Aida Garifullina

Aida Emilevna Garifullina (Russu: Аида Эмилевна Гарифуллина, Tatar: Аида Эмил кызы Гарифуллина) hija kantanta Russa tal-Opera li twieldet fit-30 ta' Settembru 1987. Fl-2015 kienet ir-Rebbieha tal-kompetizzjoni Operalia u ħadet sehem f'diversi produzzjonijiet fit-Teatru Mariinksy f'San Pietruburgu kif ukoll fil- Weiner Staatsoper. Għanda kuntratt mal-Kumpannija tad-diski Decca Records.

Aida Garifullina
Ħajja
Twelid	Kazan, 30 Settembru 1987 (37 sena)
Nazzjonalità	Russja Awstrija
Edukazzjoni
Alma mater	Università tal-mużika u l-arti interpretattivi ta' Vjenna
Lingwi	Russu
Okkupazzjoni
Okkupazzjoni	kantant tal-opri
Premjijiet	List Merited Stage Artist of the Republic of Tatarstan Merited Artist of the Russian Federation  (2020)
Moviment artistiku	opra
Tip ta' leħen	sopran
Strument/i tal-mużika	vuċi
Tikketta tar-reġistrazzjoni	Decca

Bijografija u Karriera Mużikali

Bidu tal-Karriera

AIDA Garifullina twieldet fl-1987 lil familja Tatari f’Kazan, il-belt kapitali tar-Repubblika ta’ Tatarstan. Missierha huwa Emil Damirovich Garifullin, u ommha hija Layla Idarovna Garifullina (surmast tal-kor) li bħalissa hija d-Direttriċi taċ-Ċentru tal-Mużika Kontemporanja “m.a. Sofia Gubaidullina”. Minn kmieni fit-tfulita, ommha influwenzat l-iżvilupp mużikali tagħha u kienet strumentali fl-iżvilupp tal-karriera tagħha. Ta' 18-il sena, marret toqgħod f’Nürnberg biex tistudja l-mużika.

Fl-2007, hija ingħaqdet mal-Università ta’ Vienna tal-Mużika u l- Arti taht l-ghalliema Claudia Visca. Sentejn wara, Garifullia għamlet id-debut tagħha bħala Despina, fil-produzzjoni tal-Università ta’ Mozart “Così Fan Tutte”. Fl-2010, hija rebħet il-kompetizzjoni tal-kant Muslim Magomayev f’Moska. Crocus Group Press Release]</ref> Wara li ggradwat fl-2011, hija kantat fiċ-ċerimonja tal-għeluq tal-Universiade tas-sajf XXVI f’Shenzhen u kantat duett ma' Alessandro Safina f’Kazan

Fl-2012, Garifullina kantat fil-ftuħ tad- Dar Russa fl-Olimpjadi tas-Sajf XXX f’Londra. F’Londra iltaqghat ma’ Valery Gergiev, id-direttur artistiku tat-Teatru Mariinsky f’San Pietruburgu. F’Jannar 2013. hija għamlet id-debutt tagħha fit-Teatru Mariinsky fir-Rwol ta’ Susanna fl-Opera ta' Mozart Iz-Zwieg ta' Figaro.

Hija kompliet izzid mar-repertorju tagħha bir-rwoli ta’ Gilda (Rigoletto) u Adina (L’elisir d’amore)

F’Lulju, bħala Ambaxxatura tal-Universiade, hija kantat fil-ftuħ taċ-Ċerimonja tas-Sajf Universiade 2013 f’Kazan. Hija tghat wirja fiċ-ċerimonja tal-għeluq tal-Universiade Kulturali ma’ l-Orkestra tat-Teatru ta' Mariinsky. Il-prestazzjoni kienet immexxija minn Valery Gergiev.

Operalia 2013 u Karriera

Il-karriera ta’ Garifullina hadet spinta meta rebħet l-ewwel premju f’Operalia 2013. F’Ottubru ta' dik is-sena hija ngħatat it-titlu ta’ “Honoration Tamin” tal-President tar-Repubblika ta' Kazan.

Matul l-2013 u 2014 hija dehret f’numru ta' okkazjonijiet kbar, flimkien ma' José Carreras, Plácido Domingo u Dmitry Hvorostovsky. Fl-2014 hija taght wirja fil- Wirjiet Rosenblatt li nzammu fis-Sala Wigmore, Londra. Fl-2015 hija ffirmat kuntratt mad- Ditta tad-diski Decca.

Fl- 2014/2015, hija saret membru ta' l-Opera ta' Vienna. Hadmet ir-rwol tal-kantanta franċiża-amerikana Lily Pons fejn kantat il-kanzunetta “The Bell Song” mill-Opera ta' Lakmé fl-2016 fil-film Florence Foster Jenkins.

Fi Frar tas-sena 2017 hija harget album b-isima fuq id-ditta tad-diski Decca, li jinkludi 15 il-Aria ma' l-Orkestra Radju-Sinfonija ORF taht id-direzzjoni ta' Cornelius Meister.

Fit-13 ta’ Ġunju 2018, Garifullina hadet sehem fil-kunċert tal-ftuħ gala tat-Tazza tad-Dinja tal-2018 li saret fil-Pjazza l-Hamra f’Moska. Hija kantat ma ‘Anna Netrebko, Juan Diego Florez u Placido Domingo flimkien ma' l-Orkestra tat-Teatru Mariinsky mmexxija minn Valery Gergiev. Fl-14 ta' Ġunju ta' l-isess sena Garifullina kantat fil- 2018 ċerimonja tal-ftuħ tat-Tazza tad-Dinja tal-futbol li saret fl-Istadju Luzhniki f’Moska. Hija kantat duet tad-diska '“Angels” ma ‘l-kantant popolari Ingliż Robbie Williams.

Hajja Personali

Garifullina għandha huha jismu Rem. Hija omm li qed trabbi tifla waħda Olivia li twieldet fl-2016. Għalkemm huwa magħruf li kienet f'relazzjoni matt-Tennista Marat Safin ghal xi zmien bejn l-2016 u l-2017, missier Olivia mhux maghruf pubblikament. Waqt li kienet qed tistudja fi Vjenna fl-2007, l-ghalliema tal-vuci tagħha għal sentejn kienet Claudia Visca, soprano Amerikana. Il-kantanta Soprano favorita tagħha hija Anna Moffo.

Repertorju

• G. Donizetti — Don Pasquale, Norina
• G. Donizetti — L'elisir d'amore, Adina
• P. Eötvös — Tri sestri, Irina
• F. Halévy — La Juive, Princess Eudoxie
• W. A. Mozart — Così fan tutte, Despina
• W. A. Mozart — Don Giovanni, Zerlina
• W. A. Mozart — Le Nozze di Figaro, Susanna
• W. A. Mozart — Die Zauberflöte, Pamina
• S. S. Prokofiev — War and Peace, Natasha Rostova
• G. Puccini — La Bohème, Musetta
• N. A. Rimsky-Korsakov — The Golden Cockerel, Queen of Shemakha
• G. Rossini — L'italiana in Algeri, Elvira
• G. Verdi — Un ballo in maschera, Oscar
• G. Verdi — Falstaff, Nannetta
• G. Verdi — Rigoletto, Gilda

Diskografija

Aida Gariffulina 2017

Titli Prestiggjuzi

• ECHO Klassik Award - Solo Recording (Voice | Arias/recitals)(2017).
• L-Ewwel post fil-kompetizzjoni Internazzjonali tal-kantanti ta' l-Opera ta' Placido Domingo, Operalia (2013).
• Artista Onorata tar-repubblika ta' Tatarstan (2013).
• Certifikat ta' Unur mill-President tar-repubblika ta' Tatarstan (2013).
• Lawreata tal- Muslim Magomaev fl-Ewwel Konkors Internazzjonali ghal-Vokalisti (2010).
• Chaliapin "Lehen tas-Sena" bin-nominazzjoni ta' "Academic vocal" (2001).