Aleksandar Tonev

Aleksandar Tonev
Informazzjoni personali
Isem sħiħ	Aleksandar Antonov Tonev
Twelid	3 ta' Frar 1990 (34 sena); Elin Pelin, Bulgarija
Tul	1.78 m
Rwol	Midfilder offensiv
Mixtliet
	Levski Elin Pelin
	CSKA Sofia
Karriera professjonali
Snin	Klabb
2008–2011	CSKA Sofia
2009–2010	→ Sliven (self)
2011–2013	Lech Poznań
2013–2015	Aston Villa
2014–2015	→ Celtic (self)
2015–2016	Frosinone
2016–2018	Crotone
2018–2020	Botev Plovdiv
Tim nazzjonali
2008–2012	Bulgarija U21
2011–2020	Bulgarija

Aleksandar Tonev (bil-Bulgaru: Александър Тонев; Elin Pelin, 3 ta' Frar 1990) huwa plejer tal-futbol Bulgaru li jilgħab bħala midfilder offensiv.

Karriera

Tonev kiber fit-timijiet taż-żgħażagħ ta' CSKA Sofia, u ddebbutta mat-tim tal-kbar fir-rebħa ta' 3–1 kontra Belasitsa Petrich fit-8 ta' Marzu 2008. Wara l-bejgħ ta' numru ta' plejers fis-sajf tal-2008, hu sab aktar opportunitajiet fit-tim. L-ewwel gowls ma' CKSA waslu fir-rebħa ta' 4–1 kontra Vihren Sandanski tat-22 ta' April 2009, fejn skorja doppjetta. Għall-istaġun 2009–10 ġie misluf lil Sliven sabiex jikseb aktar esperjenza.

Nhar is-16 ta' Ġunju 2011, Tonev iffirma mal-klabb Pollakk ta' Lech Poznań fejn lagħab l-ewwel logħba bħala sostitut fid-29 ta' Lulju 2011, fil-konfront kontra ŁKS Łódź, mirbuħ 5–0. Fis-26 ta' Lulju 2012, Tonev sab ix-xibka għall-ewwel darba fl-Ewropa, hekk kif skorja l-uniku gowl fir-rebħa ġewwa darhom kontra l-klabb Ażerbajġan ta' Khazar Lankaran, valida għat-tieni rawnd ta' kwalifikazzjoni tal-Europa League.

Fis-7 ta' Ġunju 2013, Aston Villa ħabbru li kienu akkwistaw lil Tonev għas-somma ta' €3.2 miljun.^[1]

Internazzjonali

Tonev iddebutta mat-tim nazzjonali tal-Bulgarija fit-telfa ta' 1–0 kontra Wales fil-11 ta' Ottubru 2011. Nhar it-22 ta' Marzu 2013, skorja tliet gowls fil-logħba valida għall-kwalifikazzjoni għat-Tazza tad-Dinja 2014 kontra Malta, fir-rebħa ta' 6–0.^[2]

Gowls internazzjonali

Punteġġi u r-riżultati tal-Bulgarija qedgħin fil-lista xellugija.

#	Data	Post	Avversarju	Punteġġ	Riżultat	Kompetizzjoni
1.	22 ta' Marzu 2013	Vasil Levski, Sofija, Bulgarija	Malta	1–0	6–0	Kwalifikazzjoni għat-Tazza tad-Dinja 2014
2.	22 ta' Marzu 2013	Vasil Levski, Sofija, Bulgarija	Malta	2–0	6–0	Kwalifikazzjoni għat-Tazza tad-Dinja 2014
3.	22 ta' Marzu 2013	Vasil Levski, Sofija, Bulgarija	Malta	5–0	6–0	Kwalifikazzjoni għat-Tazza tad-Dinja 2014

Unuri

Klabb

CSKA Sofia

A PFG: 2007–08
Tazza Bulgara: 2010–11
Super Cup Bulgara: 2008

Individwali

L-Aqwa Plejer Bulgaru Żagħżugħ tal-Istaġun: 2010–11

Referenzi

^ "Excited Tonev agrees Villa move" (bl-Ingliż). Aston Villa FC. 2013-06-07. Arkivjat minn l-oriġinal fl-2013-10-01. Miġbur 2013-07-20.
^ Georgiev, Stoyan (2013-03-22). "Unbeaten Bulgaria overwhelm Malta" (bl-Ingliż). UEFA. Arkivjat minn l-oriġinal fl-2013-10-21. Miġbur 2013-07-20.

Ħoloq esterni

Aleksandar Tonev fuq National-Football-Teams.com

[1] "Excited Tonev agrees Villa move" (bl-Ingliż). Aston Villa FC. 2013-06-07. Arkivjat minn l-oriġinal fl-2013-10-01. Miġbur 2013-07-20.

[2] Georgiev, Stoyan (2013-03-22). "Unbeaten Bulgaria overwhelm Malta" (bl-Ingliż). UEFA. Arkivjat minn l-oriġinal fl-2013-10-21. Miġbur 2013-07-20.

[1]

[2]