Cristian Zaccardo
Cristian Zaccardo (Formigine, 21 ta' Diċembru 1981) huwa eks-plejer tal-futbol Taljan. Mat-tim nazzjonali Taljan hu rebaħ it-Tazza tad-Dinja. Huwa jilgħab primarjament bħala difensur fuq il-faxex iżda kapaċi jilgħab ukoll bħala difensur ċentrali.
| Informazzjoni personali | |||
|---|---|---|---|
| Twelid | 21 ta' Diċembru 1981 Formigine, Italja | ||
| Tul | 1.84 m | ||
| Rwol | Difensur | ||
| Mixtliet | |||
| 1991–2000 | Bologna | ||
| Karriera professjonali | |||
| Snin | Klabb | ||
| 2000–2004 | Bologna | ||
| 2000–2001 | → Spezia (self) | ||
| 2004–2008 | Palermo | ||
| 2008–2009 | Wolfsburg | ||
| 2009–2013 | Parma | ||
| 2013–2015 | Milan | ||
| 2015–2017 | Carpi | ||
| 2016–2017 | → Vicenza (self) | ||
| 2017 | Vicenza | ||
| 2017–2018 | Ħamrun Spartans | ||
| 2019 | Tre Fiori | ||
| Tim nazzjonali | |||
| 2002–2004 | Italja U-21 | ||
| 2004–2007 | Italja | ||
Karriera
immodifikaWieħed mill-aqwa prodotti tas-settur taż-żgħażagħ ta' Bologna, Zaccardo iddebutta mal-ewwel tim fl-2001, taħt id-direzzjoni tal-kowċ Francesco Guidolin, fejn immedjatament sar regolari għar-rossoblu u mat-tim nazzjonali tal-Italja ta' taħt il-21 sena. Hu ħalla lil Bologna fl-2004 biex issieħeb mal-eks-kowċ Guidolin f'Palermo. Wara l-istaġun li qatta' fil-Ġermanja ma' VfL Wolfsburg,[1] huwa reġa' ingħaqad ma' Guidolin mat-tim ta' Parma f'Awwissu 2009.[2] Fl-24 ta' Jannar 2013, huwa iffirma ma' Milan fi ftheim li ra t-tpartit ta' Zaccardo ma' Djamel Mesbah li mar ma' Parma.[3]
Internazzjonali
immodifikaZaccardo iddebutta mat-tim nazzjonali Taljan fis-17 ta' Novembru 2004 waqt il-partita ta' ħbiberija kontra l-Finlandja, u nhar it-8 ta' Ottubru 2005 skorja l-ewwel gowl bil-flokk tal-Italja fir-rebħa ta' 1–0 kontra s-Slovenja. Il-kowċ Marcello Lippi għażlu fost it-23 plejer għat-Tazza tad-Dinja 2006. Zaccardo lagħab tliet darbiet fejn skorja awto gowl fit-tieni logħba tal-azzurri, dro ta' 1–1 kontra l-Istati Uniti. Mal-iskwadra Taljana sar ċampjin tad-dinja wara r-rebħa fil-finali kontra Franza wara l-għoti tal-penalties.
Unuri
immodifikaKlabb
immodifika- Wolfsburg
- Bundesliga: 2008–09
Internazzjonali
immodifika- Tazza tad-Dinja: 2006
Referenzi
immodifika- ^ "Wolfsburg sign a world-class player" (bl-Ingliż). Bundesliga. 2008-05-09. Miġbur 2009-05-21.
- ^ "Zaccardo al Parma" (bit-Taljan). Parma FC. 2009-08-29. Miġbur 2009-08-30.
- ^ "ZACCARDO PROUND TO JOIN MILAN" (bl-Ingliż). AC Milan. 2013-01-24. Miġbur 2013-01-25.
Ħoloq esterni
immodifika- (IT) Statistika mat-tim nazzjonali fuq FIGC.it
- Cristian Zaccardo fuq National-Football-Teams.com
