Opossum irqiq delikat

L-Opossum irqiq delikat jew Opossum ġurdien irqiq delikat, magħruf xjentifikament bħala Marmosops parvidens, huwa mammiferu marsupjal, tal-familja Didelphidae (didelfidu), fl-ordni Didelphimorphia (didelfimorfju) u huwa wieħed mill-opossumi irqaq, nattiv tal-kontinent tal-Amerika ta' isfel.

Opossum irqiq delikat
Klassifikazzjoni xjentifika
Renju:	Animalia
Phylum:	Chordata
Klassi:	Mammalia
Sottoklassi:	Theria
Infraklassi:	Metatheria
Superordni:	Ameridelphia
Ordni:	Didelphimorphia (Gill,1872)
Familja:	Didelphidae (Gray,1821)
Sottofamilja:	Didelphinae
Ġeneru:	Marmosops (Matschie,1916)
Speċi:	M. parvidens
Isem binominali
Marmosops parvidens (Tate,1931)

Firxa tal-Opossum irqiq delikat Marmosops parvidens

Dan l-opossum irqiq arborju jew annimal li jgħix il-biċċa l-kbira tal-ġurnata fis-siġar (Nowak,1999), ta' abitudni notturna (annimal li jilħaq il-quċċata tal-attività tiegħu f'xi ħin bejn inżul ix-xemx u t-tlugħ tagħha), ġeneralment jippreferi jgħix f' abitat kemm ta' foresti tropikali tax-xita jew pluvjali, kif ukoll foresti tropikali umdi, f'elevazzjonijiet varji.

Dieta

L-Opossum irqiq delikat huwa annimal omnivoru u d-dieta prinċipali tikkonsisti minn frott, insetti u annimali invertebrati u vertebrati żgħar oħra.

Distribuzjoni

Marmosops parvidens huwa speċi b' distribuzjoni fil-kontinent tal-Amerika t'isfel, mifruxa mal-Brażil, Gujana, Gujana Franċiża, Kolombja, Peru, Surinam u Venezwela. L-ewwel darba li ġie skopert xjentifikament, kien instab fil-Lvant ta' Demerara, fil-Punent tal-kosta Berbice, f'Hyde Park, 30 mil 'l fuq tax-xmara Demerara.

Klassifikazjoni

Marmosops pinheiroi, Marmosops bishopi u Marmosops juninensis għal żmien twil kienu meqjusin bħala sottospeċi u b' hekk jirrapreżentaw l-istess speċi Marmosops parvidens, sakemm ġie skopert li M. pinheiroi u M. parvidens jghixu simpatrikament (flimkien fl-istess lokalita) fil-Gujana Franċiża.

• Ordni Didelphimorphia
  • Superfamilja Didelphoidea
    • Familja Didelphidae
      • Sottofamilja Didelphinae
        • Ġeneru Marmosops
          • Sottoġeneru Parvidens
            • Opossum irqiq delikat, Marmosops parvidens

Referenzi

• Am. Mus. Novit. 493; 13.
• Gardner, Alfred (November 16, 2005). Wilson, D. E., and Reeder, D. M. (eds) Mammal Species of the World, 3rd edition, Johns Hopkins University Press. ISBN 0-801-88221-4
• The Paleobiology Database.
• Infonatura

Ħoloq Esterni

• New World Marsupial Specialist Group 1996.Marmosops parvidens In: IUCN 2006. 2006 IUCN Red List of Threatened Species. Downloaded on 19 January 2007.
• Lista varja ta' membri fil-ġeneru Marmosops.
• Tassonomija tal-Mammiferi.