Unione Politica Maltese

L-Unione Politica Maltese (bil-Malti: Unjoni Politika Maltija, bl-Ingliż: Maltese Political Union) kienet partit politiku f'Malta. Għalkemm l-ismijiet bil-Malti u bl-Ingliż kienu jintużaw kollokjalment, il-partit kien magħruf uffiċjalment bl-isem bit-Taljan

Storja

Il-partit twaqqaf fl-1920 b’għaqda tal-Assoċjazzjoni Politika Maltija (magħrufa bl-isem Taljan Associazione Politica Maltese) u l-Kumitat Patrijottiku (magħruf ukoll bl-isem Taljan: Comitato Patriottico). Fir-riżultat tal-elezzjonijiet tal-1921 ħareġ bħala l-akbar partit fil-Parlament u l-mexxej tiegħu Joseph Howard sar l-ewwel Prim Ministru tal-pajjiż. Tnejn mill-aktar politiċi popolari fi ħdan il-partit kienu Enrico Dandria u Ignazio Panzavecchia, it-tnejn saċerdoti kattoliċi li jirrappreżentaw lill-partit fil-Parlament.

L-elezzjonijiet tal-1924 raw lill-partit inaqqas l-preżenza tiegħu fil-parlament għal għaxar siġġijiet, u kellu jifforma koalizzjoni mal- Partit Demokratiku Nazzjonalista biex jibqa’ fil-poter. Fl-1926 iż-żewġ partiti ngħaqdu biex jiffurmaw il-Partit Nazzjonalista.

Fl-1947 il-Partit Azzjoni Demokratika twaqqaf bħala attentant biex jitqajjem mll-ġdid il-partit tal-Unjoni Politika Maltija.

Ideoloġija

Il-partit kien jagħfas l-aktar fuq l-idea ta' awto-gvern magħrufa ukoll bħala self-government. Fittex ukoll li jagħti lill-lingwa Taljana status ugwali mal-Ingliż fl-edukazzjoni. Iddefenda wkoll il-poteri tal-knisja Kattolika.

Rizultati elettorali

Assemblea Leġiżlattiva

Elezzjoni	Kap	Voti	%	Siġġijiet	+/–	Pożizzjoni	Status
1921	Joseph Howard	7,999	39.07	14 / 32	-	1	Gvern ta' minoranza
1924	Francesco Buhagiar	6,553	27.23	10 / 32	4	2	Gvern ta' koalizzjoni

Senat

Elezzjoni	Kap	L-ewwel preferenza		It-tieni preferenza		Siġġijiet eletti	Pożizzjoni	Status
		Voti	%	Voti	%
1921	Joseph Howard	1,611	57.95	1,635	63.25	4 / 7	1	Gvern