Fenek tat-Tres Marias

Il-Fenek tat-Tres Marias jew Fenek ta' denbu qotni tat-Tres Marias jew Denb qotni tat-Tres Marias li hu magħruf xjentifikament bħala Sylvilagus graysoni huwa mammiferu plaċentat tad-Dinja l-Ġdida u membru tal-familja Leporidae (leporidu), fl-ordni Lagomorpha (lagomorfu). Dan id-denb qotni huwa nattiv tal-kontinent ta' l-Amerika ta' fuq, endemiku tal-Messiku.

Fenek tat-Tres Marias
Klassifikazzjoni xjentifika
Renju:	Animalia
Phylum:	Chordata
Klassi:	Mammalia
Sottoklassi:	Theria
Infraklassi:	Eutheria
Superordni:	Euarchontoglires
Ordni:	Lagomorpha
Familja:	Leporidae
Ġeneru:	Sylvilagus
Speċi:	S. graysoni
Isem binominali
Sylvilagus graysoni (J.A. Allen, 1887)
Firxa tal-Fenek tat-Tres Marias

Dan id-denb qotni jgħix fil-foresti xotti tas-siġar li jwagħqu l-weraq u l-foresti umdi li huma l-veġetazzjoni dominanti fil-gżejjer tat-Tres Marias li huma tipikament karatterizzati b' ħafna speċi ta' siġar.

Distribuzzjoni

Il-Fenek tat-Tres Marias huwa speċi ta' denb qotni endemiku għall-gżejjer tat-Tres Marias, grupp ta' gżejjer kontinentali madwar 84 kilometru 'l bogħod minn Nayarit, fil-Messiku.

Klassifikazzjoni

Dan id-denb qotni huwa 1 minn 9 speċi li qegħdin klassifikati fis-sottoġeneru Syvilagus u m' hemmx sottospeċi rikonoxxuti.

• Ordni Lagomorpha
  • Familja Leporidae
    • Sottofamilja Leporinae
      • Tribù Leporini
        • Ġeneru Sylvilagus
          • Sottoġeneru Sylvilagus
            • Fenek tat-Tres Marias, Sylvilagus graysoni

Referenzi

• Hoffmann, Robert S.; Andrew T. Smith (November 16, 2005). Wilson, D. E., and Reeder, D. M. (eds): Mammal Species of the World, 3rd edition, Johns Hopkins University Press. ISBN 0-801-88221-4.
• Lagomorph Specialist Group (1996). Sylvilagus graysoni. 2006 IUCN Red List of Threatened Species.
• The Paleobiology Database.
• Tassonomija tal-Mammiferi.