Tina Turner
Tina Turner (imwielda Anna Mae Bullock; twieldet fis-26 ta' Novembru 1939 – mietet fl-24 ta' Mejju 2023) kienet kantanta, kantawtriċi, żeffiena, attriċi u awtriċi mwielda Amerikana u naturalizzata Żvizzera. Kienet imlaqqma b'mod mifrux bħala r-"Reġina tar-Rock 'n' Roll", u spikkat bħala l-kantanta ewlenija tal-Ike & Tina Turner Revue qabel ma bdiet karriera ta' suċċess bħala kantanta solista.
| Tina Turner | |
|---|---|
 | |
| Ħajja | |
| Isem propju | Anna Mae Bullock |
| Twelid |
Brownsville (en)  , 26 Novembru 1939 |
| Nazzjonalità |
Stati Uniti tal-Amerka Żvizzera |
| Residenza |
Küsnacht Marienburg (en) |
| Grupp etniku | Afro-Amerikani |
| L-ewwel lingwa | Ingliż |
| Mewt | Küsnacht, 24 Mejju 2023 |
| Kawża tal-mewt | kawżi naturali |
| Familja | |
| Konjuga/i |
Ike Turner (mul) (1962 - 29 Marzu 1978) Erwin Bach (en) (Lulju 2013 - 24 Mejju 2023) |
| Koppja/i |
Erwin Bach (en) |
| Ulied |
uri
|
| Aħwa |
uri
|
| Familja |
uri
|
| Edukazzjoni | |
| Alma mater |
Sumner High School (en) |
| Lingwi |
Ġermaniż Ingliż |
| Okkupazzjoni | |
| Okkupazzjoni |
kantant żeffien awtobijografu kompożitur tal-kanzunetti artist diskografiku attur koreografu mużiċist direttur tal-films |
|
Parteċipant
| |
| Post tax-xogħol | Küsnacht |
| Xogħlijiet importanti |
Private Dancer (en) |
| Premjijiet |
List
|
| Nominat għal |
uri
|
| Sħubija |
Ike & Tina Turner (en) Kings of Rhythm (en) Beyond (en) |
| Psewdonomu | Tina Turner |
| Moviment artistiku |
mużika rock soul mużika pop mużika country rock 'n roll rhythm and blues funk |
| Tip ta' leħen | contralto |
| Strument/i tal-mużika | vuċi |
| Tikketta tar-reġistrazzjoni |
Capitol Records (mul) EMI (en) United Artists Records (en) Parlophone (en) Virgin (en) |
Turner bdiet il-karriera tagħha mal-Ike Turner's Kings of Rhythm fl-1957. Bl-isem ta' Little Ann, irreġistrat l-ewwel diska tagħha, "Boxtop", fl-1958. Fl-1960, hija għamlet id-debutt bħala Tina Turner bi dwett hit "A Fool in Love". Flimkien, Ike & Tina Turner wettqu "wħud mill-iżjed spettakli formidabbli fl-istorja".[1] Huma ħarġu hits bħal "It's Gonna Work Out Fine", "River Deep – Mountain High", "Proud Mary" u "Nutbush City Limits", qabel ma xoljew il-grupp fl-1976.
Fis-snin 80 tas-seklu 20, Turner varat "wieħed mill-ikbar ritorni fl-istorja tal-mużika".[2] L-album multiplatinu tagħha tal-1984 Private Dancer kien fih il-kanzunetta hit "What's Love Got to Do with It", li rebbaħha l-Premju Grammy għall-Aqwa Diska tas-Sena u saret l-ewwel u l-iżjed kanzunetta magħrufa tagħha fuq il-Billboard Hot 100. Meta kellha 44 sena, hija kienet l-iżjed artista solista femminili kbira fl-età fil-quċċata tal-Hot 100.[3] Is-suċċess tagħha fil-klassifiki kompla b'"Better Be Good to Me", "Private Dancer", "We Don't Need Another Hero (Thunderdome)", "Typical Male", "The Best", "I Don't Wanna Fight" u "GoldenEye". Matul il-Break Every Rule World Tour tagħha fl-1988, hija stabbiliet rekord dinji tal-Guinness għal dak iż-żmien għall-ikbar udjenza bi ħlas (180,000) għal artista solista.[4]
Turner irreċtat ukoll fil-films Tommy (1975) u Mad Max Beyond Thunderdome (1985). Fl-1993 ħareġ What's Love Got to Do with It, film bijografiku adattat mill-awtobijografija tagħha I, Tina: My Life Story. Fl-2009, Turner irtirat wara li lestiet it-Tina!: 50th Anniversary Tour, li kien il-15-il tour fis-seklu 21 bl-ikbar introjtu. Fl-2018 hija kienet is-suġġett tal-jukebox musical Tina.
Peress li bigħet iktar minn 100 miljun diska madwar id-dinja, Turner hija waħda mill-iżjed artisti li bigħet diski. Hija rebħet 12-il Premju Grammy, li jinkludu tmien premjijiet kompetittivi, tliet premjijiet Grammy Hall of Fame u Grammy Lifetime Achievement Award. Hija kienet l-ewwel artista ta' karnaġjon sewda u l-ewwel mara li dehret fil-qoxra tar-rivista Rolling Stone. Rolling Stone ikklassifikatha fost il-100 l-Aqwa Artisti ta' Kull Żmien u fost il-100 l-Aqwa Kantanti ta' Kull Żmien.[5] Turner għandha wkoll stilla fil-Hollywood Walk of Fame u fis-St. Louis Walk of Fame. Għal darbtejn tniżżlet fir-Rock and Roll Hall of Fame, ma' Ike Turner fl-1991 u bħala artista solista fl-2021.[6] Fl-2005 hija ngħatat ukoll l-Unuri taċ-Ċentru Kennedy u l-premju ta' Mara tas-Sena.[7] Turner mietet fl-24 ta' Mejju 2023, meta kellha 83 sena, wara li kienet marida fit-tul.[8]
Ħajja bikrija
immodifikaTurner ġiet imwielda bħala Anna Mae Bullock fis-26 ta' Novembru 1939,[9][10] fi Brownsville, Tennessee,[11][12][13] u kienet l-iżgħar wild fost il-bniet ta' Floyd Richard Bullock u martu Zelma Priscilla (kunjomha xebba Currie).[14] Il-familja kienet tgħix fil-komunità rurali mhux inkorporata fil-qrib ta' Nutbush, Tennessee, fejn missierha kien jaħdem bħala sorveljatur tal-ħaddiema agrikoli ta' Poindexter Farm tul l-Awtostrada 180; iktar 'il quddiem tfakkar li meta kienet żgħira kienet tiġbor il-qoton mal-familja tagħha.[15][16] Meta pparteċipat fis-sensiela tal-PBS African American Lives 2 ma' Henry Louis Gates Jr., huwa kkondivida l-istimi ġenealoġiċi tat-test tad-DNA tagħha u rnexxielu jintraċċa l-arblu tar-razza tagħha.[17] Qabel, hija kienet temmen li kellha ammont sinifikanti ta' antenati Amerikani Nattivi.[18]
Bullock kellha żewġ ħutha bniet ikbar minnha, Evelyn Juanita Currie u Ruby Alline Bullock, kantawtriċi.[19] Hija kienet ukoll primakuġina tal-bluesman Eugene Bridges.[20] Meta kienu tfal, it-tliet aħwa bniet ġew isseparati meta l-ġenituri tagħhom marru jgħixu f'Knoxville, Tennessee, biex jaħdmu f'faċilità tad-difiża matul it-Tieni Gwerra Dinjija. Bullock marret tgħix man-nanniet reliġjużi u stretti tan-naħa ta' missierha, Alex u Roxanna Bullock, li kienu djakni fil-Knisja Missjunarja tal-Magħmudija ta' Woodlawn.[21] Wara l-gwerra, l-aħwa reġgħu ngħaqdu mal-ġenituri tagħhom u marru jgħixu magħhom f'Knoxville. Sentejn wara, il-familja reġgħet lura Nutbush biex tgħix fil-komunità ta' Flagg Grove, fejn Bullock attendiet l-Iskola Primarja ta' Flagg Grove mill-ewwel sat-tmien sena.[22][23]
Meta kienet tifla żgħira, Bullock kienet tkanta fil-kor tal-knisja fil-Knisja tal-Magħmudija ta' Spring Hill f'Nutbush.[24][25] Meta kellha 11-il sena, ommha Zelma ħarbet mingħajr ma qalet xejn lil ħadd, biex tkun libera mir-relazzjoni abużiva li kellha ma' Floyd u marret tgħix f'St. Louis fl-1950. Sentejn wara li ommha telqet mill-familja tagħha, missierha żżewweġ mara oħra u marru jgħixu f'Detroit fl-1952. Bullock u ħutha ntbagħtu jgħixu man-nanna materna tagħhom, Georgeanna Currie, fi Brownsville, Tennessee.[26] Hija ddikjarat fl-awtobijografija tagħha I, Tina li l-ġenituri tagħha ma kinux ħabbewha u li ma riduhiex.[27] Zelma kienet ippjanat li titlaq lil Floyd iżda baqgħet miegħu meta saret taf li kienet tqila. Turner fakkret li "Kienet mara żgħira ħafna fl-età li ma riditx wild ieħor".[28]
Meta kienet adolexxenti, Bullock ħadmet bħala ħaddiema domestika għall-familja Henderson. Hija kienet fid-dar tal-familja Henderson meta ġiet mgħarrfa li oħtha tar-rispett Evelyn kienet mietet f'ħabta bil-karozza flimkien mal-kuġini tagħha Margaret u Vela Evans.[29] Hija stess tfakkar li kienet iġġib ruħha ta' tifel, għalkemm Bullock issieħbet kemm mat-tim taċ-cheerleading kif ukoll mat-tim tal-basketball femminili fil-Carver High School fi Brownsville, u "kienet tissoċjalizza kull meta kien ikollha l-opportunità". Meta Bullock għalqet 16-il sena, nannitha mietet, u għalhekk marret tgħix ma' ommha f'St. Louis. Hija ggradwat mis-Sumner High School fl-1958.[30] Wara li ggradwat, Bullock ħadmet bħala ajjutanta ta' infermiera fl-Isptar Lhudi ta' Barnes.[31]
Premjijiet, unuri u kisbiet
immodifikaTurner għal xi żmien kellha r-rekord dinji tal-Guinness għall-ikbar udjenza bi ħlas (180,000 ruħ fl-1988) għal artista solista.[32]
Fir-Renju Unit, Turner kienet l-ewwel artista li kellha hit mal-aqwa 40 f'seba' deċennji konsekuttivi; b'total ta' 35 hit fl-aqwa 40 kanzunetta fir-Renju Unit. Hija bigħet iżjed minn 100 miljun diska madwar id-dinja, inkluż bejgħ ta' albums iċċertifikati mill-RIAA ta' 10 miljun album.[33]
Turner rebħet total ta' 12-il premju Grammy. Dawn il-premjijiet jinkludu tmien premjijiet Grammy kompetittivi; hija taqsam ir-rekord ma' Pat Benatar għall-iżjed premjijiet mogħtija għall-Aqwa Prestazzjoni Vokali Rock Femminili. Tlieta mir-reġistrazzjonijiet tagħha, "River Deep – Mountain High" (1999), "Proud Mary" (2003) u "What's Love Got to Do with It" (2012) jinsab fil-Grammy Hall of Fame. Turner kienet l-unika artista femminili li rebħet Grammy fil-pop, fir-rock u fl-R&B. Turner ingħatat Grammy Lifetime Achievement Award fl-2018. Turner rebħet ukoll Grammys bħala membru tal-Istati Uniti għall-Afrika u bħala artista fil-kunċert ta' tal-1986 tal-Princes Trust.
Turner ingħatat stilla fil-Hollywood Walk of Fame fl-1986 u stilla fis-St. Louis Walk of Fame fl-1991. Hija ddaħħlet fir-Rock and Roll Hall of Fame ma' Ike Turner fl-1991.[34]
Fl-2005, Turner ingħatat l-Unuri prestiġjużi taċ-Ċentru Kennedy. Il-President George W. Bush ikkummenta dwar "il-ħila naturali, l-enerġija u s-senswalità tagħha", u rrefera għal riġlejha bħala "l-iżjed famużi fid-dinja tal-ispettaklu". Diversi artisti tawha ġieħ f'dik is-serata, fosthom Melissa Etheridge (li kantat "River Deep – Mountain High"), Queen Latifah (li kantat "What's Love Got to Do with It"), Beyoncé (li kantat "Proud Mary"), u Al Green (li kanta "Let's Stay Together"). Oprah Winfrey stqarret, "M'għandniex bżonn eroj oħra. Għandna bżonn eroini bħalek, Tina. Tagħmilni tassew kburija li jien mara".[35]
Fl-2021, Turner iddaħħlet minn Angela Bassett fir-Rock & Roll Hall of Fame bħala artista solista. Keith Urban u H.E.R. kantaw "It's Only Love", Mickey Guyton kanta "What's Love Got to Do with It", u Christina Aguilera kantat "River Deep – Mountain High".[36]
Turner ingħatat ukoll dawn l-unuri li ġejjin:
- 1967: Turner kienet l-ewwel artista ta' karnaġjon sewda u l-ewwel mara fuq il-qoxra tar-rivista Rolling Stone (il-Ħarġa Nru 2).
- 1993: World Music Awards ippreżentaw il-Premju ta' Leġġenda lil Turner.
- 1993: Essence Awards onoraw lil Turner bil-Premju ta' Leġġenda Ħajja.
- 1996: Turner iddaħħlet fil-Légion d'Honneur mill-Ministru Franċiż għall-Edukazzjoni.
- 1999: Turner ikklassifikat fit-tieni post fil-lista tal-VH1 tal-100 l-Ikbar Nisa tar-Rock and Roll.
- 2002: Ir-Rotta 19 tal-Istat ta' Tennessee bejn Brownsville u Nutbush issejħet l-"Awtostrada ta' Tina Turner".
- 2003: Rolling Stone kklassifikat lil Proud Mary: The Best of Ike & Tina Turner Nru 212 fil-lista tagħha tal-500 l-Aqwa Albums ta' Kull Żmien (Nru 214 fil-lista riveduta tal-2012).
- 2004: People kklassifikat l-ispettaklu tal-kant tal-1985 tagħha ta' "What's Love Got to Do With It" fost l-aqwa 10 mumenti tal-Grammy.
- 2008: Rolling Stone kklassifikat lil Turner bħala Nru 17 fil-lista tagħha tal-100 l-Aqwa Kantanti ta' Kull Żmien.
- 2009: Time kklassifikat l-ispettaklu tal-kant tal-1985 tagħha ta' "What's Love Got to Do With It" fost l-aqwa 10 mumenti tal-Grammy.
- 2010: Rolling Stone kklassifikat lil Turner bħala Nru 63 fil-lista tagħha tal-100 l-Aqwa Artisti ta' Kull Żmien.
- 2013: Turner dehret fil-qoxra ta' Vogue tal-Ġermanja, u saret l-ikbar persuna (ta' 73 sena) li dehret fil-qoxra tar-rivista Vogue, u qabżet lil Meryl Streep (ta' 62 sena) li kienet dehret fil-qoxra tar-rivista Vogue Amerikana fl-2012.
- 2014: Turner iddaħħlet fis-Soul Music Hall of Fame.
- 2015: Rolling Stone kklassifikat lil Ike & Tina Turner bħala Nru 2 fil-lista tagħha tal-20 l-Aqwa Dwetti ta' Kull Żmien.
- 2015: Ike & Tina Turner iddaħħlu fis-St. Louis Classic Rock Hall of Fame.
- 2016: Ritratt ta' Turner meħud minn Jack Robinson fl-1969 intuża bħala l-qoxra tal-album ta' The Last Shadow Puppets Everything You've Come to Expect.
- 2019: Turner iddaħħlet fil-Memphis Music Hall of Fame.
- 2020: Private Dancer ġiet miżjuda fir-Reġistru Nazzjonali tad-Diski fil-Librerija tal-Kungress.
- 2021: Turner iddaħħlet għat-tieni darba fir-Rock and Roll Hall of Fame.
- 2021: Turner ingħatat dottorat onorarju għax-"xogħol mużikali u artistiku uniku tagħha f'għomorha" mill-Fakultà Filosofika u Storika tal-Università ta' Bern.
- 2022: Il-kumpanija Mattel ħarġet pupa tal-Barbie tixbaħ lil Turner biex tfakkar il-kanzunetta single tagħha "What's Love Got To Do With It".
Diskografija
immodifikaAlbums irreġistrati fi studjo[37]
immodifika- Tina Turns the Country On! (1974)
- Acid Queen (1975)
- Rough (1978)
- Love Explosion (1979)
- Private Dancer (1984)
- Break Every Rule (1986)
- Foreign Affair (1989)
- Wildest Dreams (1996)
- Twenty Four Seven (1999)
Tours
immodifika- 1977: Tina Turner Tour
- 1978: Tina Turner '78 Tour
- 1979: Tina Turner Show '79 Tour (Wild Lady of Rock)
- 1981–83: Tina Turner Tour (Nice 'n' Rough)
- 1984: 1984 World Tour
- 1985: Private Dancer World Tour
- 1987–1988: Break Every Rule World Tour
- 1990: Foreign Affair: The Farewell Tour
- 1993: What's Love? Tour
- 1996-1997: Wildest Dreams Tour
- 2000: Twenty Four Seven Tour
- 2008-2009: Tina!: 50th Anniversary Tour
Bħala l-kantanta tal-ftuħ
immodifika- 1981: The Rolling Stones American Tour 1981 (il-kantanta tal-ftuħ tal-kunċert tar-Rolling Stones)
- 1981: Worth Leavin' Home For Tour (il-kantanta tal-ftuħ tal-kunċert ta' Rod Stewart)
- 1984: Can't Slow Down Tour (il-kantanta tal-ftuħ tal-kunċert ta' Lionel Richie)
Filmografija
immodifika| Sena | Film | Rwol | Noti |
|---|---|---|---|
| 1966 | The Big T.N.T. Show | Hi nnifisha | Sensiela ta' wara T.A.M.I. Show |
| 1970 | It's Your Thing | Hi nnifisha | Dokumentarju dwar il-kunċert tal-Aħwa Isley fl-Istadjum tal-Yankees |
| 1970 | Gimme Shelter | Hi nnifisha | Dokumentarju dwar it-tour Amerikan tal-1969 tar-Rolling Stones |
| 1971 | Soul to Soul | Hi nnifisha | Dokumentarju dwar il-kunċert ta' Jum l-Indipendenza fil-Ghana |
| 1971 | Taking Off | Hi nnifisha | |
| 1971 | Good Vibrations from Central Park | Hi nnifisha | |
| 1975 | Tommy | Ir-Reġina tal-Aċtu | |
| 1975 | Ann-Margret Olsson | Hi nnifisha | Programm televiżiv |
| 1975 | Poiret est à vous | Hi nnifisha | Varjetà televiżiva |
| 1978 | Sgt. Pepper's Lonely Hearts Club Band | Il-Mistednin Tagħna f'Heartland | |
| 1982 | Chuck Berry: Live at the Roxy with Tina Turner | Hi nnifisha | |
| 1985 | Mad Max Beyond Thunderdome | Iz-Zija Entity | Rebbieħa (1986) tal-Premju NAACP bħala Attriċi Staordinarja f'Film |
| 1993 | What's Love Got to Do with it | Hi nnifisha | Il-vuċi tal-kantanta Angela Bassett, flimkien ma' filmati mill-arkivji |
| 1993 | Tina Turner: Girl From Nutbush | Hi nnifisha | Dokumentarju |
| 1993 | Last Action Hero | Is-Sindku | |
| 2012 | Ike & Tina on the Road: 1971–72 | Hi nnifisha | Dokumentarju miġbud mill-fotografu rock Bob Gruen |
| 2021 | Tina | Hi nnifisha | Dokumentarju |
Kotba
immodifika- I, Tina: My Life Story (1986)
- My Love Story: A Memoir, Atria Books (2018)
- Happiness Becomes You: A Guide to Changing Your Life for Good, Atria Books (2020)
- Tina Turner: That's My Life
Referenzi
immodifika- ^ "Ike and Tina Turner | Rock & Roll Hall of Fame". web.archive.org. 2021-03-07. Arkivjat mill-oriġinal fl-2021-03-07. Miġbur 2023-05-25.Manutenzjoni CS1: BOT: url-oriġinali status mhux magħruf (link)
- ^ "Tina Turner's 'Mad Max' Hit 'Thunderdome' Roared in 1985: Rewinding the Charts | Billboard | Billboard". web.archive.org. 2021-02-23. Arkivjat mill-oriġinal fl-2021-02-23. Miġbur 2023-05-25.Manutenzjoni CS1: BOT: url-oriġinali status mhux magħruf (link)
- ^ "'Happily Retired' Tina Turner Set to Release 'Love Songs' Album | Billboard". web.archive.org. 2019-10-06. Arkivjat mill-oriġinal fl-2019-10-06. Miġbur 2023-05-25.Manutenzjoni CS1: BOT: url-oriġinali status mhux magħruf (link)
- ^ "Mini-skirted Tina Turner claims record audience - UPI Archives". web.archive.org. 2018-11-01. Arkivjat mill-oriġinal fl-2018-11-01. Miġbur 2023-05-25.Manutenzjoni CS1: BOT: url-oriġinali status mhux magħruf (link)
- ^ "The 100 Greatest Singers of All Time : Rolling Stone". web.archive.org. 2009-03-08. Arkivjat mill-oriġinal fl-2009-03-08. Miġbur 2023-05-25.Manutenzjoni CS1: BOT: url-oriġinali status mhux magħruf (link)
- ^ "Tina, Jay-Z, Foo Fighters Enter Rock Hall Of Fame : NPR". web.archive.org. 2021-05-12. Arkivjat mill-oriġinal fl-2021-05-12. Miġbur 2023-05-25.Manutenzjoni CS1: BOT: url-oriġinali status mhux magħruf (link)
- ^ "Previous winners". web.archive.org. 2012-10-20. Arkivjat minn l-oriġinal fl-2012-10-20. Miġbur 2023-05-25.
- ^ "Tina Turner, unstoppable superstar whose hits included 'What's Love Got to Do With It,' dead at 83 | AP News". web.archive.org. 2023-05-24. Arkivjat mill-oriġinal fl-2023-05-24. Miġbur 2023-05-25.Manutenzjoni CS1: BOT: url-oriġinali status mhux magħruf (link)
- ^ "Tina Turner Signed Contract (1977).... Music Memorabilia Autographs | Lot #52395 | Heritage Auctions". web.archive.org. 2019-07-31. Arkivjat mill-oriġinal fl-2019-07-31. Miġbur 2023-05-25.Manutenzjoni CS1: BOT: url-oriġinali status mhux magħruf (link)
- ^ "Tina Turner - Signed Agreement (1978).... Music Memorabilia | Lot #23263 | Heritage Auctions". web.archive.org. 2021-08-16. Arkivjat mill-oriġinal fl-2021-08-16. Miġbur 2023-05-25.Manutenzjoni CS1: BOT: url-oriġinali status mhux magħruf (link)
- ^ Turner, Tina; Loder, Kurt (1986). I, Tina: My Life Story. Avon Books. ISBN 0-380-70097-2. p. 4.
- ^ "Tales of Ike and Tina Turner – Rolling Stone". web.archive.org. 2019-07-13. Arkivjat mill-oriġinal fl-2019-07-13. Miġbur 2023-05-25.Manutenzjoni CS1: BOT: url-oriġinali status mhux magħruf (link)
- ^ "Tina Turner: the making of a rock'n'roll revolutionary | Music | The Guardian". web.archive.org. 2018-12-15. Arkivjat mill-oriġinal fl-2018-12-15. Miġbur 2023-05-25.Manutenzjoni CS1: BOT: url-oriġinali status mhux magħruf (link)
- ^ "Tina Turner: Sole Survivor – Rolling Stone". web.archive.org. 2018-12-19. Arkivjat mill-oriġinal fl-2018-12-19. Miġbur 2023-05-25.Manutenzjoni CS1: BOT: url-oriġinali status mhux magħruf (link)
- ^ Norris, Sharon (September 1, 2000). Haywood County: Tennessee. Arcadia Publishing. ISBN 978-0-73850-605-0. pp. 25-30.
- ^ Gulla, Bob (2008). Icons of R&B and Soul, Vol. 1: An Encyclopedia of The Artists Who Revolutionized Rhythm. ABC-CLIO. ISBN 978-0-31334-044-4. p. 170.
- ^ "African American Lives 2 . Profiles . Tina Turner | PBS". www.thirteen.org. Miġbur 2023-05-25.
- ^ Turner, Tina; Loder, Kurt (1986). I, Tina: My Life Story. Avon Books. ISBN 0-380-70097-2. pp. 5-6.
- ^ Turner, Tina; Loder, Kurt (1986). I, Tina: My Life Story. Avon Books. ISBN 0-380-70097-2. p. 6.
- ^ Bock, Scott M. (April 2018). "Eugene "Hideaway" Bridges". Living Blues. Vol. 49, no. 2. University, Mississippi: Center for the Study of Southern Culture. p. 31.
- ^ Norris, Sharon (2000). Haywood County: Tennessee. Arcadia Publishing. ISBN 978-0-73850-605-0. p. 107.
- ^ Gates, Henry Louis (2005). Africana: Arts and Letters: An A-to-Z Reference of Writers, Musicians, and Artists of the African American Experience. Running Press. ISBN 0-7624-2042-1. p. 114.
- ^ Norris, Sharon (2000). Haywood County: Tennessee. Arcadia Publishing. ISBN 978-0-73850-605-0. p. 27.
- ^ Norris, Sharon (2000). Haywood County: Tennessee. Arcadia Publishing. ISBN 978-0-73850-605-0. p. 28.
- ^ Gulla, Bob (2008). Icons of R&B and Soul, Vol. 1: An Encyclopedia of The Artists Who Revolutionized Rhythm. ABC-CLIO. ISBN 978-0-31334-044-4. p. 174.
- ^ Gulla, Bob (2008). Icons of R&B and Soul, Vol. 1: An Encyclopedia of The Artists Who Revolutionized Rhythm. ABC-CLIO. ISBN 978-0-31334-044-4. p. 171.
- ^ Turner, Tina; Loder, Kurt (1986). I, Tina: My Life Story. Avon Books. ISBN 0-380-70097-2. pp. 10-11.
- ^ Bego, Mark (2005). Tina Turner: Break Every Rule. Taylor Trade Publishing. ISBN 1-58979-253-X. p. 16.
- ^ Bego, Mark (2005). Tina Turner: Break Every Rule. Taylor Trade Publishing. ISBN 1-58979-253-X. pp. 26-28.
- ^ "TRAVEL ADVISORY; Black History in St. Louis - New York Times". web.archive.org. 2008-06-02. Arkivjat mill-oriġinal fl-2008-06-02. Miġbur 2023-05-25.Manutenzjoni CS1: BOT: url-oriġinali status mhux magħruf (link)
- ^ "Celebrity nurses: Famous people you never knew were nurses". web.archive.org. 2019-02-24. Arkivjat mill-oriġinal fl-2019-02-24. Miġbur 2023-05-25.Manutenzjoni CS1: BOT: url-oriġinali status mhux magħruf (link)
- ^ "Mad Max Fury Road: Ten Road Warrior themed world records | Guinness World Records". web.archive.org. 2018-11-13. Arkivjat mill-oriġinal fl-2018-11-13. Miġbur 2023-05-25.Manutenzjoni CS1: BOT: url-oriġinali status mhux magħruf (link)
- ^ "Gold & Platinum - RIAA". web.archive.org. 2020-06-05. Arkivjat mill-oriġinal fl-2020-06-05. Miġbur 2023-05-25.Manutenzjoni CS1: BOT: url-oriġinali status mhux magħruf (link)
- ^ "Ike and Tina Turner | Rock & Roll Hall of Fame". web.archive.org. 2020-01-11. Arkivjat mill-oriġinal fl-2020-01-11. Miġbur 2023-05-25.Manutenzjoni CS1: BOT: url-oriġinali status mhux magħruf (link)
- ^ "USATODAY.com - Kennedy Center honors five performing greats". web.archive.org. 2008-05-07. Arkivjat mill-oriġinal fl-2008-05-07. Miġbur 2023-05-25.Manutenzjoni CS1: BOT: url-oriġinali status mhux magħruf (link)
- ^ "Tina Turner owned the crowd at the Rock Hall Ceremony without even being there - cleveland.com". web.archive.org. 2021-10-31. Arkivjat mill-oriġinal fl-2021-10-31. Miġbur 2023-05-25.Manutenzjoni CS1: BOT: url-oriġinali status mhux magħruf (link)
- ^ "Tina Turner Albums and Discography | AllMusic". web.archive.org. 2023-04-15. Arkivjat mill-oriġinal fl-2023-04-15. Miġbur 2023-05-25.Manutenzjoni CS1: BOT: url-oriġinali status mhux magħruf (link)