Liz Truss
Liz Truss jew Mary Elizabeth Truss (twieldet fis-26 ta' Lulju 1975) hija politiku Brittaniku u Kap tal-Partit Konservattiv u kienet Prim Ministru tar-Renju Unit mis-6 ta' Settembru 2022 sal-20 ta' Ottubru 2022, l-iżjed Prim Ministru fir-Renju Unit li dam l-inqas fil-kariga.[1] Hija kienet Membru Parlamentari (MP) għal-Lbiċ ta' Norfolk mill-2010. Truss ħadmet f'diversi uffiċċji tal-Kabinett taħt l-eks Prim Ministri David Cameron, Theresa May u Boris Johnson.
2.jpg)
Truss attendiet il-Kulleġġ ta' Merton f'Oxford u kienet il-President tad-Demokratiċi Liberali tal-Università ta' Oxford. Fl-1996 ggradwat u ngħaqdet mal-Partit Konservattiv. Ħadmet ma' Shell u ma' Cable & Wireless, u kienet viċi direttur tal-grupp ta' esperti msejjaħ Reform.[2] Wara żewġ tentattivi li ma rnexxux biex tiġi eletta fil-House of Commons, ġiet eletta bħala l-MP għal-Lbiċ ta' Norfolk fl-elezzjoni ġenerali tal-2010. Bħala membru parlamentari bla portafoll, hija sejħet għar-riformi f'diversi oqsma ta' politika, fosthom l-indukrar tat-tfal, il-matematika fl-edukazzjoni u l-ekonomija. Hija stabbiliet il-Grupp Imprenditorjali Ħieles tal-MP Konservattivi u kienet l-awtur jew il-koawtur ta' għadd ta' dokumenti u kotba, inkluż After the Coalition (2011) u Britannia Unchained (2012).[3][4][5]
Truss kienet Sottosegretarju Parlamentari tal-Istat għall-Indukrar tat-Tfal u l-Edukazzjoni mill-2012 sal-2014, qabel ma nħatret fil-Kabinett minn Cameron bħala Segretarju tal-Istat għall-Ambjent, l-Ikel u l-Affarijiet Rurali fir-reshuffle tal-kabinett fl-2014. Għalkemm kienet tappoġġa l-kampanja tar-Renju Unit Iktar B'Saħħtu fl-Ewropa biex pajjiżha jibqa' fl-Unjoni Ewropea fir-referendum tal-2016, hija appoġġat il-Brexit (ħruġ tar-Renju Unit mill-UE) wara li ħareġ ir-riżultat. Wara li Cameron irriżenja f'Lulju 2016, Truss inħatret bħala Segretarju tal-Istat għall-Ġustizzja u Kanċilliera minn May, u saret l-ewwel Kanċilliera mara fl-istorja ta' elf sena tal-uffiċċju. Wara l-elezzjoni ġenerali tal-2017 fir-Renju Unit, Truss inħatret bħala Kap Segretarju tat-Teżor.[6][7]
Wara li May irriżenjat fl-2019, Truss appoġġat il-kandidatura ta' Johnson biex isir il-kap tal-Konservattivi. Wara l-ħatra ta' Johnson bħala Prim Ministru, huwa ħatar lil Truss bħala Segretarju tal-Istat għall-Kummerċ Internazzjonali u bħala President tal-Bord tal-Kummerċ. Hija kellha rwol addizzjonali bħala l-Ministru għan-Nisa u l-Ugwaljanza f'Settembru 2019. Ġiet promossa għal Segretarju tal-Affarijiet Barranin minn Johnson fir-reshuffle tal-kabinett fl-2021. Inħatret bħala n-negozjatur ewlieni tal-gvern mal-Unjoni Ewropea u bħala l-President tal-Kunsill tal-Partenarjat bejn l-UE u r-Renju Unit f'Diċembru 2021. Wara r-riżenja ta' Johnson f'nofs kriżi tal-gvern, hija rebħet l-elezzjoni għall-kap tal-Partit Konservattiv u ffurmat il-kabinett tagħha.[8][9][10]
Liz Truss irriżenjat mill-kariga ta' Prim Ministru tar-Renju Unit fl-20 ta' Ottubru 2022.[1]
Pubblikazzjonijiet immodifika
- Kounine, Laura; Marks, John; Truss, Elizabeth (2008). The value of mathematics. Londra: Reform. ISBN 978-1-905730-09-4.
- Bassett, Dale; Cawston, Thomas; Thraves, Laurie; Truss, Elizabeth (2009). A new level. Londra: Reform. ISBN 978-1-905730-19-3.
- Truss, Elizabeth; Bosanquet, Nick (2009). Risky Business: "Nudging" you to make the "right" choices. Londra: Chartered Insurance Institute.
- Truss, Elizabeth (2011). Academic rigour and social mobility: how low income students are being kept out of top jobs. Centre Forum.
- Kwarteng, Kwasi; Patel, Priti; Raab, Dominic; Skidmore, Chris; Truss, Liz (2011). After the Coalition. Londra: Biteback Publishing. ISBN 978-1-84954-212-8.
- Truss, Elizabeth (2012). Affordable quality: new approaches to childcare. Centre Forum.
- Truss, Elizabeth (2016). EU membership – benefits for animal health and welfare. Veterinary Record. 178 (18): 435.
Referenzi immodifika
- ^ a b "Liz Truss resigns: PM's exit kicks off another Tory leadership race" (bl-Ingliż). 2022-10-20. Miġbur 2022-10-21.
- ^ "Subscribe to read | Financial Times". web.archive.org. 2022-07-13. Arkivjat mill-oriġinal fl-2022-07-13. Miġbur 2022-09-07.Manutenzjoni CS1: BOT: url-oriġinali status mhux magħruf (link)
- ^ Grylls, Andrew Norfolk, Charlotte Wace, George. "Liz Truss: from teenage Lib Dem to darling of the Tory right" (bl-Ingliż). Miġbur 2022-09-07.
- ^ "Liz Truss: Conqueror of the Turnip Taliban | The Independent | The Independent". web.archive.org. 2022-06-08. Arkivjat mill-oriġinal fl-2022-06-08. Miġbur 2022-09-07.Manutenzjoni CS1: BOT: url-oriġinali status mhux magħruf (link)
- ^ "Liz Truss: I played Margaret Thatcher at my primary school in Paisley". www.scotsman.com (bl-Ingliż). 2018-09-27. Miġbur 2022-09-07.
- ^ "Democracy Live | Your representatives | Elizabeth Truss". web.archive.org. 2014-07-17. Arkivjat mill-oriġinal fl-2014-07-17. Miġbur 2022-09-07.Manutenzjoni CS1: BOT: url-oriġinali status mhux magħruf (link)
- ^ Dale, Iain; Smith, Jacqui (2019). The Honourable Ladies : Volume II: Profiles of Women MPs 1997–2019. La Vergne: Biteback Publishing. ISBN 9781785904479.
- ^ "Liz Truss to become UK's third female prime minister | The Independent". web.archive.org. 2022-09-05. Arkivjat mill-oriġinal fl-2022-09-05. Miġbur 2022-09-07.Manutenzjoni CS1: BOT: url-oriġinali status mhux magħruf (link)
- ^ "Queen Elizabeth won't return to London to appoint new British Prime Minister, for first time in her reign - CNN". web.archive.org. 2022-09-02. Arkivjat mill-oriġinal fl-2022-09-02. Miġbur 2022-09-07.Manutenzjoni CS1: BOT: url-oriġinali status mhux magħruf (link)
- ^ "New prime minister - live updates: Liz Truss addressing Tory party after being named new PM | Politics News | Sky News". web.archive.org. 2022-09-05. Arkivjat mill-oriġinal fl-2022-09-05. Miġbur 2022-09-07.Manutenzjoni CS1: BOT: url-oriġinali status mhux magħruf (link)