Brian Said
Brian Said (Valletta, 15 ta' Mejju 1973) hu plejer tal-futbol Malti li attwalment jinsab ma' St. Andrews.
 | |||
| Informazzjoni personali | |||
|---|---|---|---|
| Isem sħiħ | Brian Said | ||
| Twelid | 15 ta' Mejju 1973 Valletta | ||
| Pajjiż |  Malta | ||
| Rwol | Difensur | ||
| Klabbs professjonali* | |||
| Snin | Klabb | Preż | Gwls |
| 1989–1994 | St. Andrews | 51 | (10) |
| 1994–1995 | → Birkirkara (self) | 17 | (1) |
| 1995–2001 | Floriana | 119 | (6) |
| 2001–2008 | Sliema Wanderers | 181 | (14) |
| 2008–2009 | Marsaxlokk | 25 | (2) |
| 2009–2011 | Floriana | 38 | (2) |
| 2011– | St. Andrews | 18 | (0) |
| Tim nazzjonali | |||
| 1996–2010 | Malta | 88 | (5) |
| * Il-preżenzi u l-gowls fil-karriera professjonali huma validi biss għall-kampjonat domestiku. Aġġornament: 17:40, 31 Awwissu 2012 (UTC) | |||
KarrieraImmodifika
Brian Said beda l-karriera tiegħu ma' St. Andrews, fejn iddebutta ta' tmintax-il sena bħala sostitut fil-konfront mitluf bl-iskor ta' 4–0 kontra Ħamrun Spartans tal-1 ta' Diċembru, 1991.[1] Said għamel 51 dehra ma' St. Andrews, fejn skorja f'għaxar okkażjonijiet.
Fl-istaġun 1994–95, Said ġie imsellef lil Birkirkara, fejn fi tmiem l-istaġun ingħaqad mat-tim tal-Floriana. Mat-tim Furjaniż hu stabilixxa ruħu bħala komponent importanti tat-tim, u l-prestazzjonijiet tajba tiegħu wasslu sabiex jiġi msejjaħ għall-ewwel darba mat-tim nazzjonali. Brian qatta' sitt staġuni ta' suċċess mal-Floriana mill-1995 sal-2001, fejn għamel aktar minn 100 preżenza.
Fl-2001, Said issieħeb mat-tim ambizzjuż ta' Sliema Wanderers. Brian, li kien issa sar parti integrali mat-tim nazzjonali, ipproduċa prestazzjonijiet eċċellenti matul il-perjodu tiegħu ma' Sliema, u saħansitra kien inħatar ukoll kaptan tal-iskwadra, fejn ħa l-faxxa ta' kaptan minn id il-leġġendarju Slimiż Noel Turner. Matul seba' staġuni ta' suċċess bejn l-2001 u l-2008, Brian għamel 181 dehra għall-Wanderers, u skorja erbatax-il gowl.
F'Lulju tal-2008, kien ġie ikkonfermat li Marsaxlokk kisbu lil Brian Said minn Sliema Wanderers. Mal-klabb il-ġdid, Said lagħab għall-ewwel darba fl-24 ta' Awwissu, 2008, fl-ewwel partita tal-istaġun kontra t-tim promoss ta' Qormi, fejn iż-żewġ timijiet qasmu l-punti f'pari ta' 1–1.
Wara biss sena, fis-sajf tal-2009, b'Marsaxlokk relegati għall-Ewwel Diviżjoni minħabba li nstabu ħatja ta' korruzzjoni, Said reġa' rritorna mal-klabb Furjaniż.[2] Fis-26 ta' Frar, 2011, fil-partita kontra Tarxien Rainbows (li ntemmet 5–1 favur il-Floriana) Brian Said kiser ir-rekord tal-plejer bl-iktar preżenzi fl-ogħla diviżjoni tal-futbol Malti. Din kienet l-425 partita, logħba iktar mir-rekord miżmum minn Stefan Sultana u David Camilleri.[1]
Fis-sajf tal-2011, reġa' ngħaqad għat-tieni darba ma' St. Andrews, il-klabb li kien tefgħu fix-xena lokali tal-futbol.[3]
Karriera internazzjonaliImmodifika
Mat-tim nazzjonali ta' Malta, Brian iddebutta kontra l-Iżlanda fl-14 ta' Awwissu, 1996, fejn minn dakinhar iffisa post regulari mal-iskwadra fil-qalba tad-difiża Maltija. L-ewwel gowl tiegħu man-nazzjonal wasal fir-Rothmans Cup kontra l-Estonja fir-rebħa ta' 5–2. Fost il-ħames gowls li skorja bil-flokk abjad u aħmar, jibqa' imfakkar dak kontra t-Turkija fil-fażi ta' kwalifikazzjoni għall-Euro 2008, fejn kien il-gowl li ta vantaġġ momentarju lill-Maltin. Il-partita spiċċat 2–2.
UnuriImmodifika
ReferenziImmodifika
- ^ a b Jesmond Moore. Brian Said iIlum jikser ir-rekord ta’ 425 partita fil-Kampjonat. L-Orizzont. Aċċess tal-URL: 03-03-2011.
- ^ (Ingliż) Said returns to Floriana. Times of Malta, 28-09-2008. Aċċess tal-URL: 03-03-2011.
- ^ (Ingliż) Said rekindles Luxol love affair. Times of Malta, 31-07-2011. Aċċess tal-URL: 25-08-2011.
Ħoloq esterniImmodifika
- Statistika fuq Soccerbase.com
- (EN) Brian Said fuq National-Football-Teams.com