Lina Brockdorff

kittieba Maltija

Lina Brockdorff hija awtriċi, drammaturgu u xandar tar-radju Malti.

Lina Brockdorff
Ħajja
Twelid L-Isla, 1930 (93/94 sena)
Familja
Aħwa
Okkupazzjoni
Okkupazzjoni kittieb
drammaturgu
Premjijiet
List
Sħubija Akkademja tal-Malti

Ħajja bikrija immodifika

Brockdorff twieldet fl-Isla; bint Patrick u Mary Mahoney fl-1930.[1] Il-ħajja ta' tfulita kienet ikkaratterizzata mit-Tieni Gwerra Dinjija minn mindu Brockdorff kellha disa' snin.[2] Il-familja tagħha marret tgħix f'diversi postijiet f'Malta matul il-gwerra, u għexet f'diversi lokalitajiet bħall-Birgu, Tas-Sliema, Ħad-Dingli u r-Rabat.[1]

Edukazzjoni immodifika

L-edukazzjoni bikrija ta' Brockdorff ġiet interrotta minħabba li faqqgħet il-gwerra, iżda meta l-gwerra spiċċat hija marret lura l-iskola fuq l-insistenza ta' missierha.[2] Riedet issegwi karriera medika, madankollu, il-familja tagħha ma setgħetx taffordja li tibgħatha l-università u rreġistratha f'kors ta' taħriġ għall-għalliema mingħajr ma infurmawha. Hija reġgħet bdiet l-edukazzjoni tagħha aktar tard f'ħajjitha, meta daħlet f'kors ta' sena ta' introduzzjoni fit-teoloġija fl-1991, segwit minn kors ta’ Baċellerat ta' ħames snin. Hija eventwalment kisbet grad ta' Masters fit-teoloġija u l-istudji umanistiċi fl-2002 meta kellha 72 sena.[2]

Karriera immodifika

Il-karriera ta' għalliema ta' Brockdorff bdiet fi skola primarja tal-Istat, madankollu hija waqfet tgħallem biex trabbi lill-erba' wlied tagħha. Matul dan iż-żmien, hija ffukat fuq il-kitba tagħha. Aktar tard kompliet il-karriera tagħha fil-Kulleġġ San Alwiġi bħala għalliema tal-lingwa Ingliża.[2] Hija serviet bħala membru tal-kunsill tal-Akkademja tal-Malti bejn l-2004 u l-2005 u għadha membru tal-akkademja.[3] Hija serviet ukoll bħala President tal-Għaqda Letterarja Maltija għal tmien snin u hija membru tal-Għaqda Poeti Maltin.[4]

Kitbiet immodifika

Brockdorff bdiet tikteb fl-età ta' 17-il sena waqt li kienet qed tattendi l-kulleġġ tat-taħriġ għall-għalliema, fejn l-istudjuż Ġużè Aquilina kien iħeġġeġ lill-istudenti tiegħu biex jiktbu stejjer jew komponimenti biex jixxandru fuq ir-radju.[1] Kienet prolifika ħafna matul l-għexieren ta' snin ta' wara, kitbet u pproduċiet diversi programmi li ġew imxandra fuq ir-Rediffusion matul is-snin ħamsin u sittin, fosthom Ħlieqa Bejnietna, Quddiem il-Mera, Nofs Siegħa Flimkien, u Magic in the Kitchen.[3][4]

Kitbet diversi drammi fuq ir-radju, fosthom Il-Fqajjar t'Assisi. Xi xogħlijiet tagħha kienu mxandra wkoll fuq ir-radju tal-Awstralja.[4]

Tul il-karriera tagħha, kitbet sitt antoloġiji, tnax-il rumanz u aktar minn 340 novella.[3] Kitbet ukoll awtobijografija dwar l-esperjenza tagħha tat-Tieni Gwerra Dinjija bl-isem Sireni u Serenati[5], li rebħitha premju bħala l-Aħjar rumanz – Non Fiction mill-Kunsill Nazzjonali tal-Ktieb ta' Malta fl-2004. Sussegwentement ġie kkonvertit ukoll f'sensiela u xxandar fuq diversi stazzjonijiet tar-radju.[6] Ingħatat il-Midalja tad-Deheb f'Ġieħ l-Akkademja tal-Malti.[3][7]

Referenzi immodifika

  1. ^ a b ċ Cini, George (3 March 2005). "A first hand account of daily life in wartime Malta". Times of Malta (bl-Ingliż). Miġbur 2022-03-05.
  2. ^ a b ċ d "82-year-old insists: 'It is never too late to study'". Times of Malta (bl-Ingliż). Miġbur 2022-03-05.
  3. ^ a b ċ d "Lina Brockdorff honoured for contribution to Maltese literature". Times of Malta (bl-Ingliż). Miġbur 2022-03-05.
  4. ^ a b ċ "Lina Brockdorff awarded Ġieħ L-Akkademja tal-Malti Gold Medal 2020". tvmnews.mt (bl-Ingliż). Miġbur 2022-03-05.
  5. ^ "The war years in Malta, as seen by a woman writer".
  6. ^ "Lina Brockdorff's WW2 autobiography now in English".
  7. ^ "President reiterates importance of correct use of Maltese language".