Ġebla ta' Rosetta: Differenza bejn il-verżjonijiet

 

It-tul kollu tat-test ġeroglifiku u d-daqs totali tal-istele oriġinali, li l-Ġebla ta’ Rosetta hija biss framment minnha, jistgħu jiġu stmati abbażi ta’ steli komparabbli li nstabu, inkluż kopji oħra tal-istess tip. Id-digriet ta’ Kanopu, li tfassal kemxejn qabel u nħareġ fis-sena 238 Q.K. matul ir-renju ta’ Tolomew III, twil 2,190 mm u wiesa’ 820 mm, filwaqt li fih 36 linja ta’ test ġeroglifiku, 73 linja ta’ test demotiku, u 74 linja ta’ test bil-Grieg Antik. It-testi huma twal kważi ndaqs.<ref>Budge (1894) p. 106</ref> Minn komparazzjonijiet bħal dawn, jista’ jiġi stmat li 14-il linja jew 15-il linja ta’ test ġeroglifiku huma neqsin mill-kitba ta’ fuq nett tal-Ġebla ta’ Rosetta, u li kieku jammontaw għal 300 mm ieħor.<ref>Budge (1894) p. 109</ref> Apparti l-kitbiet, x’aktarx li fuqhom kien ikun hemm xbiha ta’ re li jkun qed jiġi ppreżentat lill-allat, u fuqha sfera bil-ġwienaħ bħalma hemm fuq l-Istele ta’ Kanopu. Dawn il-paralleli, u s-simbolu ġeroglifiku O26 mil-[[lista ta’ ġeroglifiċi skont il-klassifikazzjoni ta’ Gardiner]] li jirrappreżenta ‘stele’ fuq il-ġebla stess, jissuġġerixxu li oriġinarjament il-parti ta’ fuq tal-istele kienet tkun ġejja għat-tond.<ref name=":1" /><ref name=":2">Parkinson et al. (1999) p. 26</ref> Huwa stmat li l-istele oriġinali kien ikollha tul ta’ madwar 1490 mm.<ref name=":2" />