess ħin ħonoq kull tama ta’ monarkija kostituzzjonali u liberali li Goya kien jappoġġa. Waqt li żamm il-post ta’ L-ewwel pittur tal-Kamra tar-re, Goya ħażditu r-reazzjoni iebsa li ħraxet wara li l-korp spedizzjonarju Franċiż fl-1823 kisser il-liberali. Issikkat mill-Inkwiżizzjoni għax kien pinġa l-Maja għarwiena ta’ Godoy, milqut mill-ġdid mill-mard, qalbu maqtugħa bil-politka reazzjonarja tar-re li kien qiegħed jimpjegah, Goya esprima l-inkwiet u d-delużjonijiet tiegħu fil-famużi "Pitturi suwed" li kienu jżejnu l-ħitan tad-"Dar tat-Trux" (li kienet barra Madrid u li l-pittur kien xtara fl-1819).

Dan l-ambjent ikraħ jispjega għaliex Goya, taparsi minħabba saħħtu telaq minn Spanja fl-24 ta’ Ġunju 1824 biex imur joqgħod Bordeaux, fejn kienu eżiljati afrancesados liberali oħra. Ma damitx ma marret toqgħod miegħu Leocadia Weiss u t-tifla tagħha, Rosario (Goya kien għex ma’ Leocadia mill-1813 u x’aktarx Rosario kienet bintu). Kien f'dan l-eżilju fi Franza li wettaq il-kollezzjoni ta’ litografi fuq is-suġġett tal-corrida bit-titlu It-Barrin ta’ Bordeaux (1825) li segwiet is-sensiela fuq il-Corrida li kienet dehret fl-1816.

Goya miet fl-età ta’ 82 sena, f’Bordeaux fil-lejl tal-15 t’April 1828.

Xi Xogħlijiet

Pitturi

Il-Glorja, 1771, (knisja tal-Kartużjani ta' Aula Dei)
L-umbrellina, 1777, (Mużew tal-Prado), arazzi, pittura
Id-Dukessa ta’Osuna, 1888
Don Manuel Osorio de Zuniga, 1788, (New york, Metropolitan Museum of Arts)
Il-Markiża de la Solana, 1793, (Mużew tal-Louvre)
Awtoritratt, 1794 (Castres, Mużew Goya)
Id-Dukessa t’Alba bit-tifla sewda żgħira li kienet addottat, disinn 1796-1797, (Mużew tal-Prado)
Ferdinand Guillemardet, 1798, (Mużew tal-Louvre)
Il-Miraklu tal-Qaddis, 1798, fresco fil-koppla tal-knisja ta’ San Antonio de la Florida.
Il-Kuraġġjuż Rendon iniggeż il-barri, sensiela fuq il-Corrida, (Museum of Fine Arts, Boston)
Il-Familja ta’ Karlu IV, 1801, (Mużew tal-Prado)
Il-Majas fil-gallarija, 1810, (New York, Metropolitan Museum of Arts)
Il-mara bl-imrewħa, 1805-1810, (Mużew tal-Louvre)
Dona Isabel Cobos de Porcel; 1806, (National Gallery Londra)
Señora Sabasa y García, 1808, (Washington, National Gallery)
Il-Kolossu, 1808, (Mużew tal-Prado)
Maja Liebsa, (1797-1799)
Maja Għarwiena, 1800, (Mużew tal-Prado)
Mara qiegħda taqra ittra, 1814-1818, (Mużew ta’ Lille)
It-Tnejn ta’ Mejju, jew (it-2 ta’ Mejju f’Madrid) 1814, (Mużew tal-Prado)
It-Tlieta ta’ Mejju, jew (it-3 ta’ Mejju f’Madrid) 1814, (Mużew tal-Prado)
Dehra Fantastika (pittura sewda), (1819), (Mużew tal-Prado)
Is-Sabat tas-sħaħar (pittura sewda), 1820, (Mużew tal-Prado)
Il-Ħallieba ta' Bordeaux, 1827, (Mużew tal-Prado)
Il-Kontessa de Chinchon, 1800
43 arazzi maħdumin fil-fabrika rjali ta’ Santa Barbara (mill-1775 sa l-1792), (Mużew tal-Prado)

Inċiżjonijiet u Disinji

Id-diżastri tal-Gwerra, 1810
Il-Kolossu, 1815, Pariġi, Bibliothèque Nationale
Il-Bandla, 1798, disinn (New york, Metropolitan Museum of Arts)
L-irqad tar-raġuni jwelled il-mostri ("El sueño de la razon produce monstruos"), 1797-1798, sensiela il-Kapriċċi, (Boston, Museum of Fine Arts)
Pariri Sbieħ, sensiela il-Kapriċċi, 1793-1798

Gallerija Awtoritratti

lejn 1773
1783
1795
1798
1797-98 kif deher fuq il-frontispizju tal-"Kapriċċi"
1798
lejn 1800
1815

Gallerija

Ir-reġina Maria Luisa (1814)
It-Trajbu
(1791-1792)
Id-dukessa t’Alba
(1795)
Dettal mill-koppla ta’ San Antonio de la Florida (1798)
Doña Isabel
Il-Kolossu
Ferdinandu VII
bl-ilbies tal-qorti (1815)
San Pietru jindem (1823-1825)
Tio Paquete
(1820)
Żewġ nisa
u raġel
(1820-1821)
Is-Sabat tas-sħaħar
Is-Sabat,
pittura sewda,
(1820-1823), Prado
Il-Bejjiegħ tal-fajjenza (1778)
Il-Ħarifa jew il-Ġbir ta’ l-Għeneb (1786-1787) wieħed mis-sensiela ta’ kartuni għall-arazzi li turi L-Erba’ Staġuni
l-irqad tar-raġuni jwelled il-mostri (Kapriċċ 43, 1797-98)
Hawn qatt iżjed (Id-Diżastri tal-Gwerra 36, lejn 1812)
Id-Duka ta' Wellington
'Il-Kelb', wieħed mill-"Pitturi suwed" (1820-1823) tad-"Dar tat-Trux"