Mary Shelley

Mary Wollstonecraft Shelley (UK IPA: /ˈwʊlstənkrɑːft/; née Godwin; 30 ta’ Awwissu 1797 – 1 ta’ Frar 1851) kienet rumanziera Ingliża li kitbet ir-rumanz gotiku Frankenstein; or, The Modern Prometheus (1818), ikkunsidrat bħala wieħed mill-ewwel xogħlijiet ta’ fantaxjenza, u wieħed mill-aktar xogħlijiet magħrufin tagħha. Hija editjat u ppromwoviet ukoll ix-xogħol tar-raġel tagħha, il-poeta Romantiku u l-filosofu Percy Bysshe Shelley. Missierha kien il-filosofu politiku William Godwin, u ommha l-filosofu u d-difensur tad-drittijiet tan-nisa Mary Wollstonecraft.

Mary Shelley
Ħajja
Isem propju	Mary Wollstonecraft Godwin
Twelid	Somers Town (en) , 30 Awwissu 1797
Nazzjonalità	Ir-Renju Unit tal-Gran Brittanja u l-Irlanda Gran Brittanja Renju Unit
Residenza	Londra
L-ewwel lingwa	Ingliż
Mewt	Chester Square (en) u Bournemouth (en) , 1 Frar 1851
Post tad-dfin	Knisja ta' San Pietru, Bournemouth
Kawża tal-mewt	(tumur tal-moħħ)
Familja
Missier	William Godwin
Omm	Mary Wollstonecraft
Konjuga/i	Percy Bysshe Shelley (mul)  (30 Diċembru 1816 -  8 Lulju 1822)
Ulied	uri Clara Everina Shelley (en) William Shelley (en) Percy Florence Shelley (en) Clara Shelley (en)
Aħwa	uri William Godwin the Younger (en) Fanny Imlay (en) Claire Clairmont (en) Charles Gaulis Clairmont (en)
Edukazzjoni
Lingwi	Ingliż
Okkupazzjoni
Okkupazzjoni	kittieb tal-vjaġġi rumanzier saġġist drammaturgu bijografu kittieb kittieb tal-fantaxjenza poeta novellist
Xogħlijiet importanti	The Last Man (en) Frankenstein; or, The Modern Prometheus (en)
Premjijiet	List Science Fiction and Fantasy Hall of Fame  (2004)
Moviment	Romantiċiżmu Brittaniku
Moviment artistiku	ktieb tal-ivvjaġġar letteratura Gotika rumanz Gotiku fantasija

Mary Shelley għexet ħajja letterarja. Missierha ħeġġiġha tikteb l-ittri biex titgħallem is-sengħa tal-kitba. Il-passatemp favorit tagħha fi tfulitha kien li tikteb l-istejjer. Fl-1814 Mary Shelley ħarbet ma’ Percy u tilfet ix-xogħlijiet li kienet kitbet f’żgħożitha. Madankollu, ħadd mhu ċert jekk il-manuskritti li eventwalment instabu, kinux inkitbu qabel din is-sena. Huwa maħsub li l-ewwel xogħol li ppubblikat Shelley huwa Mounseer Nongtongpaw, li kitbet meta kellha għaxar snin. Dan ix-xogħol ta’ versi komiċi kitbitu għall-Juvenile Library. Madankollu, din il-poeżija xi drabi hija attribwita lil kittieb ieħor. Mary Shelley tirrakkonta: “Żewġi, sa mill-bidu kien iħeġġiġni biex nuri li jien denja tal-isem tal-ġenituri tiegħi u biex nikseb reputazzjoni letterarja.”