Michelangelo Sapiano
Michelangelo Sapiano (19 ta' Marzu 1826 – 2 ta' Diċembru, 1912) kien arluġġar Malti imwieled l-Imqabba.[1]
| Michelangelo Sapiano | |
|---|---|
| Ħajja | |
| Twelid | Mqabba, 19 Marzu 1826 |
| Nazzjonalità | Kolonja ta' Malta |
| Mewt | 2 Diċembru 1912 |
| Okkupazzjoni | |
| Okkupazzjoni | arluġġar |
Ħajja bikrija
immodifikaMichelangelo Sapiano twieled l-Imqabba fl-1826, iben Baskal u Tereża née Agius.[2] Meta kellu 14-il sena fetaħ ħanut tat-tiswija tal-arloġġi u ta’ età daqshekk żgħira rnexxielu jsewwi l-arloġġ tal-Knisja Parrokkjali fl-Imqabba. Sapiano tgħallem is-sena mingħand Giananton Tanti tal- Marsa, li kien ukoll ħaddied tas-sengħa. [2] L-arloġġi ta’ Tanti jinkludu dawk fil-knejjes parrokkjali tal-Qrendi u Ħal Tarxien.[3]
Sapiano telaq mill-Imqabba għal Ħal Luqa meta kellu 21 sena, ftit wara li żżewweġ lil Mikelina Mifsud fl-1847.[2] Martu mietet ftit snin wara u fl-1857 iżżewġet lil Marianna Mifsud, li kienet oħt Mikelina.[2]
Suċċessi
immodifikaSapiano huwa magħruf l-aktar għall-arloġġi kbar li nbnew għall-knejjes, kunventi u sagristiji f’diversi bliet u rħula f’Malta u Għawdex. Magħruf ukoll għal arloġġ kbir li għamel għall-Knisja ta’ Santa Katarina ta’ Lixandra fl-Eġittu.[2]
Il-kapolavur tiegħu huwa arlogg tal-mażżri li sa ftit snin ilu kien jinsab f’Nru.11, Triq Pawlu Magri, Ħal Luqa, li hija d-dar fejn kien jgħix Sapiano. L-arloġġ issa jinsab fil-Mużew tal-Katidral tal-Imdina. Għal dan l-arloġġ ingħata l-Midalja tal-Fidda fil-Wirja tal-Industrija Maltija tal-1864.[4] Apparti li juri l-ħin, il-ġranet u d-data dan l-arloġġ juri wkoll il-fażijiet tal-qamar u l-ħin li fih ix-xemx titla’ u tinżel. Dan l-arloġġ għandu wkoll mekkaniżmu li jimmarka meta sena hija sena biżestili.[5]
Sapiano ħoloq strumenti oħra ta’ preċiżjoni, inkluż miżiien għad-Dwana ta’ Malta, li tista’ tieħu piżijiet minn 700 libbra sa frazzjoni ta’ uqija.[2]
Sapiano ingħata l-midalja tad-deheb mis- Soċjetà tal-Arti, Manifattura u Kummerċ fis-26 ta' Frar 1908.[2]
Huwa miet fit-2 ta’ Diċembru 1912.[6]
Referenzi
immodifika- ^ "Cherry Grandfather Clocks | Cuckoo Clock Information". web.archive.org. 2013-05-10. Arkivjat minn l-oriġinal fl-2013-05-10. Miġbur 2024-03-30.
- ^ a b ċ d e f ġ Schiavone, Michael (2024-03-19). "Biography: Mikielanġ Sapiano". Times of Malta (bl-Ingliż). Miġbur 2024-03-30.
- ^ Vella, Fiona (Nov 2014). "Mitluf wara l-ħin | Fiona Vella" (bl-Ingliż). Miġbur 2024-03-30.
- ^ Debono, Sandro (2004). "Parish clockworks in XIX century Ghaxaq". Storja 2003-2004 (bl-Ingliż): 84–89.
- ^ Malory, Marcia. "Cathedral Museum Mdina Malta". Earth Facts (bl-Ingliż). Miġbur 2024-03-30.
- ^ Camilleri, Joseph (2013). "Michelangelo Sapiano u l-arlogg tal-knisja parrokkjali ta' Ħal-Luqa". Festa titulari Sant’Andrija, Luqa, 2013 (bil-Malti).