Francesco Buhagiar

Francesco Buhagiar (Qrendi, 7 ta' Settembru 1876 – Rabat, 27 ta' Ġunju 1934), iben Michele Buhagiar u Filomena mwielda Mifsud, kien it-tieni Prim Ministru ta' Malta fejn serva bejn l-1923 u l-1924. Buhagiar ħa l-lawrja ta' Avukat mill-Università Rjali ta' Malta fl-1901. Kien membru tal-Unione Politica Maltese (Partit ta' Panzavecchia) u ġie elett fl-Ewwel u t-Tieni Leġislatura: 1921 u 1924. Kien Ministru tal-Ġustizzja bejn Ottubru 1922 u Settembru 1924, Ministru tal-Finanzi, Dwana u Portijiet bejn Ottubru 1923 u Awwissu 1924. Kien it-tieni Prim Ministru fil-Gvern Awtonomu Malti bejn Ottubru 1923 u Settembru 1924. Wara li rriżenja minn Prim Ministru sar Imħallef. Iċ-ċajta fis-snin għoxrin kienet li dan ħares fil-mera u lix-xbiha ta’ quddiemu qalilha “minn għada, int Imħallef”! Miet ir-Rabat fis-27 ta’ Ġunju 1934.

Francesco Buhagiar
2. Prim Ministru ta' Malta 13 Ottubru 1923 - 22 Settembru 1924 ← Joseph Howard - Ugo Pasquale Mifsud → Ministru tal-Finanzi ta' Malta
Ħajja
Twelid	Qrendi, 7 Settembru 1876
Nazzjonalità	Kolonja ta' Malta
Mewt	San Ġiljan, 27 Ġunju 1934
Post tad-dfin	Ċimiterju tal-Addolorata
Familja
Ulied	uri William Buhagiar (en)
Edukazzjoni
Lingwi	Malti
Okkupazzjoni
Okkupazzjoni	politiku

Referenzi

Predeċessur Joseph Howard

Prim Ministru 1923-1924

Suċċessur Ugo Pasquale Mifsud