Oħrid
Oħrid jew Ohrid (Maċedonjan: [ˈɔxrit]) hija belt fil-Maċedonja ta' Fuq u s-sede tal-Muniċipalità ta' Oħrid. Hija l-akbar belt mal-Lag Oħrid u t-tmien l-akbar belt fil-pajjiż. Fl-2002 il-muniċipalità rreġistrat popolazzjoni ta' aktar minn 42,000 abitant. Oħrid hija magħrufa li darba kellha 365 knisja, waħda għal kull jum tas-sena, u kienet tissejjaħ "Ġerusalemm tal-Balkani".[1][2] Il-belt fiha ħafna djar pittoreski u monumenti, u hija popolari ħafna fil-qasam turistiku. Tinsab fil-Lbiċ ta' Skopje, fil-Punent ta' Resen u Bitola. Fl-1979 u fl-1980 rispettivament, Oħrid u l-Lag Oħrid ġew aċċettati bħala Sit ta' Wirt Dinji Kulturali u Naturali tal-UNESCO.[3] Oħrid huwa wieħed mit-28 Sit ta' Wirt Dinji tal-UNESCO li huma siti kulturali kif ukoll naturali.
| Oħrid | |||
|---|---|---|---|
 Maċedonja ta' Fuq | |||
 | |||
| |||
| Amministrazzjoni | |||
| Stat sovran | Maċedonja ta' Fuq | ||
| Municipality of North Macedonia | Muniċipalità ta' Ohrid | ||
| Kap tal-Gvern |
Nikola Bakracheski (en)  | ||
| Isem uffiċjali | Охрид | ||
| Ismijiet oriġinali | Охрид | ||
| Kodiċi postali |
6000 | ||
| Ġeografija | |||
| Koordinati | 41°07′01″N 20°48′07″E / 41.1169°N 20.8019°EKoordinati: 41°07′01″N 20°48′07″E / 41.1169°N 20.8019°E | ||
  Oħrid Oħrid (North Macedonia) | |||
| Superfiċjenti | 389.93 kilometru kwadru | ||
| Għoli | 700 mu 695 m | ||
| Demografija | |||
| Popolazzjoni | 38,818 abitanti (2021) | ||
| Informazzjoni oħra | |||
| Kodiċi tat-telefon |
046 | ||
| Żona tal-Ħin | Ħin tal-Ewropa Ċentraliu Ħin tas-Sajf tal-Ewropa Ċentrali | ||
| bliet ġemellati |
Piran, Inđija, Wollongong (en) , Budva, Vinkovci (en) , Pogradec, Kragujevac (en) , Windsor, Vidovec (en) , Trogir, Yalova (en) , Stari Grad, Safranbolu, Mostar, Ogrodzieniec (en) , Gaziosmanpaşa (en) u Nikšić (en) | ||
| ohrid.gov.mk | |||
.png)
Sit ta’ Wirt Dinji
immodifikaParti ewlenija tar-Riżerva tal-Bijosfera Transkonfinali Ohrid-Prespa, preċiżament in-naħa taż-żona tal-Lag ta’ Ohrid li tagħmel mal-Maċedonja ta’ Fuq, ilha Sit ta’ Wirt Dinji tal-UNESCO mill-1979, filwaqt li n-naħa taż-żona tal-Lag ta’ Ohrid li tagħmel mal-Albanija ġiet estiża fl-2019 bħala parti mill-istess Sit ta’ Wirt Dinji mħallat (kulturali u naturali) imsejjaħ il-Wirt Naturali u Kulturali tar-Reġjun ta’ Ohrid.[3][4]
Il-valur universali straordinarju tas-sit ġie rrikonoxxut abbażi ta’ erba’ kriterji tal-għażla tal-UNESCO: il-kriterju (i) “Rappreżentazzjoni ta’ kapulavur frott il-kreattività tal-bniedem”, ladarba l-belt ta’ Ohrid hija waħda mill-eqdem insedjamenti umani fl-Ewropa bi fdalijiet kompluti minn Żmien il-Bronż sal-Medju Evu; il-kriterju (iii) “Xhieda unika jew minn tal-inqas eċċezzjonali ta’ tradizzjoni kulturali jew ta’ ċivilizzazzjoni li għadha ħajja jew li għebet”, ladarba s-sit huwa xhieda eċċezzjonali ta’ opri tal-arti ta’ żmien il-Biżantini, b’iktar minn 2,500 metru kwadru ta’ affreski u iktar minn 800 ikona ta’ fama dinjija, l-iktar fil-knejjes ta’ Santa Sofija, ta’ Marija Omm Alla ta’ Perivleptos u ta’ San Ġwann Kaneo; il-kriterju (iv) “Eżempju straordinarju ta’ tip ta’ bini, ta’ grupp ta’ siti jew ta’ pajsaġġ arkitettoniku jew teknoloġiku li joħroġ fid-dieher stadju/i sinifikanti fl-istorja tal-bniedem”, ladarba fir-reġjun tal-Lag ta’ Ohrid hemm l-iktar monasteru Slavoniku antik u l-ewwel università Slavonika fil-Balkani – l-iskola letterarja ta’ Ohrid li firxet il-kitba, l-edukazzjoni u l-kultura fid-dinja Slavonika antika kollha; u l-kriterju (vii) “Post fejn iseħħu fenomeni naturali tal-għaġeb jew fejn hemm żoni ta’ ġmiel naturali u ta’ importanza estetika eċċezzjonali”, ladarba l-valuri distintivi tal-konservazzjoni tan-natura tal-Lag ta’ Ohrid, bi storja li tmur lura għaż-żminijiet preglaċjali, jirrappreżentaw fenomenu naturali superlattiv li għadu pjuttost intatt bis-saħħa tal-iżolament ġeografiku u l-attività bijoloġika bla interruzzjoni, u jagħti kenn lil diversi speċijiet endemiċi ta’ flora u ta’ fawna.[3]
Ara wkoll
immodifikaReferenzi
immodifika- ^ "The Mirror of the Macedonian Spirit, Zlate Petrovski, Sašo Talevski, Napredok, 2004, ISBN 978-9989-730-38-2, page 72: "... and Macedonia in the Cathedral Church St. Sofia in the Macedonian Jerusalem — Ohrid..."
- ^ Vankovska, Biljana (2003). Between past and future : civil-military relations in post-communist Balkan states. London: I.B. Tauris.
- ^ a b ċ Centre, UNESCO World Heritage. "Natural and Cultural Heritage of the Ohrid region". UNESCO World Heritage Centre (bl-Ingliż). Miġbur 2022-10-17.
- ^ "Celebrating the extension of the Ohrid Region World Heritage site in Albania". IUCN (bl-Ingliż). 2019-07-29. Miġbur 2022-10-17.
Sorsi
immodifika- Wilkes, John (1992-11-11). The Illyrians (bl-Ingliż). Wiley. ISBN 9780631146711.
Ħoloq esterni
immodifika| Wikimedia Commons għandha fajls multimedjali li għandhom x'jaqsmu ma': Oħrid (Ohrid) |