Takson

Takson (plural Taksa), jew unità tassonomika, huwa grupp ta' organiżmi (għandu jew ma għandux isem). Meta jingħata isem, it-Takson normalment jiġi kategorizzat u jingħata livell partikolari f'ġerarkija f'skema ta' Klassifikazjoni Xjentifika.

Skema semplifikata ta' livelli f'ordni ġerarkiku:

• Dominju
  • Renju
    • Phylum (żooloġija) jew Diviżjoni (botanika)
      • Klassi
        • Ordni
          • Familja
            • Ġeneru
              • Speċi

Prefiss jista' jiġi wżat biex jindika kategorija f'livell ogħla jew livell aktar baxx fil-ġerarkija. Il-prefiss Super- jindika livell ogħla waqt li l-prefiss Sotto- jindika livell aktar baxx.

Fiż-żooloġija il-prefissi jistgħu jkunu Magn-, Super-, Grand-, jew Mir- biex jindikaw livell ogħla filwaqt Sotto-, Infra- jew Parv- biex jindikaw livell aktar baxx.

Eżempju:

• Magnordni
  • Superordni
    • Grandordni
      • Mirordni
        • Ordnii
          • Sottordni
            • Infrordni
              • Parvordni

Wieħed għandu jinnota li livell huwa relattiv u ristrett fi skema użata partikolari. Pereżempju, liverworts ġew kategorizzati f'gruppi, f'sistemi ta' klassifikazjoni varji, bħala Familja, Ordni, jew anke Klassi. L-użu ta' livelli huwa sfidat minn dawk li jużaw il-Kladistiċi u dan ġiegħel biex jiġi propost il-PhyloCode jew Fajlokodiċi.