Liebru ta' Tolai

Il-Liebru ta' Tolai li hu magħruf xjentifikament bħala Lepus tolai huwa speċi ta' mammiferu plaċentat tal-familja Leporidae (leporidu), fl-ordni Lagomorpha (lagomorfu) u huwa speċi komuni nativ tal-kotinent ta' l-Asja u l-Lvant nofsani. Liebru ta' Tolai adult jikber bejn 40 u 55 ċentimetru u jiżen bejn 1.5 u 2.5 kilogrammi. Dan huwa speċi ta' liebru, ta' daqs ftit iżgħar mil-Liebru Ewropew Lepus europaeus.

Liebru ta' Tolai
Liebru ta' Tolai Lepus tibetanus
Klassifikazzjoni xjentifika
Renju:	Animalia
Phylum:	Chordata
Klassi:	Mammalia
Sottoklassi:	Theria
Infraklassi:	Eutheria
Superordni:	Euarchontoglires
Ordni:	Lagomorpha
Familja:	Leporidae
Ġeneru:	Lepus
Speċi:	L. tolai
Isem binominali
Lepus tolai (Pallas, 1778)
Sottospeċi
Lepus tolai aurigineus Lepus tolai buchariensis Lepus tolai cheybani Lepus tolai cinnamomeus Lepus tolai filchneri Lepus tolai lehmanni Lepus tolai swinhoei Lepus tolai tolai

Il-Liebru ta' Tolai huwa speċi komuni b' distribuzzjoni vasta u jinsab mifrux ma' ħafna pajjiżi fl-Asja, mit-Tramuntana tar-Russja, sa fin-Nofs in-nhar ta' l-Indja, għal fil-Lvant nofsani b' presenza fid-deżerti ta' l-Arabja u fil-Grigall ta' L-Afrika. Għalkemm dan il-liebru jinsab l-aktar f' ambjent bl-arbuxelli u ħaxix għoli dan adatta għal-abitat ħarex bħad-deżerti u muntanji b' elevazzjonijiet ta' aktar minn 3000 metru. Saħansitra anke n-nuqqas ta' l-ilma mhux problema, għax kapaċi jgħix għal żmien twil mingħajr ma jkollu bżonn jixrob.

Sinonimi

"Lepus capensis tolai" huwa sinonimu u b' hekk l-istess bħal u jirreferi għal Lepus tolai ta' Pallas, 1778.

Klassifikazzjoni

Dan il-liebru wara ħafna riklassifikazjonijiet bħala sottospeċi gie kklassifikat bħala 1 minn 8 speċi li qegħdin ikklassifikati fis-sottoġeneru Proeulagus u l-ispeċi maqsuma minn ta' linqas fi 8 sottospeċi.

• Ordni Lagomorpha
  • Familja Leporidae
    • Sottofamilja Leporinae
      • Tribù Leporini
        • Ġeneru Lepus
          • Sottoġeneru Proeulagus
            • Liebru ta' Tolai, Lepus tolai
              • Sottospeċi
              • Lepus tolai aurigineus (Hollister, 1912)
              • Lepus tolai buchariensis (Ognev, 1922)
              • Lepus tolai cheybani (Baloutch, 1978)
              • Lepus tolai cinnamomeus (Shamel, 1940)
              • Lepus tolai filchneri (Matschie, 1907)
              • Lepus tolai lehmanni (Severtsov, 1873)
              • Lepus tolai swinhoei (Thomas, 1894)
              • Lepus tolai tolai (Pallas, 1778)

Referenzi

• Hoffmann, Robert S.; Andrew T. Smith (November 16, 2005). Wilson, D. E., and Reeder, D. M. (eds): Mammal Species of the World, 3rd edition, Johns Hopkins University Press. ISBN 0-801-88221-4.
• The Paleobiology Database.
• Tassonomija tal-Mammiferi.