Opossum ġurdien sufi ta' Alston

L-Opossum ġurdien sufi ta' Alston magħruf xjentifikament bħala Micoureus alstoni, huwa wieħed minn 6 speċijiet ta' opossumi ġrieden sufin tal-ġeneru Micoureus. Dan huwa mammiferu marsupjal, membru tat-tribù Monodelphini, fis-sottofamilja Didelphinae, fil-familja Didelphidae (didelfidi), tal-ordni Didelphimorphia (didelfimorfji), nattiv tal-kontinenti Amerikani u mifrux mill-Amerika ċentrali, sat-Tramuntana fil-kontinent tal-Amerika ta' isfel.

Opossum ġurdien sufi ta' Alston
Klassifikazzjoni xjentifika
Renju:	Animalia
Phylum:	Chordata
Klassi:	Mammalia
Sottoklassi:	Theria
Infraklassi:	Metatheria
Superordni:	Ameridelphia
Ordni:	Didelphimorphia (Gill,1872)
Familja:	Didelphidae (Gray,1821)
Sottofamilja:	Didelphinae
Ġeneru:	Micoureus (Lesson,1842)
Isem binominali
Micoureus alstoni (J.A.Allen,1900)
Firxa ta' l-Opossum ġurdien sufi ta' Alston Micoureus alstoni

Dan huwa speċi ta' opossum li ġeneralment jippreferi jgħix f' abitat ta' foresti kemm subtropikali u tropikali umdi, kif ukoll f' dawk subtropikali u tropikali xotti.

L-Opossum ġurdien sufi ta' Alston, huwa didelfimorfju ta' abitudni kemm arborja jew siġrijja (jgħix fis-siġar), kif ukoll terrestri (jgħix ma' l-art) u l-quċċata tal-attività tiegħu tkun matul il-lejl (notturna).

Dieta

Micoureus alstoni huwa mammiferu marsupjal b' dieta omnivora. Din tikkonsisti prinċipalment minn frott u varjeta ta' insetti, għalkemm annimali invertebrati u vertebrati żgħar oħrajn bħal rettili, amfibjani u mammiferi gerriema jintieklu ukoll.

Distribuzzjoni

L-opossum ġurdien sufi ta' Alston għandu distribuzzjoni vasta ma' bosta pajjiżi fl-Amerika ċentrali u fil-kontinent tal-Amerika ta' isfel u jinsab mifrux fil-Beliże, Gwatemala, Ħonduras, Kolombja, Kosta Rika, Nikaragwa u Panama.

Klassifikazzjoni

• Ordni Didelphimorphia
  • Superfamilja Didelphoidea
    • Familja Didelphidae
      • Sottofamilja Didelphinae
        • Tribù Monodelphini
          • Ġeneru Micoureus
            • Opossum ġurdien sufi ta' Alston, Micoureus alstoni

Referenzi

• Gardner, Alfred (November 16, 2005). Wilson, D. E., and Reeder, D. M. (eds) Mammal Species of the World, 3rd edition, Johns Hopkins University Press, 3-18. ISBN 0-801-88221-4
• The Paleobiology Database.
• Tassonomija tal-Mammiferi.

Ħoloq Esterni

• New World Marsupial Specialist Group 1996.Micoureus alstoni In: IUCN 2006. 2006 IUCN Red List of Threatened Species. Downloaded on 19 January 2007.
• Infonatura, sit b' informazjoni dwar il-fawna tal-kontinent ta' l-Amerika ta' isfel inkluż il-marsupjal Micoureus alstoni.