Ludovic Magnin
Ludovic Magnin (twieled fl-20 ta' April 1979) huwa eks-plejer u kowċ tal-futbol Żvizzeru.
.jpg) | |||
| Informazzjoni personali | |||
|---|---|---|---|
| Twelid | 20 ta' April 1979 Lausanne, Żvizzera | ||
| Tul | 1.86 m | ||
| Rwol | Difensur xellugi | ||
| Mixtliet | |||
| 1987–1996 | FC Echallens | ||
| 1996–1997 | Lausanne-Sports | ||
| Karriera professjonali | |||
| Snin | Klabb | ||
| 1997–2000 | Yverdon Sport | ||
| 2000–2002 | Lugano | ||
| 2002–2005 | Werder Bremen | ||
| 2005–2009 | VfB Stuttgart | ||
| 2010–2012 | FC Zürich | ||
| Tim nazzjonali | |||
| 2000–2010 | Żvizzera | ||
| Timijiet ikkowċjati | |||
| 2018–2020 | FC Zürich | ||
Bijografija immodifika
Imrobbi f'Echallens, fil-kantun ta' Vaud, qalb familja "miġnuna fuq il-futbol": missieru kien jilgħab fi klabb tal-ewwel diviżjoni waqt li ommu kienet fl-iskwadra femminili ta' pajjiżu. Hu hu miżżewweġ lil Chantale u għandu żewġt itfal, Nicos (twieled fl-2002) u Thierry (twieled fl-2006).
Karriera immodifika
Klabb immodifika
Beda fil-livell ġovanili tal-klabb tal-lokal, FC Echallens, qabel ma fl-1996 ingħaqad għal staġun ma' Lausanne-Sports. Fis-sajf tal-1997 issieħeb ma' Yverdon, tim mit-tieni diviżjoni Żvizzera. Magħhom għamel id-debutt professjonali tiegħu, fejn fi tliet snin deher total ta' 45 logħba. Fis-sena 2000 ingħaqad mal-ambizzjuż Lugano fejn magħhom lagħab il-kampjonat 2000–01, qabel ma għamel qabża ta' kwalità f'Jannar tas-sena ta' wara meta ttrasferixxa mal-klabb Ġermaniż ta' Werder Bremen.
Fl-ewwel tliet staġuni fil-Bundesliga ftit li xejn kien involut, fejn ġabar 20 preżenza u gowl wieħed. Mal-Werder irnexxielu jirbaħ il-kampjonat u t-Tazza Ġermaniża fl-istaġun 2003–04. Madanakollu, iż-żmien mal-klabb kien imtappan minn nuqqas ta' logħob ħabba li kien iweġġa' ta' spiss.
Fis-sajf tal-2005 ġie akkwistat minn VfB Stuttgart u fl-istaġun ta' wara rnexxielu jikseb it-tieni titlu nazzjonali tal-kampjonat personali, fejn għamel 22 dehra u skorja gowl wieħed, ironikament kontra l-eks-klabb tiegħu. L-istaġun 2009–10 ftit li xejn azzjoni mat-tim, u sabiex isalva postu mat-tim nazzjonali Żvizzeru għat-Tazza tad-Dinja 2010, iddeċieda li f'Jannar 2010 jingħaqad mal-klabb Żvizzeru ta' FC Zürich. Fis-27 ta' Awwissu 2012, Magnin ħabbar li kien se jirtira wara problemi fiżiċi persistenti.
Internazzjonali immodifika
Fis-sena 2000, grazzi għall-prestazzjonijiet tajbin li beda juri ma' Lugano, ġie msejjaħ għall-ewwel darba mat-tim nazzjonali Żvizzeru, bid-debutt tiegħu jasal f'Awwissu kontra l-Greċja. Mat-tim nazzjonali pparteċipa fil-Kampjonati Ewropej 2004, fit-Tazza tad-Dinja 2006 u fil-Kampjonati Ewropej 2008 fejn għal dan tal-aħħar kien hu li libes il-faxxa ta' kaptan tat-tim wara li waqt il-kompetizzjoni weġġa' Alexander Frei.
Unuri immodifika
- Werder Bremen
- Bundesliga: 2003–04
- DFB-Pokal: 2004
- Stuttgart
- Bundesliga: 2006–07
Ħoloq esterni immodifika
- (DE) Ludovic Magnin fuq fussballdaten.de
- Ludovic Magnin fuq National-Football-Teams.com
