Pika tal-isteppa

Il-Pika tal-isteppa (Ochotona pusilla) hija speċi ta' mammiferu plaċentat, erbivoru, tal-familja Ochotonidae fl-ordni Lagomorpha.

Pika tal-isteppa
Klassifikazzjoni xjentifika
Renju:	Animalia
Phylum:	Chordata
Klassi:	Mammalia
Sottoklassi:	Theria
Infraklassi:	Eutheria
Superordni:	Euarchontoglires
Ordni:	Lagomorpha
Familja:	Ochotonidae
Ġeneru:	Ochotona
Speċi:	O. pusilla
Isem binominali
Ochotona pusilla Pallas, 1769
Sottospeċi
Ochotona pusilla aktogaiensis Ochotona pusilla angustifrons Ochotona pusilla occidentalis Ochotona pusilla pusilla Ochotona pusilla spelea

Din l-ispeċi tagħmel parti mill-grupp tal-piki tal-isteppa li hu magħmul minn disa' speċi u miġburin fis-sottoġeneru Ochotona.

Il-Pika tal-isteppa hija speċi pjuttost unika fost il-piki, din l-ispeċi partikolari hija notturna jew attiva ħafna bil-lejl u l-komunikazzjoni vokali ssir minn inżul ix-xemx sa wara fit-tard bil-lejl. Din tħobb tħaffer il-bejta taħt l-art f'ħamrijja umda f'ambjent b'ħafna veġetazzjoni u siġar żgħar. Din l-ispeċi qiegħda klassifikata fil-"IUCN Red List of Threatened Species" bħala waħda fi stat vulnerabli, dan minħabba li l-popolazzjoni naqset drastikament fi żmenijiet reċenti kemm fin-numru u d-densità, kif ukoll fil-firxa u d-distribuzzjoni.

Riproduzzjoni

Il-pika tal-isteppa tirriproduċi billi twelled boton ta' minn wieħed sa tlettax-il żarmuġ kull darba. In-nisa jimmaturaw sesswalment fir-raba' jew fil-ħames ġimgħa ta' ħajja waqt li l-irġiel irid ikollhom minn tal-anqas sena.

Distribuzzjoni

Din hija speċi mifruxa minn naħa ta' fuq tax-xmara Volga san-Nofsinhar tal-Muntanji Urali min-Nofsinhar għal-Lvant mal-fruntiera taċ-Ċina, il-Każakistan u r-Russja.

Klassifikazzjoni

• Ordni Lagomorpha
  • Familja Ochotonidae
    • Ġeneru Ochotona
      • Sottoġeneru Ochotona: piki tal-isteppa
        • Pika tal-isteppa, Ochotona pusilla
          • Sottospeċi
          • Ochotona pusilla aktogaiensis (Savinov, 1981)
          • Ochotona pusilla angustifrons (Argyropulo, 1932)
          • Ochotona pusilla occidentalis (Chaline & Erbajeva & Montuire, 2001)
          • Ochotona pusilla pusilla (Pallas, 1769)
          • Ochotona pusilla spelea (Owen, 1846)

Referenzi

• Hoffmann, Robert S., Andrew T. Smith (November 16, 2005). Wilson, D. E., and Reeder, D. M. (eds) Mammal Species of the World, 3rd edition, Johns Hopkins University Press, 191-192. ISBN 0-8018-8221-4.
• Lagomorph Specialist Group (1996).Ochotona pusilla. 2006 IUCN Red List of Threatened Species.