Chris Smalling

Christopher Lloyd "Chris" Smalling (twieled fit-22 ta' Novembru 1989) huwa plejer tal-futbol Ingliż li jilgħab mal-klabb ta' Roma bħala difensur.

Chris Smalling
CSKA-MU 2017 (15).jpg
Informazzjoni personali
Isem sħiħChristopher Lloyd Smalling
Twelid22 ta' Novembru 1989 (1989-11-22) (31 sena)
GreenwichIngilterra
Tul1.94 m
RwolDifensur
Informazzjoni fuq il-klabb
Klabb attwaliRoma
Numru6
Mixtliet
2002–2004Millwall
2006–2007Maidstone United
Karriera professjonali
SninKlabb
2007–2008Maidstone United
2008–2010Fulham
2010–2020Manchester United
2019–2020Roma (self)
2020–Roma
Tim nazzjonali
2009–2011Ingilterra U21
2011–Ingilterra

KarrieraEdit

KlabbEdit

Meta kellu sbatax-il sena, Smalling iddebutta mat-tim reġjonali ta' Maidstone United kontra Canvey Island. Matul l-ewwel sena mat-tim tal-kbar hu lagħab tnax-il konfront fejn skorja gowl wieħed, eżattament fl-aħħar logħba tiegħu mal-klabb.

F'Ġunju tal-2008 Smalling iffirma kuntratt mal-klabb mill-Premier League Fulham.[1] Fl-24 ta' Mejju 2009, Smalling iddebutta ma' Fulham meta daħal bħala sostitut għal Aaron Hughes fis-77 minuta fl-aħħar partita tal-istaġun 2008–09 kontra Everton. L-ewwel partita tiegħu mal-ewwel ħdax waslet fis-17 ta' Settembru 2009, fil-partita valida għall-UEFA Europa League kontra CSKA Sofia, bil-partita tintemm 1–1. Fil-kampjonat, l-ewwel logħba tiegħu mill-ewwel minuta kienet dik kontra Chelsea fit-28 ta' Diċembru 2009, fejn kien involut f'episodju deċisiv meta skorja awtogowl li ta liċ-Chelsea rebħa ta' 2–1.

Fis-26 ta' Jannar 2010, Manchester United ħabbru li kienu xtraw lil Smalling, bil-plejer jibqa' ma' Fulham sa tmiem l-istaġun 2009–10 qabel ma jingħaqad mal-klabb il-ġdid fl-istaġun segwenti.[2] Dan it-trasferiment kien uffiċjalizzat fl-1 ta' Lulju 2010. Id-debutt tiegħu fil-kampjonat wasal fir-rebħa ta' 3–0 kontra West Ham United tat-28 ta' Awwissu, meta daħal bħala sostitut għal Jonny Evans.

InternazzjonaliEdit

Nhar il-11 ta' Awwissu 2009, Smalling iddebutta mat-tim nazzjonali Ingliż ta' taħt il-21 sena bħala sostitut fil-konfront kontra l-Olanda li ntemm 0–0. Smalling ġie magħżul fl-iskwadra għall-Kampjonati Ewropej ta' taħt il-21 sena 2011.

Fit-13 ta' Novembru 2010, Smalling ġie imsejjaħ għall-ewwel darba mat-tim nazzjonali tal-kbar għal-logħba ta' ħbiberija kontra Franza tas-17 ta' Novembru;[3] madanakollu, ma ġie użat matul it-telfa ta' 2–1. Id-debutt tiegħu wasal fit-2 ta' Settembru 2011 meta lagħab bħala difensur lemini fil-konfront kontra l-Bulgarija, validu għall-kwalifikazzjoni għall-Kampjonati Ewropej 2012.[4]

Statistika tal-karrieraEdit

KlabbEdit

Statistika korretta sat-18 ta' Settembru 2011[5]

Klabb Staġun Kampjonat Tazza League Cup Ewropa Oħrajn Total
Preż Gowls Preż Gowls Preż Gowls Preż Gowls Preż Gowls Preż Gowls
Fulham 2008–09 1 0 0 0 0 0 1 0
2009–10 12 0 1 0 1 0 4 0 18 0
Total 13 0 1 0 1 0 4 0 19 0
Manchester United 2010–11 16 0 4 0 3 1 9 0 1 0 33 1
2011–12 5 1 0 0 0 0 1 0 1 1 7 2
Total 21 1 4 0 3 1 10 0 2 1 40 3
Total fil-karriera 45 2 5 0 5 1 14 0 5 1 74 4

InternazzjonaliEdit

UnuriEdit

KlabbEdit

Manchester United

ReferenziEdit

  1. ^ Beattie, Chris (2009-01-04). "Chris Smalling: Fulham move proof there's talent outside Football League" (bl-Ingliż). Tribal Football. Miġbur 2009-05-25.
  2. ^ Hibbs, Ben (2010-01-26). "Reds swoop for Smalling" (bl-Ingliż). Manchester United FC. Miġbur 2010-01-26.
  3. ^ "Capello names squad" (bl-Ingliż). FA. 2010-11-13. Miġbur 2010-11-14.
  4. ^ McNulty, Phil (2011-09-02). "Bulgaria 0-3 England" (bl-Ingliż). BBC Sport. Miġbur 2011-09-03.
  5. ^ Endlar, Andrew. "Chris Smalling" (bl-Ingliż). StretfordEnd.co.uk. Miġbur 2010-08-08.

Ħoloq esterniEdit