Bernard Grech
Bernard Grech (twieled fit-8 ta' Ġunju 1971) huwa politiku u avukat Malti. Minn Ottubru tal-2020 beda jservi bħala Kap tal-Partit Nazzjonalista.
| Bernard Grech | |
|---|---|
 | |
| Ħajja | |
| Twelid | Raħal Ġdid, 8 Ġunju 1971 (53 sena) |
| Edukazzjoni | |
| Alma mater | Università ta' Malta |
| Okkupazzjoni | |
| Okkupazzjoni | avukat |
Ħajja bikrija u professjonali
immodifikaBernard Grech twieled f'Raħal Ġdid fit-8 ta' Ġunju 1971. Huwa trabba f'Birżebbuġa u ggradwa bħala avukat, u speċjalizza fid-dritt ċivili.[1] Grech ipprattika l-attività professjonali tiegħu f'żewġ ditti tal-liġi, u speċjalizza fil-medjazzjoni tat-tilwim fil-familji.
Grech attwalment joqgħod il-Mosta.
Involviment fil-politika
immodifikaFl-2011 Grech ħa sehem fil-kampanja kontra l-legalizzazzjoni tad-divorzju f'Malta, li mbagħad intilfet.[2] Huwa ma kienx involut uffiċjalment fi rwoli attivi fil-politika qabel dak iż-żmien. Huwa tqarreb lejn il-pożizzjonijiet tal-Partit Nazzjonalista fl-2018. F'Awwissu 2020 huwa kkontesta għal Kap tal-Partit Nazzjonalista kontra l-mexxej ta' dak iż-żmien Adrian Delia, wara li l-kungress tal-partit ivvota biex issir elezzjoni interna.[3]
Grech sar il-Kap tal-Partit Nazzjonalista fit-3 ta' Ottubru 2020, wara li rebaħ l-elezzjoni kontra Adrian Delia b'69.3% tal-voti.[4] Huwa ħa l-ġurament bħala l-Kap tal-Oppożizzjoni fis-7 ta' Ottubru 2020.[5]
Elezzjonijiet Ġenerali 2022
immodifikaSena u nofs wara l-ħatra tiegħu, il-Partit Nazzjonalista ffaċċja l-ewwel elezzjonijiet taħt it-tmexxija ta' Bernard Grech. Fl-Elezzjonijiet Ġenerali ta' Marzu 2022, il-Partit Laburista kiseb 162,707 vot; 39,474 aktar mill-Partit Nazzjonalista li kiseb 123,233 vot; u bħala persentaġġi l-PL ġab 55.1% u l-PN 42.1%, kważi ripetizzjoni tal-istess riżultati taż-żewġ elezzjonijiet ta' qabel. Kienet l-ikbar rebħa elettorali f'Malta u l-ikbar telfa għall-Partit Nazzjonalista minn wara l-Indipendenza sal-lum.
Meta wieħed iqabbel l-elezzjoni ġenerali ma’ dik tas-sena 2017 isib ukoll li l-Partit Laburista naqqas il-voti tiegħu b’8,269 vot, waqt li l-Partit Nazzjoznalsita naqqas il-voti bi 12,464 vot.
Ħajja privata
immodifikaGrech iddikjara li huwa Kattoliku prattikant u huwa l-missier ta' żewġt itfal. Huwa esprima wkoll il-fehmiet tiegħu li huwa kontra l-legalizzazzjoni tal-abort.[6] Fil-ħajja privata tiegħu għandu interess personali fl-opri, u jiddiletta bħala kantant dilettant.[2]
Referenzi
immodifika- ^ Diacono, Tim (2020-07-26). "Who Is Bernard Grech, The Rising Star Seeking To Become PN Leader?". Lovin Malta (bl-Ingliż). Miġbur 2022-03-20.
- ^ a b "Bernard Grech: From Delia darling to leadership challenger". Times of Malta (bl-Ingliż). Miġbur 2022-03-20.
- ^ "Delia on the ropes as council votes for PN leadership election". Times of Malta (bl-Ingliż). Miġbur 2022-03-20.
- ^ "Bernard Grech is new PN leader with 69.3% of the vote". web.archive.org. 2020-10-06. Arkivjat mill-oriġinal fl-2020-10-06. Miġbur 2022-03-20.Manutenzjoni CS1: BOT: url-oriġinali status mhux magħruf (link)
- ^ "Bernard Grech sworn in as Opposition leader". web.archive.org. 2020-10-10. Arkivjat mill-oriġinal fl-2020-10-10. Miġbur 2022-03-20.Manutenzjoni CS1: BOT: url-oriġinali status mhux magħruf (link)
- ^ "The man of the moment - Bernard Grech". MaltaToday.com.mt (bl-Ingliż). Miġbur 2022-03-20.
Ħoloq esterni
immodifika- Bernard Grech fuq is-sit uffiċjali tal-Parlament Malti