Yulia Savicheva

Yulia Savicheva
Informazzjoni ġenerali
Isem sħiħ	Yulia Stanislavovna Savicheva
Twieled	14 ta' Frar 1987 (37 sena); Kurgan, Russja
Snin ta' attività	2003–preżent
Sit uffiċjali	www.savicheva.ru

Yulia Stanislavovna Savicheva (bir-Russu: Ю́лия Станисла́вовна Са́вичева; twieldet fl-14 ta' Frar 1987) hija kantanta Russa li ħadet sehem fil-Festival tal-Eurovision 2004 li sar f'Istanbul, fit-Turkija.

Bijografija

Yulia twieldet fl-1987 minn familja ta' mużiċisti fil-belt ta' Kurgan lejn in-naħa tas-Siberja, fil-Lbiċ tal-Muntanji Ural. L-ewwel esperjenza fuq il-palk kienet fl-età ta' erba' snin, mal-grupp Agatha Christie. Wara bdiet tipparteċipa ma' grupp taż-żfin, fejn minkejja l-età tenera tagħha, kienet tesebixxi waħedha. Sena wara, meta kellha sitt snin, il-grupp (fejn missierha kien jaħdem ukoll) kien mistieden biex jaħdem f'Moska. Hemmhekk, hi pparteċipat f'diversi avvenimenti mużikali fiċ-ċentru rikreattiv ta' MAI.

Il-ħin liberu tagħha kienet tqattgħu ma' mużiċisti fiċ-ċentru rikreattiv jew fit-teatru. L-ewwel dehra importanti tagħha kienet f'parti fiċ-ċentru rikreattiv fi żmien l-ewwel tas-sena, fejn kienet ukoll l-ewwel darba li tħallset u fejn Yulia kellha titgħallem iż-żfin ballroom. Fl-istess żmien, hi kienet ukoll qed tistudja fl-iskola u tipparteċipa fil-grupp taż-żfin "Zhuravushka".

Bil-potenzjal kreattiv tagħha rnexxielha tikseb stedina minn L. Azadanova biex Yulia tingħaqad mal-grupp, u hi hekk għamlet. Kien f'dan iż-żmien li Yulia bdiet tkanta kif ukoll tiżfen. Wara dan, fl-2001, il-produttur Poleiko stedinha biex tieħu sehem fl-ispettaklu tal-ewwel tas-sena fil-Katidral ta' Kristu Salvatur, fejn irnexxielha tagħmel dan b'suċċess kbir u ġiet magħżulha biex terġa' tipparteċipa s-sena ta' wara.

F'Marzu tal-2003, beda t-tieni staġun tal-progamm televiżiv Star Factory. Il-produttur tal-proġett, Maxim Fadeev, kien diġà avviċina lil Yulia meta din kienet taħdem bħala vokalista fl-album "Vorona" tal-artista Russa Linda. Minkejja li Yulia pparteċipat fil-festival, hi kienet eliminata fis-semifinali. Madanakollu, il-kanzunetti tagħha saru popolari, fosthom "Korabli" (Vapuri), "Vysoko" (Għoli) u "Prosti Za Lyubov" (Aħfirli Jekk Inħobbok).

F'Marzu tal-2004, Yulia pparteċipat f'festival ieħor, "World's Best", u f'Mejju hi rebħet il-ħdax-il post fil-Festival tal-Eurovision bil-kanzunetta, "Belive Me" (Emminni). L-ewwel album tagħha ħareġ fl=2005 taħt it-titlu Vysoko (Għoli). Madwar nofs il-materjal tal-album kien miktub mal-mużiċisti tal-grupp Total.

F'Awwissu tas-sena 2005, Yulia kitbet il-kanzunetta "Esli V Serdtse Zhivet Liubov" (Jekk l-Imħabba Tgħix f'Qalbek) li saret il-kanzunetta uffiċjali tas-serje televiżiva "Ne Rodis' Krasivoi" fuq STS. Il-kanzunetta saret ukoll popolari u f'Novembru ħarġet album bl-istess isem. F'Ġunju 2006 ħarġet l-album Magnit, fejn Anastasia Maksimova kitbet il-parti l-kbira tal-kanzunetti.

F'Settembru tal-2007, għamlet xi kunċerti f'Tokjo u Osaka fil-Ġappun, u wara dan, fi Frar tal-2008 ħarġet l-album Origami.

Diskografija

Vysoko (2005)
Esli v serdtse zhivyot lyubov (2005)
Magnit (2006)

Привет / Privet
Отпусти / Otpusti
Если в сердце живёт любовь / Esli v serdtse zhivyot lyubov
Здравствуй, это я / Zdravstvuy, eto ya
Лёгкие / Lyogkiye
Мало / Malo
Виноград / Vinograd
Как твои дела / Kak tvoi dela
Я хочу в твои глаза / Ya khochu v tvoi glaza
Седьмое небо / Sedmoe nebo
Если в сердце живёт любовь (remix ta' NeoMaster)
Лёгкие (Navigator remix)
Седьмое небо (ta' Andrei Harchenko)

Origami (2008)

Любовь-Москва / Lyubov-Moskva
Выше звёзд / Vyshe zvyozd
Никак / Nikak
Ядерный взрыв / Yadernyy vzryv
Зима / Zima
Половинка / Polovinka
Это судьба / Eto sud'ba (dwett ma' A. Makarsky)
Послезавтра / Poslezavtra
Кто-То Придумал Любовь / Kto-to pridumal lyubov
Пепел / Pepel
Никак / Nikak

Ħoloq esterni

Wikimedia Commons għandha fajls multimedjali li għandhom x'jaqsmu ma': Yulia Savicheva (Yulia Savicheva)

Predeċessur t.A.T.u	Russja fil-Festival tal-Eurovision 2004	Suċċessur Natalia Podolskaya