Fenek tal-vulkan
Il-fenek tal-vulkan (Romerolagus diazi), magħruf ukoll bħala teporingo jew conejo zacatuche huwa mammiferu plaċentat erbivoru ċkejken tal-familja Leporidae li jgħix qalb il-muntanji vulkaniċi tal-Messiku. Dan huwa it-tieni l-iżgħar fenek fid-dinja u fenek tal-vulkan adult jiżen bejn 390 u 600 gramma, ftit akbar biss mil-fenek pigmew u għandu par widnejn żgħar ġejjin għat-tond, erba' saqajn qosra u pil qasir u oħxon.
| Fenek tal-vulkan | |
|---|---|
 | |
| Stat ta' konservazzjoni | |
|
Invalid status IUCN3.1 :
| |
| Klassifikazzjoni xjentifika | |
| Phylum | Chordata |
| Klassi | Mammalia |
| Ordni | Lagomorpha |
| Familja | Leporidae |
| Ġeneru | Romerolagus (en) 
|
| speċi | Romerolagus diazi , 1893
|
| Distribuzzjoni ġeografika | |
 | |
| Informazzjoni ġenerali | |
| Tqala | 39 ġurnata |
Il-fenek tal-vulkan jgħix f'bejtiet taħt l-art fi gruppi minn 2 sa 5 u xi ħaġa rari fost il-fniek f'każ ta' periklu bħala komunikazzjoni, juża' ħsejjes bħal twerżieqa irqieqa u għolja minflok it-tisbit tas-saqajn mal-art li jużaw ħafna speċi ta' fniek oħra. Dan huwa fenek notturn u għalkemm attiv matul il-lejl kollu, il-quċċata tal-attività tiegħu tkun fi tlugħ u nżul ix-xemx.
Il-popolazzjoni fis-salvaġġ tal-fenek tal-vulkan fl-1969 kienet niżlet drastikament għal mhux aktar minn 1,200 fenek. Illum il-ġurnata bħala sigurtà kontra l-possibilità ta' estinzjoni ta' dan il-fenek fis-salvaġġ, jeżistu kolonji ta' ripproduzzjoni f'Jersey Zoo, fir-Renju Unit u f'Chapultepec Zoo, fil-Belt tal-Messiku (Olney & Ellis, 1993).
Distribuzzjoni
immodifikaIl-fenek tal-vulkan huwa speċi endemika tal-Messiku u jgħix fuq il-ġnub tal-vulkani Iztaccihuatl, Pelado, Popocatépetl u Tlaloc f'għoli bejn 2,800 u 4250 metru ġo foresti tal-pinu fejn jikber ħafna ħaxix taħt is-siġar u f'artijiet b'ħagar vulkaniku li jissejħu assi transversali neo-vulkaniċi.
Klassifikazzjoni
immodifika- Ordni Lagomorpha
- Familja Leporidae
- Ġeneru Romerolagus
- Fenek tal-vulkan, Romerolagus diazi
- Ġeneru Romerolagus
- Familja Leporidae
Referenzi
immodifika- Lagomorph Specialist Group (1996). Romerolagus diazi, Lista Ħamra tal-IUCN 2006