Johnny Catania

attur u makjettista Malti

Johhny Catania (Msida, 23 ta' Ġunju 1925 - 11 ta' Novembru 1991) kien attur u makjettista Malti.

Bejn l-1941 u l-1964 ħadem bħala armament fitter fit-Tarzna.

Fl-1945 huwa waqqaf il-kumpanija teatrali Stage Commandoes, u sena wara r-Radju Muskettieri. Bejn l-1956 u l-1964 mexxi diversi kuntesti ta' talent.

Kien kummidjant maħbub minn ħafna u għamel wirjiet f'Londra, Toronto, San Francisco, New York, Melbourne u Sydney barra f'Malta.

Fl-1964 huwa emigra lejn il-Kanada fejn ħadem bla heda għall-komunità Maltija u b'riżq id-Dar tal-Providenza.

Huwa miet f'Windsor, Ontario, fl-għomor ta' 66 sena.