Edward Maya
Ilie Eduard Marian, magħruf aħjar bħala Edward Maya (twieled fid-29 ta' Ġunju 1986) huwa mużiċist, produttur u kompożitur Rumen. Matul l-2009 kiseb popolarità kbira kemm fuq bażi Ewropew kif ukoll dak dinji bil-kanzunetta Stereo Love.
| Edward Maya | |
|---|---|
| Isem sħiħ | Eduard Marian Ilie |
| Twieled | 29 ta' Ġunju 1986 |
| Oriġini | Bukarest, Rumanija |
| Ġeneru | House, elettronika |
| Snin ta' attività | 2005–preżent |
| Artisti relatati | Vika Jigulina |
| Sit uffiċjali | edwardmaya.com |
Karriera
immodifikaMatul l-2006, Maya ikkolabora ma' diversi artisti Rumeni u ħadem ukoll fuq il-kanzunetta Tornerò ta' Mihai Trăistariu fil-Festival tal-Eurovision 2006. Suċċessivament, fl-2008, ipproduċa l-album tal-grupp Akcent fejn ta d-daqqa t'id tiegħu fil-kompożizzjoni tas-siltiet Stay with Me, That's My Name u Lover's Cry.
Fis-sajf tal-2009, Maya ħareġ l-ewwel kanzunetta tiegħu bħala artist taħt l-isem ta' "Stereo Love". Din sparat għat-tieni post fir-Rumanija u aktar tard saret popolari f'ħafna klabbs imxerrdin madwar id-dinja. Il-kanzunetta rnexxielha tidħol fl-ewwel ħames postijiet tal-klassifiki mużikali ġewwa l-Awstrija, id-Danimarka, il-Finlandja, il-Ġermanja, l-Italja, l-Iżvezja, l-Iżvizzera, in-Norveġja, l-Olanda, ir-Renju Unit u Spanja.[1][2][3] Fuq is-sit tal-YouTube il-vidjo uffiċjali ta' din il-kanzunetta laħaq total ta' 75 miljun viżta f'inqas minn tnax-il xahar,[4] u rnexxielha tagħmel rekord ta' 52 ġimgħa fil-klassifika tal-aqwa 100 kanzunetta fl-Ewropa.
Fit-13 ta' Mejju, 2010, Maya ħareġ it-tieni kanzunetta tiegħu "This Is My Life", u aktar tard ifforma d-ditta diskografika tiegħu Mayavin Records. Nhar il-Milied tal-istess sena, Maya ħareġ it-tieni kanzunetta tiegħu "Desert Rain".
Diskografija
immodifikaAlbums
immodifika- 2011 – The Stereo Love Show
Diski
immodifika- 2009 – Stereo Love (feat. Vika Jigulina)
- 2010 – This Is My Life
- 2010 – Close to you (feat. Eda)
- 2010 – Desert Rain (feat. Vika Jigulina)
Referenzi
immodifika- ^ "Edward Maya & Vika Jigulina: Stereo Love (Nummer)" (bl-Olandiż). Hung Medien. Miġbur 2011-01-21.
- ^ "Chartverfolgung / Maya,Edward Feat.Jigulina,Vika / Single" (bil-Ġermaniż). Musicline.de. Miġbur 2011-01-12.
- ^ "Chart Stats: Edward Maya & Vika Jigulina" (bl-Ingliż). Chart Stats. Miġbur 2011-01-12.
- ^ "Edward Maya & Vika Jigulina - Stereo Love (OFFICIAL VIDEO)". www.youtube.com. Miġbur 2010-03-27.
